Friday, August 7, 2009

إستخدام عادل أم استهبال عاجل


في خطة غريبة من حكومتنا الرشيدة التي تدعي انها حكومة الكترونية وذكية وغيرها من الاوصاف الحلزونية قررت وزارة الاتصالات تطبيق سياسة الاستخدام العادل علي سرعات النت غير المحدودة بمعني أن لكل سرعة كمية محدوده من الجيجات إذا تم تخطيها يتم تخفيض السرعة الي 128ك ب / ث كالاتي :

512 ك ب / ث =25 جيجابايت / شهرياًً

1024 ك ب / ث =40 جيجابايت / شهرياًً

2048 ك ب / ث =60 جيجابايت /شهرياًً

4096 ك ب / ث =80 جيجابايت / شهرياًً

8192 ك ب / ث =120 جيجابايت / شهرياًً

16384 ك ب / ث =180 جيجابايت /شهرياًً

24576 ك ب / ث =250 جيجابايت / شهرياًً

ولا أعرف لماذا تصر وزارة الاتصالات علي تطبيق سياسات أقل مايُقال عنها انها سرقة علنية ونصب عيني عينك ومن لايعجبه فليشرب من أقرب بالوعة مجاري بعد أن شرب المشتركين المقلب بالفعل واستسلموا للخدعة التي أوقعتهم فيها شركات الانترنت حيث قامت برفع سرعات الانترنت الى الضعف لكل المشتركين لديها بنفس الاسعار المتعاقدين بها، مما جعل المشتركين يشعرون بأن الانترنت في مصر شهد تطوراً ملحوظاً, إلا ان هذه الشركات سرعان ما عادت الآن وخرجت عليهم بهذه السياسة الجديدة التي اثارت غضبهم.

ويبدو أننا سنظل في حالة استنفار دائم للقيام بحملات مقاطعة في أي وقت كما حدث وقمنا سابقاً في حملتنا ضد تحديد سعة الانترنت بعد مسرحية تخفيض سعره والتي سرعان ماانكشفت وتمخض جبل المصرية للاتصالات بتحسين حالة الانترنت في مصر فولد فأر تحديد سعة الانترنت الشهير اياه

يبدو أنه لامفر من عمل حملة لمقاطعة هذه الشركات حتى لاتستمرئ الامر وتتصور اننا عبيد إحسناتهم وينسوا أن مرتباتهم التي يتنعمون بها تأتيهم من جيوبنا ولن نسكت على هذه السرقة العلنية والاستهبال المفضوح !!!! نرجو المشاركة في هذه الحملة حتى يصلهم ردنا على هذه السياسة التي أقل مايُقال عنها أنها استهبال عاجل وليس استخدام عادل
للمزيد عن الحملة تابع جروب الحملة

لا للإنترنت المحدود

ولمعرفة المزيد من التفاصيل عن هذه الخدعة المسماة بسياسة الاستخدام العادل

قائمة اسعار شركة تي اي داتا

قائمة اسعار شركة فودافون

قائمة اسعار شركة لينك دوت نت

وسنوافيكم بالتطورات تباعاً


16 comments:

Alkomi said...

ينصح باستخدام السيبرات

الفقيرة إلى الله أم البنات said...

لا حولة ولا قوة إلا بالله
هاقولك تانى يا بيللا يا حبيبتى
انت فى بلاد العجائب يا اليس
ولا ااقولك انت فى مصر يا عبله
لو فى حاجه نعملها قولى مهو الحرامى محتاج حد يقف له

Bella said...

اهلا محمد

مش كل الناس تقدر في اي وقت تروح سايبر

انا مثلا بادخل النت بالليل

اروح سايبر ازاي بقى؟؟

Bella said...

أم البنات

اهلا وسهلا

لواحد خلاص ح يطق من جنابه صراحة

هم من فترة مستهبلين وسرعة النت تنافس السلحفاة ولما اتكلمنا مرة يقولوا لا كويسة ومرة تانية يقولوا العيب من السنترالات عندكم

الحل طبعا اننا نجرسهم في كل حتة ونوسع الحملة لاكبر عدد ممكن

وياريت الجروب كمان يكبر

ونهدد بقطع الاشتراكات

وممكن ننفذ هو يعني ح نموت من غير النت الفترة الجاية

dr.lecter said...

منهم لله

TAFATEFO said...

بيللا هانم

أنا أول المتضررين من القرار ده .. أنا داونلودر وأبلودر بطريقة مش طبيعية .. اشتراكي 5 ميجا والـ80 جيجا دول نعملهم أنا واخواتي في أسبوع .. لكن بصراحه مقدرش ألومهم .. كل اللي هطالب بيه هو رفع الليميت ورفع السرعة بعد الليميت .. يعني يبقوا زي الليميتس بتاعة فودافون (انا لينك)

القرار ده اللي اتقاللي انه اتاخد لسببين أولهم مقنع ومنطقي وعقلاني جداً بصراحه

الوصلات : المفروض ان اشتراك الانترنت للإستخدام الشخصي .. فهتلاقي انك لو مشتركه بسرعة 1 ميجا الـ 100 جيجا دول كويسين جداً .. لأن الاستخدام الطبيعي لفرد أو أسرة مش هيكون أكتر من 3 جيجا في اليوم .. انما الوصلات بقى بدل المستخدم الواحد عشره وعشرين وساعات أكتر .. فبيبقى الباندويدث كبير جداً جداً لأن بدل ما شخص أو أسرة واحدة اللي بتستغل الإشتراك عشرين فرد

السبب التاني خاص بيهم هما

TAFATEFO said...

باختصار .. مع تعديل الليميتس لـ لينك وتي اي داتا ورفعها لتكون مماثلة لليميتس فودافون .. أنا مع القرار ده وأؤيده ومقدرش أعترض عليه

Bella said...

dr.lecter

مرحبا بك

ربنا ينتقم منهم بحق الايام المفترجة دي

Bella said...

TAFATEFO

اهلا بك

انا باستخدم النت لوحدي وبقالي فترة باعاني من بطء غير مبرر ولا عندي شبكة ولا سبق وشاركت مع عشرة غيري

الاسلوب اللى هم عملوه ده اسلوب لصوص وحرامية

كان من الاول يعرفوا الناس حكاية تحديد السعة دي مش يغروهم بزيادة السرعة وبعدين يقولوا لهم التحديد امامك والعداد خلفكم فاين المفر

لازم يتربوا علشان يبطلوا اسلوب العصابات والنشالين ده

الله يعكنن عليهم

خلاص بقى الواحد يبطل يجدد اشتراك ويدخل دايال اب للشديد القوي وخلاص

خليهم يتربوا ويشوفوا لما نقاطعهم ح يصرفوا مرتبات منين

Bella said...

المشكلة يامصطفي انهم سايبين بعض الشركات بتتصرف براحتها

طيب ليه من الاول مش عاملين الكل زي فودافون بدل ماسيبين تي اي زفت ولينك دوت هباب يستنطعوا علينا

TAFATEFO said...

على فكره لينك وتي اي داتا بيقولوا ان الحدود دي متعارف عليها عالمياً

أقترح ان لو في حملة يبقى هدفها تعديل الحدود مش إلغاء السياسة .. لأن بصراحة أنا شايف ان ليهم حق في تطبيق السياسة دي لمكافحة الوصلات

رأي حضرتك ايه؟

Bella said...

اهلا مصطفي

انا معنجيش مانع من تعجيل السياسة بتاعتهم

بس ضد الاستغفال

واللى بيمارسوه معانا ده استغفال واستعباط

يعني تصور واحد يقول لك على حاجة وبعد ماتتفق عليها يطلع مخبي لك مفاجأة حرامي على الناصية يقلبك

لما هم اصلا اجهزتهم لاتحتمل عدد المشتركين لما زاد احنا ذنبنا ايه؟؟

يفكوا الكيس شوية ويطلعوا من اللى لهفوه مننا ويحدثوا شبكاتهم بلاش قلة ادب

لو ماغيروش نظامهم ح الغي الاشتراك

ماحدش بيموت من غير نت
لكن هم ح يموتوا بدون مشتركين

TAFATEFO said...

أنا مش فاهم ايه النصب في رفع السرعة وايه علاقته بسياسة الإستخدام العادل

بالعكس

الاتنين هدفهم واحد .. تقليل الوصلات وزيادة أعداد المشتركين

بصي حضرتك ده رأيي واقتراحاتي واللي هحاول أوصله للمسؤولين عن لينك اللي أنا مشترك تبعها

أوافق على تطبيق سياسة الإستخدام العادل .. بشرطين

الفقيرة إلى الله أم البنات said...

هتبقى فرصة سعيده وجميله
رمضان على الأبواب ونستعد له من دلوقت مش هنغلب
وممكن نسيبهم خالص ونشترك فى الشركات الخاصه
الا اذا كانت معموله علشان نروح لشركات فودافون وموبينيل
مهو مش هتعهرفى الحقيقه
علشان دى مصر يابيللا

mamato2010 said...

السلام عليكم
بجد ده أستهبال عاجل .بس أنا كنت سمعت أن من كتر التحميل فى مصر حصل ضغط كبير .فبالتالى هما هيحددوه علشان يخفوا الضغوط. وحيبقى مفتوح للشركات والبنوك وبس.بس فى الاول و فى الاخر بردوا استهبال.و مستنى زيارتك يا معلم

Marwa Rakha said...

http://globalvoicesonline.org/2009/08/09/egypt-adverse-reactions-to-te-data-fair-usage-policy/