![](https://blogger.googleusercontent.com/img/b/R29vZ2xl/AVvXsEipdXS0km3lihAwVo3eN3qES31egxviCtfiCXa-wMCbaXvqKZxIbgFZ2eIwCYRIJbBay7pu6Dg3ILjfCugAeKo0rbl3smOWfLgdNQXCbBjPEjGTNGYkUq_Ey0e_btOL-iLC4HKKtqo4dvc_/s320/1may2007.jpg)
في الأول من مايو نحتفل كما يحتفل العالم أجمع بعيد العمال
ولن نتحدث عن سبب إختيار هذا اليوم كعيد عالمي للعمال لأن الأعياد عندنا فقدت معناها منذ زمن وتحولت لمجرد عطلة يرتاح فيها الناس وينامون ساعات إضافية ويوفرون مصاريف المواصلات.
عن نفسي لا أشعر بسعادة في هذا اليوم ولا أنتظر الخطاب الموعود الذي يبشر بالعلاوة التي أعتبرها عقاب لما يسبقها ويصحبها ويليها من ارتفاعات محمومة في أسعار كل شيئ حتى بات رفع الاسعار من الطقوس اليومية التي نصبح ونمسي عليها.
وطبعا للضحك عندنا مكانة لايدانيها مكانة حيث تمتلئ حياتنا بالمضحكات المبكيات ومن هذه المضحكات المبكيات صدور قرار بمنع صيد الأسماك لمدة شهرين كاملين في ظل ارتفاع جنوني لأسعار اللحوم الذي ترتب عليه ارتفاع في باقي السلع الغذائية الأخرى بما فيها بدائل اللحوم هذا القرار الغريب الذي يدل على أن الحكومة لاتعيش في واد ونحن في واد آخر ولكنها تعيش في كوكب آخر .
فبدلاً من مساعدة المواطنين على محاربة الغلاء وجشع التجار الذين تركتنا فريسة لهم تصدر المزيد من القرارات غير المسؤولة لمزيد من التجويع.
رغم أن مصر هبة النيل ولها سواحل على البحرين الاحمر والمتوسط الا أننا من أقل الدول استهلاكاً للاسماك التي يعتبر أكلها ترفاً لايقدر عليه في زمننا الغابرإلا كل ثري.
لا أجد ماأقول غير حسبنا الله ونعم الوكيل
ولن أقول قاطعوا لان المقاطعة لم تعد إختيار بل هي الخيار الوحيد إما المقاطعة أو المقاطعة.
4 comments:
السلام عليكم ورحمة الله وبركاته
عادي يابيلا هي دي الحكومه المصريه
طول عمرها رافعه شعار :
مصلحة المستثمرين ورجال الاعمال فوق الجميع
اضحكي اضحكي ولا عاوزه تفوتي يوم الضحك من غير ضحك دا حتي يبقي مش كويس
:)
اهلا فضفضة
والله دمي اتحرق
هو اصلا السمك سعره ارتفع طبعا مع الفراخ بعد اللحمة كالعادة لكن قرار المنع سيزيد المشكلة.
احساس سخيف جدا صراحة
مش عارفة العالم دي بيناموا ازاي
قالوا قديما شر البلية مايضحك،فهيا بنا نضحك على شر بلوتنا الحكومية
تدوينة رائعة فقد امتلأت بشجون تعبر عن أغلب عمال مصر المضحوك عليهم.
السلام عليكم و رحمة الله
دي حكومة مصر
انا مع الاسماك طبعا لاني مش بحب اللحمه بس مش معنى كده ان الناس ما تاكلش اللحمه
خللي الحكومه هي اللي تاكل اللحمه و الناس تموت من الجوع و خصوص اللي مش هيصيدوا السمك و ل الللي بيحبوا السمك
فعلا يا بيلا مصر مش بتستهلك السمك قد اللحوم
عايزه اقول لكم حاجه لطيفه كده بسرعه
لي صديقه لها طفله عمرها 5 سنوات كنت قاعده بغديها و في حتة لحمه صغيره فبقول لها يلا افتحي بؤك كلي اللحمه علشان تكبري
هي كانت قربت تشبع و بتتدلع عارفين قالت لي ايه ؟؟
سألتني انتي مصريه قلت لها اه قالت لي انا سعوديه و مش بحب اللحمه انا ضحكت قلت مش لازم تكوني مصريه علشان تحبي اللحمه
هي ردت عليا و قالت لي في مدرستها المصريين بيحبوا اللحمه وورتني صوره رسمها حد في كراسة المدرسه بتاعتها الصوره عباره عن علم مصر و بدل النسر مرسومه فخدة لحمه
:)
تخيلووا سمعة المصريين بقت في اللحمه
Post a Comment