Tuesday, October 16, 2007

آدي الاستثمار وإلا فلا

ممنوع على مرضى القلب والكبد والكلاوي الاقتراب وخاصة مرضى الضغط
واي شخص يعتقد انه على شفا المرض ممنوع ايضا من الاقتراب حتى لو كان على وشك الاصابة بنزلة برد في هذا الجو المتقلب وقد أعذر من أنذر وكل واحد يحافظ على مرارته لانها لو اتفقعت فليس على ادنى مسؤولية جنائية بعد التحذير المذكور أعلاه

أما المغامرين والفضوليين ممن سيضحون بمرارتهم ويقرأون الخبر القادم فلهم مني هدية مرارة كاوتش بمناسبة العيد والايام المفترجة التي مررنا بها والتي سنمر بها في ومن قدم شيئ بيداه إلتقاه وهنيالك يافاعل الخير والاجر والثواب عند الله.

بعد وصلة الشحاتة السابقة بالتأكيد تم قتل آخر نوازع الفضول لديكم وقد كانت هذه آخر وسيلة لدي لحمايتكم من الخبر التالي أنتم احرار بقى

هه بس

مليار دولار للتأمين على جسد هيفاء وهبي

بعد تعرضها لحادث خطير قررت النجمة اللبنانية هيفاء وهبي التأمين علي جسدها بمبلغ يصل إلي مليار دولار، وذلك بعد الحادث التي نجت منه مؤخرا بأعجوبة.

هذا وفور معرفة شركات التأمين بالخبر انهالت العروض علي هيفاء لاختيار التأمين الأنسب حتي وصل المبلغ المقترح إلي مليار دولار، ولا تزال النجمة تدرس العروض المقدمة قبل اتخاذ قرارها النهائي والانضمام الي لائحة طويلة من المشاهير أمنوا علي اجسادهم، حسب صحيفة "الراية" القطرية.

كانت هيفاء قد تعرضت لحادث سير مروع كاد ان يودي بحياتها، وذلك أثناء تصوير كليبها الجديد "حاسة ما بينا في حاجة" مع المخرج يحيي سعادة في مطار رياق العسكري ببيروت، وقد اصيبت الفنانة ببعض بجروح في مؤاخرة الرأس وتم نقلها على الفور الى المستشفى التى قامت بعلاج الجرح في رأسها وتنظيفه من نثر الزجاج السيارة التي ارتطمت الطائرة بها حيث كانت تحلق على ارتفاع منخفض جدا بالسيارة وتطاير الزجاج بقوة، مما أدى الى ثقب خزان الوقود في الطائرة وسال الكيروسين من الطائرة التي إندلعت فيها النيران .

مـصـدر الخبر

الآن وبعد أن طالعنا الخبر ماذا عسانا فاعلين ؟؟
هل نترك المسكينة في هذه الورطة العويصة وحيدة ونقف لنتفرج عليها وهي تحاول تدبير أقساط التأمين التي حتما ستقطم ظهرها

ألف سلامة ياست

يجب ان نقف بجوارها ونساندها في هذا الامر الخطير وأهو بالمرة نستثمر فلوسنا في أمر مضمون بدلاً من المشروعات الخايبة التي سرعان ماتقف الضرائب وخلافه حائلاً دون أن نهنأ بمليم من وراءها.

هذه هي المشروعات الاستثمارية المربحة في هذه المرحلة الدقيقة من حياة الأمم والشعوب على حد سواء

نحن بحاجة لمشروع قومي لنلتف حوله ويظهر معدننا في تلبية الواجب القومي.

فإذا لم نجد مستثمر شجاع يساهم في هذا المشروع العملاق فعلينا بعمل حملة اكتتاب لدفع أقساط التأمين على جسد المحروسة وربنا يحرسنا من كل الامراض المستعصية والمتوطنة وأي أنواع لانعرفها




52 comments:

عدى النهار said...

أول مرة أشوف صورة المحروسة

المفروض يقوم فنى متخصص بفحص البضاعة محل طلب التأمين ويفرز الأصلى من المغشوش وبعد كده يتم تحديد مبلغ التأمين والأقساط وطريقة الدفع

مش مليار دولار كده خبط لزق

بنت القمر said...

وماله لما تامن علي روحها هي واحده متصالحه مع نفسها وعارفه ان جسدها سلعه وهو راس مالها اللي عايشه منه ومش اي عيشه
طب ليه بيجيلها خواتم ماس وسيارات وفلل بملايين عشان لا مؤاخذه عقلها ولا روحها حلوة؟؟؟
ههههههههههههه
خلاص ومالو ما تامن عليه شفتي عم عدي النهار بيقولك ايه اصلي ومغشوش الا صحيح لو طلع نصه مغشوش ها تتحسب ازاي هههههههههههههه
ابقي بصي في البتاع ده
http://3rosalba7r.blogspot.com/2007/07/blog-post_27.html
تحياتي

عصفور المدينة said...

إيه يا بنتي هو انتي داخلة في النرفزة من أولها ومتي تعلمت وصلة التسول دي لعلها من كثرة المتسولين في رمضان

بس انا فعلا مش فاهم يعني إيه تأمين على الجسد يعني لو حصل له حادث عارض يدوها مبلغ التأمين ولا يجيبولها غيره سيليكون

طيب هل يشمل هذا التأمين تأمين ضد الحريق أم لا

الطائر الحزين said...

بلا وكسة
اللى اعرفه التأمين على جزء من الجسم
الرجل للاعب الكرة مثلا
والاصابع للى بيستخدم اصابعه

لكن الجسم كله
هتعمل ايه بالتأمين بعد ما يتفرتك

درش said...

أنا رأيي إننا نشوف شاب " إنتحاري " يضحي بسلامة عقله و كرامته و يتجوزها و يحجر عليها بحجة الهبل و العبط و الجنون و الإسفاف و التبذير و يصرف الفلوس ديه على إخوانه الشباب المحتاجين و له منا كل الإحترام و التقدير مش هنبصله على إنه مجنون أو " غريب الأطوار " لو اتجوز هيفاء وهبي.

Bella said...

عدى النهار

مرحبا بك

اول مرة تشوف صورة المحروسة

زعلتني عليك والله
انت مش لازم تسكت على نفسك
حد مايعرفش المحروسة هايفا هانم اللى حتى اعلانات بيبسي ولا كوكاكولا مش فاكرة اهو مشروب اسود ومنيل بتعمل له اعلان عبارة عن اعلان خارج مش عارفة صاحب فكرته كان طافح ايه قبل مايعمله

المهم

حاولت الاقي صورة محترمة للهانم ويادوب لقيت دي اكتر صورة لاتخدش الحياء العام
احنا خارجين من رمضان ومش معقول يعني اخرب لكم رصيدكم عند الله
مش كفاية اني بناقش معاكم موضوع ينقط زي ده

نرجع لموضوع الفحص الفني

صحيح مفروض على رايك متخصص يقوم بالفحص ويحدد الاصلي فين والمغشوش فين
ومتهيألي سيتم توزيع المليار على حسب كمية الغش في البضاعة

مااحنا برضه كمشاركين في الاستثمار من حقنا نعرف فلوسنا ح تتوزع ازاي

ههههههههههههه

Bella said...

بنت القمر

مرحبا بك

هي فعلا متصالحة مع روحها ومسببة خصام للجميع

هههههه

كل مااتذكر الخلافات الزوجية والبرامج التي كانت تناقش تقصير المرأة المصرية في حق زوجها وكيف انها زي الغفير وليست في جمال نانسي ولا هيفا وكيف ان الرجل عندنا مظلوم لانه ياحرام مستحل يعيش مع واحدة والعياذ بالله لو طلعت لحد في الضلمة يتخض وهو ياعيني حسين فهمي وجاي على نفسه وعايش مع بعبع متنكر في شكل زوجة

وطبعا الست هايفة عارفة الفولة وعارفة ايه بيعجب الجماهير من المحيط للخليج علشان كده تستحق انها تأمن على ثروتها بهذا المبلغ الخرافي الذي يمكن ان يطعم ملايين من الافواه الجائعة

ولا عزاء لاصحاب جمال الروح والعقل

ههههههههه

قال جمال الروح قال

نيجي بقى للرابط اللى بعتيه
وفيه موضوع الحادث الاليم ياحرام اللى اتعرضت له حضرتها ول تصب بخدش حتى ياربي ولا حتى ماكياجها اتمسح

مش حاجة غريبة دي وزجاج العربية مكسر ع الآخر وهي لم تصب بخدش حتى

العملية فيها سيليكون برضه

حاسة ان الحادثة دي متفبركة ومحشية سيليكون

هههههههههههههه

altwati said...

بيللا
كل سنة وأنت طيبة الأول
ما هذا البوست الذي يطفح حقدا
على السيدة هيفاء
قاهرة المراة العربية
هيفاء وهبي التي أوقفت النساء عند حدهن
إلا المزايدين من أصحاب الأقلام المغرضة
التي أرادت النوال من
جمال السيدة ونعت إمكاناتها منقطعة النظير بأنها ( سيليكون ) أكيد نتيجة الفحص ستثبت خطأ كل من سولت له نفسه
نعت السيدة بما ليس فيها

مع تحيات
جبهة التضامن مع هيفاء
ضد الأعداء

RealMan said...

يا جماعه انا ليا طلب واحد بليزززززز سيبولي الشفايف انا هشلها لوحدي.

يا بيلا مين قال لحضرتك ان الست المصريه العظيمه الشامخه العريقه بتخض في الضلمه بس ابدا وحاشا وكلا ده بتخض في جميع المواقف والمواقع وعلي جميع المستويات امكانيات يا ماما ما تستهونيش بيها انتوا شويا في الدنيا ده ولا ايه.

ويا اهلا بالتامين يا اهلا بس تبقي مصيبه لو حصل تاميم هنعمل ايه في البضاعه هترجع للشعب.

هههه يا نهار ابيض ده الشعب هيقطعها

Layla said...

انا مع طرح جسد هيفاء للاكتتاب الشعبي المباشر...مش معقولة يخلوا كل حاجة للمستثمرين الاجانب..مش كفاية بنك القاهرة...وهو نخلي الشعب يعيش ونحسسه انه بيشارك في النهوض بالبلد

ههههه

بس مليار دولار ده كتير على السيليكون اللي نافخة بيه كل حتة في جسمها...انا بقول كفاية 500 مليون دولار بس...لازم نكون واقعيين عشان مش نستفز الناس...ولا ايه!؟

:DDD

Anonymous said...

هاتولي حيطة أخبط فيها دماغي

Anonymous said...

و المليار دولار دى بقى متوزعة على جسد سيادتها بالتساوى و لا فى حتت نصيبها اكبر من حتت
ما هو الأعضاء مقامات برضوا
خصوصا عن واحدة موهوبة زى هيفا
اكيد فى حتت ليها نصيب الأسدة :P
و حتت ليها نصيب الخرنق

Bella said...

عصفور المدينة

مرحبا بك

حرقة الدم مستمرة معايا من فترة صراحة بس ماحبيتش انكد عليكم بدري عن كده
فقلت انتظر لبعد العيد
واهو بالمرة اكمل كورس الشحاتة اللى قررت اتعلمه من اللى باشوفه من المتسولين لدرجة اني قررت ابقى اكثر بروداً وتناحة منهم

والله سؤالك وجيه

مفروض فعلا قبل مانبتدي المشروع العملاق ده نسال كل الاسئلة المحتملة حتى نغطي النقص في معلوماتنا التأمينية وخاصة المتعلق منها بقسم السيليكون واقسام النفخ والشفط

ضروري برضه الواحد يعرف علشان التخصص يمكن لما ينجح مشروع الست هيفا ننقل على غيرها وماأكثر المحتاجات للتأمين ضد اخطار المهنة

زي الست مروة دي

ههههههههههههههه

Bella said...

الطائر الحزين

مرحبا بك

شفت بقى يااخي العزيز ان معلوماتك التأمينية متأخرة جدا وتحتاج لتحديث كبير

التأمين على الرجال لم يعد يأكل عيش فقررت شركات التأمين توسيع قاعدة عملائها

يعني مش كفاية بتأمن على رجال لا ولعيبة كرة كمان

مفروض على شركات التأمين توسع من نشاطها وتعمل تأمين على المشجعين مثلا

بس لقيوا انهم ح يخسروا كتير خصوصا ان المشجعين اغلبهم دمهم محروق من عمايل اللعيبة فيهم

فطبعا دخول الستات المجال سينشطه خصوصا لو ستات زي هيفا ونانسي ومروة وغيرهم من ذوات المواهب الفتاكة

مش جاي تقولي صوابع وبيانو وكرة قدم

ثم ايه ح يفرتك الجسم ياعزيزي

ايه فايدة التأمين ؟؟
مش جايز الشركة ح تعين لها مجموعة يحرسوها حراسة خاصة

ههههههههههههههههههههههههههههههههههههه

Bella said...

Darsh

مرحبا بك

انت باين عليك لئيم جدا وبتلعب لعب على كبير قوي
عايز تعمل طوابير متطوعين ياعفريت

انت اول ماتقول انك عايز انتحاري يتجوز هايفا ح تلاقي الناس من مختلف الاعمار تطوعت لهذا العمل القومي الجليل

والقر ح ينزل على دماغ المتطوع الهمام زي الرز في موسم الحصاد

هههههههههههه

Bella said...

altwati

مرحبا بك

وكل سنة وانت طيب

فين بقى الحقد ده ياعم انت

اذا كنت متزعمة حملة قومية للاكتتاب ودفع اقساط التأمين بدل الست علشان مانتعبهاش

ياساتر عليكوا مش لاقيين لنا تهمة

طيب ياسيدي خليك في جمعية انصار الست واحنا ح نعمل جمعية مضادة للمطالبة بتحويل كل واحد فيكم لتوم كروز علشان بس نفسيتنا تعبت من المناظر اللى بنشوفها

زي ماانتم عايزين تصبحوا وتتمسوا بهيفا

احنا برضه من حقنا نشوف توم كروز

واهو توم كروز لابيعمل سيليكون ولا شد ولا اي حركات

حتى الراجل مش بيصبغ شعره وسايب الشعر الابيض يهفف على جبيته المنور

قال جمعية انصار الست قال

هههههههههههههه

وبعدين بتستبق ليه نتيجة الفحص الفني
استنيى لما اللجنة الدولية لمعاينة الست تكتب تقريرها ونشوف الاصل من التقليد

وانا واثقة ان النتيجة ستكون مروعة لكم يامعشر المناصرين للست

ههههههههههههههه

Bella said...

RealMan

مرحبا بك

طيب ياعم ماحدش قال ان الست المصرية كاترين زيتا جونز

بس كمان يعني العالم اللى طالع لها كرش وبتلبس بيجامات مخططة وشكلها اعوذ بالله دول منين يعني ؟؟

يعني احنا صابرين على البلاء العظيم ده وكمان مش عاجبكم ومش بتحمدوا ربنا على النعمة اللى انتم فيها

الواحد فيكم لو اتجوز واحدة ي هيفا ولا ربعها حتى شوفوا ح يدفع كام مصاريف
ده غير الصيانة وتجديد قطع الغيار وخلافه

انتم متصورين العملية ببلاش ولا ايه

اللى عايز يدفع ويشيل

مش اكل وبحلقة يعني

اما بقى تأميم المشروع ده صراحة مش عارفة لو ممكن يحصل ولا لا

عليكم بقى تضحوا بنفسكم لحماية استثماراتكم

هههههههههههههههههههه

ملك الكبدة said...

هذه هي اللحظة التي تمنيت فيها ان اكون امرأة مثيرة حفا
ايه ده
و يا ترى التأمين هيبقى لكشة واحدة عالجثة كلها
ولا نص المبلغ مثلا للصدر و ربعه للارداف و خمسين مليون للشعر
و هكذا بحسب اهمية الجزء في الجسم
ولا ايه النظام بالزبط
يحكى ان بلدا عجيبة اسمها مصر
يحترق فيها البني ادم في القطارات مقابل ستين الف جنيه
يعني حوالي عشرتلاف دولاار
يعني الست السنيورة تفكلها ييجي كدة حوالي

مية الف مواطن مصري
عجبي

Bella said...

Marvel

مرحبا بك

شفت بقى المشاريع الطليعية اللى بتكسب دهب

هههههههههههههههههه

بس خليك ناصح
الناس لما بتسمع عن مشاريع بمبالغ كبيرة بتنبهر وتدفع من غير تفكير

لكن لو دخلنا في دور الفصال وقللنا المبلغ ح يقولوا مشروع مضروب

وبعدين ماله السيليكون؟؟
ماهي الناس عارفة انها ضاربه سيليكون ومع ذلك معجبين

بالسيليكون طبعا

ههههههههههههههههه

اهو ده اكبر دليل على الانجاز العلمي في مجال السيليكون

مرحبا بكم في وادي السيليكون

Bella said...

يَحيى المِصري

مرحبا بك

سلامة دماغك من الخبط في الحيطان

اكتتب معانا والمكسب اللى ح تكسبه ح يخليك تطير في السما مش تخبط راسك في الحيط

وبعدين ممكن نعمل مشاريع موازيه على هامش المشروع ده ونعمل قرشين كويسين

ممكن نديها عمليات تجميل لغير القادرين

ههههههههههههههه

Bella said...

memo

مرحبا بك

ده بقى اللى ح نعرفه من اللجنة الفنية التي ستقوم بالفحص وتقدير الاصلي من الصناعي وتوزع المبلغ بمعرفتها

اصل مش معقول يعني اللجنة الفنية ح تخلي الاصلي زي التايواني يعني

ههههههههههههههههه

Bella said...

ملك الكبدة

مرحبا بك

قلنا اننا ح ننتزر تقرير اللجنة الفنية المكلفة بالمعاينة

ثم بلاش حقد وحركات
الست عارفة امكانياتها ومقدرة نفسها كويس
هي ذنبها يعني ان المواطن عندنا مالوش قيمة والعشرين منه بقرش

ثم قطار ايه بس اللى بتفكر الناس بيه في الايم المفترجة وهم داخلين على مشروع حساس سيمثل انعطافة خطيرة في منحنى حياتهم كلهم ويخرجهم من عنق الزجاجة

يعني هم ضحايا العبارة كانوا اثروا لما بتفكرهم بضحايا القطار

لو ماسكتش مش ح تدخل الاكتتاب وخليك في الكبدة بتاعتك وابقى قابلني لو البلدية سابت لك العربية بتاعتك واقفة ع الناصية

بكرة تيجي للست تشوف لك واسطة

هههههههههههههه

انحلت سيور العربه وسقط المهر من الاعياء said...

بيلا
السلام عليكم

اعتقد اننا من حقنا ان نركب موجة التامين ونامن على عقولنا انا مستعد للتامين على عقلى ومستعد لضمان ان من يساعدونى على التامين عليه سيجنون من ور ائى مبالغ هائله نتاج فقدانى له نتاج الوضع المزرى وكمية الكذب العنيفه

تحياتى
وارجو مساعدتى على التامين واضمن حصول المتبرع على مبلغ التامين كامل
ههههههه
تحياتى

Bella said...

محمد البرلسي

وعليكم السلام ورحمة الله وبركاته

تصور فكرة عبقرية فكرة التأمين على العقول دي
خاصة انه مضمون اننا ناخد فلوس التأمين بعد تسديد عدد قليل من الاقساط

بس الخوف بقى ان شركات التأمين تطلع انصح مننا وترفض النوع ده من التأمين باعتبار ان العقل من التوالف

يعني سهل التلف

وندفع اقساط وتروح علينا

عايزين خبير قانوني يشوف لنا تكييف قانوني كويس للحكاية دي

وممكن نعمله مشروع قومي

بجملة المشاريع القومية اللى ماشية اليومين دول

هههههههههههههههه

بس فكرة عبقرية

سجل حقوق ملكيتك الفكرية للفكرة بدل ماتتسرق او تتباع زي اي حاجة مااتباعت في البلد

ههههههههههههههه

غمض عينيك said...

هو دا الاستثمار الحقيقي فعلا
لازم الفلوس تتحط في مكانها

Bella said...

غمض عينيك

مرحبا بك

فعلا الفلوس لازم تتحط في مكانها

لغاية ماتورم وتتضخم

ههههههههههههههههه

مش عارفة الكلام عن اي حاجة تخص هيفاء وهبي يبعث على الضحك ويستحضر كل شياطين الفكاهة والقوافي

ههههههههههههههه

درش said...

ههههههههههههه
طوابير لهيفاء؟
الشباب ما تتجوزش الحريم الكسر ديه !

على فكرة هيفاء فاكرة نفسها جينيفير لوبيز ، هي جينيفر مأمنة على جسمها من زمان قوي بنفس المبلغ ، مليار دولار ، منها 300 مليون دولار على الأرداف !

بس إيش جاب لجاب ! جنيفير ست ستها و تشغل هيفاء خدامة عندها

EGYPT EYES said...

طبعا مطربة الواوه لها كل الحق في تأمين جسدها الذي طالما أثار خيال شباب ورجال العالم العربي وربما يقوم أحد المحسنين من أصحاب البترول بدفع أقساط التأمين حتى يحافظ على قيمة الواوه في حياتنا

واحده من الناس said...

كل واحد يأمّن على بضاعته
خصوصا لو كانت بتكسبه ملايين ولا مليارات

خيرالدين said...

يااااااااااه على الفضول
خلانى اغامر وادخل مع انى لسه عامل عمليه

عارفه لما الجيش اللبنانى انقذ هيفاء من الحادث المروع اتأكدت ان الاشاعات ان بتقول ان جيش لبنان ضعيف دى مغرضه فعلا

يكفى انه قدم الخدمه دى لجموع الشباب العربى
وحافظ لنا على هذه الدره


كفايه كده لان جنبى وجعنى

RealMan said...

بلاء عظيم

ايه التوصيف الجامد ده. طيب يا ستي لما هما بلاء عظيم والمشايخ طول رمضان كانوا بيدعوا اللهم ارفع عنا البلاء مترفعناش يعني ولا انتي شايفا ايه.

لا نضحي بيكم انتوا احسن لو حصل تأميم علي الاقل اوفر انتوا مش متأمن عليكم ومعتقدش ممكن شركه تامين تخاطر وتعمل العمله ده.
تحياتي

Alexandrian far away said...

سامحيني يا بيللا
أنا مختلف معاكي جملة وتفصيلا
ما هو الي ما يعرفش يقول عدس، ودي مشكلة الناس العاديين الي أجسامهم جات لهم ببلاش ومجانا، أنتوا فاكرين جسم هيفا ده ببلاش؟
شوفوا العمليات الي فيه متكلفه كام
حقن شفايف بالسيليكون
حقن صدر وتكبير
شفط دهون بطن وارداف
أعادة حقن دهون للمؤخره
شد أفخاذ
حقن سمانات السيقان
صنفره بالليزر
صنفره دوريه للجسم كله ببودرة الكريستال
مش كل دي فلوس؟
وأستثمارات
يبقى من حقها تأمن ولا لأ؟

سندباد said...

هو ده حال الدنيا
وحدووووووووووووووووووووه

micheal said...

اه يا قلبي...اه يا ضغطي يا اني...الله يخرب بيت الفضول اللي خلاني مستجبش لتحذيرك في بدايه البوست...أديني كملته للاخر و قاعد بشايط علي الكيبورد
ما علينا
تحياتي لكي

Anonymous said...

ليه كل الحقد ده علي هيفاء
انا لي وجهة نظر أخره الصراحة انا بنظر نظرة حسد وحقد علي هذه المخلوقات المتطفلةالمعفنةاللي طول عمرها عيشة تحت الارض اللي هيجي عليها يوم وتأكل وجبةثمنها أكتر من من مليار دولار أكيد جسد الهيفة يزيد عن مبلغ التأمينوهذه الديدان الحقيرة سوف تأكل وجبة بأثر من مليار جنيه
مع أني أنا أعيش فوق الارض ويوم ما أحلام بوجبة متحصلش خمسين جنيه مصري يعن مايعادل 7 دولار
علي فكرة هو المليار دولار دول يطلعو كم جنيه مصري
بس انا مبسوط من أني ضمنت أن الدود مش هيقرب مني ماهو مش معقول بعض ماياكل
الوجبة أم 6 مليار جنيه مصري يبص لوجبة متسويش تلاتة تعريفة

أُكتب بالرصاص said...

الأغرب هو
تسارع شركات التأمين علشان تنال هذا الشرف الاستثماري الكبير


فعلا
صدق من قال
ان هيفا صاحبة صدر حنين
واللي في صدرها مش ليها

the others said...

انسانة تافهة خسارة فيها الكلام ده كله

goodman said...

لها حق اليس هذا مصدر رزقها الاكبر
مثلها كالسائق الذى يؤمن على سيارتة

Monzer said...

أحلى حاجةفىتعليقات الناس
انهم قالوا
ان ده سلعة تترزق منها فيجب عليها ان تؤمن عليها
ولكن نؤمن عليها بمليار
بس هي تسوى أكتر من كده
مش علشان هيفاء علشان هي مخلوقة من مخلوقات الله الواسعة
قدرت نفسها بمليار دولار
لو فلاحة متواضعة مصرية من أقاصى الصعيد أغلى من كده
وياريت تتذكر مريم فخر الدين ولا كل الممثلاثت والفنانات والراقصين والرقصات لما يعدو الأربعين بيبقوا عاملين ايه
بعد الميكياج والإضاءة والهم والخراب النفسى والتوتر الى بيعشوا فيه
هاتبقى عاملة ازاي
هايتأمن عليها بكام ساعتها
ما هي بقت تجارة
خسر البيع ... خسر البيع

ibn nasser - ابن ناصر said...

ههه جميل يا بيلا
ماهو الاستهتار وعدم المحاسبة ادت الي انهم يعملو اللي عيزينو
تحياتي

بنت القمر said...

اخر خبر
هيفاء تنفي التامين علي جسدها بمليون دولار
لان جسمها يساوي اكتر من كدا
بطلي اوشاعات يا بيلا
ولينا ربنا

Abu Salah said...

ya maramrty ya ana ya ama

mohamed emera said...

ياسلام عليك جبت المفيد
شفت بقى طلبت تامين كام
علشان كدة بقولك متزعلش علشان احنا مش هياف مش هيدفعو فينا مليم
البوست دا جاااااامد
ربنا يديها الصحة
ويمتعنا بعقولنا
امين
سلااااااام

lastknight said...

منك لله .. ناقصين حرق دم ؟

About Me said...

هيفاء
عايزة ايه يعني من واحدة اسمها على مسمى
هيفااااااااااا
وأضم صوتي لصوت بنت مصر
انسانة تافهة خسارة فيها الكلام ده كله

Unknown said...



تعمل صيانة سامسونج

حل مشكلة اجهزة سامسونج نهائية

صيانة سامسونج

صيانة سامسونج

صيانة غسالات سامسونج

توكيل سامسونج

رقم صيانة سامسونج

صيانة سامسونج

صيانة غسالات سامسونج

صيانة ثلاجات سامسونج

توكيل سامسونج

تكييف يونيون اير

مبيعات يونيو اير

اسعار تكييف يونيون اير

تكييفات يونيون اير

تكييف يونيون اير 19058

اسعار تكييفات يونيون اير

يونيون اير

صيانة said...

اخصل الان علي قطع الغيار الاصليه من مبري مراكز صيانة بومباني التي تعمل علي توفير الكثير من خدمات الصيانه التي تتم تلك العمليه في كبري مراكز صيانة ليونارد وهم هنا يوفون مراكز صيانه صيانة فيستل الكبري 

Electrostaragent said...

الان يمكنكم التواصل مع كبري مراكز صيانة كاريير من خلال ارقام خدمه عملاء صيانه شارب الذين يعملون علي استقبال جميع خدمات صيانة الكتروستار من خلال تلك الارقام اي انهم يعملون في توفير تلك الخدمات من خلال مبري مراكز صيانة اريستون المميزه 

magicchef said...

تعلن صيانة ماجك شيف عن أكبر خصومات الصيانة المنزلية كما توفر صيانة كلفينيتور أسطول من أمهر الخبراء في مجال الصيانة العالمية لضمان الجودة و تعلن صيانة هايسنس عن توافر صيانة فحص لجميع الأجهزة الكهربائية تواصل معنا الأن

وايت بوينت said...

يقدم توكيل يونيون اير خدمات الصيانة الافضل في مصر و هذا من خلال فريق صيانة مدرب بخبرات عالمية يستخدم أحدث معدات الصيانة و قطع الغيار الأصلية و يوفر لكم ضمان ما بعد الصيانة
هذا و يعلن لكم توكيل وايت بوينت
عن تقديمه لخدمات ما بعد البيع عن طريق فريق صيانة هو الأوسع إنتشارا في مصر حيث نصلكم أينما كنتم و نقدم اليكم أكثر خدمات الصيانة دقة و أقلها تكلفة
كما يسر توكيل كاريير
أن يعلن لكم عن فريقه لصيانة التكييفات الفريق الأوسع خبرة في مصر حيث تم تدريبهم في ورش تصنييع كاريير

power said...

الافضل في عالم صيانة الاجهزة الكهربية توكيل باور يوفر لكم خدمات الصيانة من خلال فريق معتمد من الفنيين المحترفيين صيانة باورر و التي توفر لكم خدماتها بإستخدام قطع الغيار الاصلية و المعتمدة مع ضمان ما بعد الصيانة

صيانة كريازي said...

نوفر لكم من خلال توكيل كريازي الأعلى ذكرا في عالم الاجهزة الكهربية خدمات الصيانة بإستخدام قطع الغيار الأصلية و نوفر لكم فريق صيانة كريازي من الفنيين المعتمديين المدربيين على التعامل مع مختلف اعطال الاجهزة الكهربية