Friday, June 6, 2008

أجواء النكسة


نحن نعيش أجواء النكسة بكل المقاييس ولم يعد يوم الخامس من يونيو هو اليوم الوحيد الذي يذكرنا بنكستنا أو وكستنا فقد تحولت أيامنا لنكسات متتالية حتى أننا لا نكاد نفيق من نكسة حتى يصدمنا الوقوع في نكسة أشد منها

ولا عزاء للوطن

تحديث 24/6/2008

اعتذر بشدة عن التاخير في الرد واشكر الاخوة والاخوات الذين سالوا عني سواء في المدونة هنا او على الميل واعتذر عن غيابي لظروف خاصة
اشكركم جميعا ولا حرمني الله منكم



37 comments:

appy said...

انتى عارفه بقينا نقول لبعض بدل ما تصبح على خير تصبح على وطن يا ريت يبقالنا

Bella said...

appy

مرحبا بك

والله مش عارفة اذا كان لسه لنا وطن ولا خلاص

البلد اغلبها اتباع

حتى الاسعاف في تفكير بخصخصتها

يعني امر غير مسبوق في اي دولة في العالم كله ان كل شيئ يصبح ملك أجانب او ملك افراد محتكرين والشعب ليس له اي شيئ

ربنا يستر ونقدر اصلا نقول لبعض تصبح على اي حاجة

مافيش حاجة محددة مضمونة علشان نصبح عليها

تحياتي

مصــــري..!! said...

عزيزتي بيـلا

إن استخام لفظة النكسة لهو تجميل للحقائق.

إنها هزيمة...ومن العيار الثقيل جداً.
يسمونها في اسرائيل حرب الأيام الستة.

أما الهزيمة اليومية المتمثلة في كل شئ يدور في بلدنا علي مدار 24 ساعة.
لهو أكبر هزيمة.

ونرجو الا تصل الخصخصة لدرجة بيع البشر.
نرجو.

تحياتي
أسامة

خمسة فضفضة said...

السلام عليكم ورحمة الله وبركاته

عارفه الاسبوع ده الدستور الاسبوي كان عامل مقارنه بين حال مصر دلوقتي وحالها ايام 67 وحال اسرائيل دلوقتي وبرضو ايام 67

بجد بجد حاجه تِحَزِن

عمرو النوبى said...

نكسة نكسة اية الى بنتكلم عليها
دى ايام النكسة كانت ارحم
على الاقل كنا عارفين مين اعدائنا
وكانو بيضربو فينا وش لوش
وهزمناهم فى الاخر واتحولت النكسة لنصر بعد 6 سنين
انما دلوقتى بقالنا 27 سنة فى وكسة انكسار هزيمة سميها زى ما تسميها انما كلمة نكسة دى كلمة قليلة
احنا فى زمن الغيبوبة زمان كبر ونفض وعيش ايام
ربنـــا يسترها الايام الى جاية

تحياتى

واتمنى زيارتك لمدونتى المتواضعة

.:.-=- ELGaZaLy-=-.:. said...

عارفة فى قصيدة لنجيب سرورو ...

بتقول
وقلنا ننضف بقى قالو بلا وكسه والله لتحصل بدال النكسه ميت نكسه
...الخ

هو دة حالان الواحد لما بيسافر وبيرجع بجد بيحس بفرق ابن كلب..يا جدعان حتى العرب الى كانو بدو وقبائل وكنا بنتريق عليهم بقو حاجة رهيبة..واحنا لسة بنناقش حكمة سيادتة وشلوتة الى هو دفعة للامام الراجل دة لعنة مركبة بجد..الانيل بقى ان دة من ذنوبنا..احنا بجد انتهينا شعوب بقت بتدمن الذل..عارفة فى حاجة فى علم النفس درسنها ...اسمها تليف الضمير ...مرض كدة الضمير وهو عضو غير موجود مرئيا يعنى لما بتكتتر علية الاعباء وبيعمل حجات يرفضا كتير بيتليف..بيبقى زى اى حتة عضو فاسد بيتنم بترة البلد دى ضميرها اتليف...بحد ربنا يرحمنا بقى

آفاق الحرية said...

جميلة اوي الكلمة الاخيرة
ولاعزاء للوطن
بس هو العزاء كان علي ايه ولا ايه
ده كده هنعد العمر كله نعزي الوطن
يعني ايه كلمة وطن؟
!!!!!!!!

بنت أبيها said...

يا ليتها نكسات وانما كوارث تحل علينا

تخيلي مستشفى التأمين الصحي اللى هيا المفروض بياخدوا من مرتبات الناس عشان علاج التأمين ده

اتخصصت الخدمات اللى فيها ... وبقيتي تدفعي

حاجة تنقط فعلا

مـحـمـد مـفـيـد said...

والله عيشينها

الطائر الحزين said...

و عجبا

اننا نتفنن فى اعلاء همة ثقافة الهزيمة فى النفوس

Che_wildwing said...

كانت النكسة وأصبحت الوكسة
حمدا لله على سلامتك يابيلا

e7na said...

آه لو يجدى الكلام
هذه الامة ماتت
والسلام

أحمد مطر

دكتور كسلان said...

احنا فعلا بنعيش النكسة كل يوم
انا حاسس ان كل يوم بنعيش فيه فى ظل هؤلاء الحكام
هو نكسة فى حد ذاته

سلاااام

micheal said...

والله فعلا الجو اللي إحنا فيه ده لا يصح فيه الا لفظ نكسة
جتنا ستين وكسة
:(
تحياتي لكي يا ببيلا

اجندا حمرا said...

عزيزتي
bella

فعلا اجواء كئيبه بنعيش فيها و ماحدش عارف اخرتها ايه
و يوم 5 يونيو اللي كان بيمثل نكسه شكل ان ايامنا حتبقي كلها زيه
:(

Sherif said...

بيلا

هونى على نفسك .. فالمؤكد أنه فى يوم ما .. سيجئ فجر جديد

اليس التاريخ وهو الحقيقة يقول ذلك؟

قبل قيام الثورة بساعات قليلة.. كان فى الأذهان حريق القاهرة .. وملك ضعيف .. وانجليز يحتلون البلاد

وقبل حرب اكتوبر بساعات أيضا .. كان الاحباط واليأس قد تملك من تفكيرنا .. والاحساس بالعجز عن عمل أى شئ قد استولى على ارواحنا

من المحال أن يدوم السئ

هكذا تقول حقائق الحياة .. مهما فكرنا بطريقة أخرى .. أو حاولنا أن ننظر من منظور آخر .. لأنه ببساطةلم يذكر لنا التاريخ حقيقة أخرى

اهو ده عيبه said...

اعتقد يا بيلا ان الوكسة هتلازمنا كتير قوى
ومش باينلها نهايه
ربنا يستر

الربان said...

تحياتي

اخيرا عثرت علي المدونة الجميلة...

في رأيي ان هزيمة 5 يونيو كانت هزيمة و لم تكن نكسه...لاننا ببساطة لم نحارب .

ايضا في رأيي ، ان مشكلة الخبز المستعصية...اشد و أخطر من هزيمة 1967
لان هزيمة 1967 كانت هزيمة من الداخل تكاتف الجميع في العمل علي محوها...
اما مشكلة الخبز فهي من الداخل و قسمت
و فرقت الشعب...و اثرها علي الاستقرار
الاجتماعي خطير...بل انها في رأيي مشكلة
امن قومي.

تحياتي و تقديري

LAMIA MAHMOUD said...

ياااااااااه .. انتي بتتكلمي على انهي نكسة

زمان طلعوا مظاهرات عشان كيلو اللحمة بقى بجنية
وقال اية يا جيهان قولي للبيه كيلو اللحمة بقى بجنية .. ييجوا يشوفوا كيلو اللحمة اللي جاب الخمسين جنية براحة

ولا بتتكلمي على العيش اللي هو ابسط الحقوق وفي ناس مبقتش لاقياه

ولا الحكومة اللي موالسة ولا ولا ولا

دي كده وكسة مش نكسة

محمد الكومي said...

بالزبط كدة

النكسة بقت هي الجو العام اللي احنا عايشين فيه

و الاستثناء هو اي حاجة غير النكسة

و غالبا هتكون نكسة انكس و اسود

او نكسة اخف

MerMaid said...

تعرفي ان كلماتك دي اثرت فية جدا؟؟
تعرفي ان ده سبب تركي للتدوين؟؟
ان مفيش حل للوكسة دي خلاص

حقيقي انا مكسورة جدا

شهرزاد said...

السلام عليكم ورحمة الله وبركاته
ازيك يا بيلا
بجد كتاباتك جميلة جدا
ياريت لو تشاركينا بيها في المدونات المرشحة للنشر في كتاب مدونات مصرية للجيب
ادخلي علىا اللينكات دي عشان تلاقي الشروط المطلوبة وتبعتي على الايميل التالي dwen_fun@yahoo.com
وياريت تبعتي البوست بتاع"كابل المحبة انقطع"
و "ياخارجة من باب الحمام،أنت السبب في الأزمة" ولو في كتابات تانية تبعتيها نا ان شاء الله
لقراءة شروط الاشتراك من هنا
http://www.facebook.com/group.php?gid=13820826455
أو ده
http://sneen.blogspot.com/

عزة مغازى said...

يعنى استمرار معاناتك من معايشة اجواء النكسة السبب فى انسحابك الغامض من كتاب الوشوش؟

karakib said...

انه عصر الهزيمة بلا حروب

EGYPT EYES said...

هي القصه حاليا أننا عايشين الوكسه يابيلا فعلا ومن الأخر كده احنا يمكن موكوسين اكتر من الحكومه نفسها D:
تحياتي

mado80 said...

لأ إحنا بقينا عايشين أيام
أسوء من أجواء النكسه بكثير

ولا عزاء للوطن بالفعل

soso said...

اضحكتينى يابيلا
بجد
اصلى افتكرت كومنت لماما لما كانت بتتفرج على مسلسلاسمة الامبراطور
كان بيتكلم عن النكسة
قعد يتكلم مع بنتةويقولها كفاية مش قادر احكى ومتأثر بالحدث اوى وعنية مدمعة
ماما ردت قالت ياعم خلينا فى ايام النكةس الحالية وعيط على حال مصر دلوقتى
****
بيحاولوا يخلونا فى الماضى
حتى لا يبقى مكان بالذاكرة كى تستوعب ما هو ات

sarah la tulipe rose said...

ليه بس جو التشاؤم دة !..هو اينعم الحياة لا تبشر باي بادرة امل لكن احيانا الواحد لازم يبقي متفائل غصب عنه عشان يقدر يعيش
و بالتسبة لذكري النكسة..علي الاقل دي كانت نكسة عسكرية حاليا النكسة في كل المجالات

طارق الغنام said...

صدقتى والله
مدونتك رائعة وسعيد انى اول مرة ادخلها
وياريت دايما نتواصل
تقبلىتحياتى
ودمتى بحفظ الله

سبهللة عالاخر said...

حلو البوست اوى
خير الكلام ما قل ودل
تحياتى ليكى
========
على فكرة ليكي عندى واجب ياريت تيجى تاخديه من مدونتى

الطائر الحزين said...

معقولة أجواء النكسة مأثرة عليك الى هذا الحد

كيف حالك؟؟

محمد الكومي said...

انتي فين يا دكتورة

اوعي تكوني لسة ماخلصتيش امتحاناتك

طمنينا

ayman badr said...

والله يا بيللا مش فارقة كتير وكسة من نكسة سينا من سونيا مبقتش فارقة
تحياتى لمدونتك وهحاول أقرأ على قد ما أقدر بوستاتك بس لما ألاقى وقت بس
سلام

سبهللة عالاخر said...

فينك يابيلا
طمنينى عليكى
بقالك فترة لا حس ولا خبر

خواطر رئيس شاب said...

محاولة جميلة منك لتجميل الاوضاع

دعاء said...

بيلا قلقتينا عليكي أنت فين صحيح

ده في تاج مستني إجاباتك هنا

http://khly-dafyrk.blogspot.com/2008/06/blog-post_23.html

Ahmed Ashraf said...

Hi ,
Your site is very niceeee , this is my site pls , let me show it :
مصراليوم
مشاركة ارباح ادسنس
منتديات مصراليوم هى منتديات مصرية عامة تهتم بكل ما يهتم به المصريين , لدينا على منتديات مصر اليوم كل جديد و هذه هى اهم مواضيع المنتدى
اقسام منتديات مصر اليوم :
الحوار العام - شعر , قصائد - بحث , مقال - اخبار الفن - اخبار مصر - اخبار التعليم فى مصر - صور - اغانى , كلمات اغانى - افلام , مسلسلات - نكت - فيديوهات
قنوات , ترددات - العاب - كلية الطب - كلية الهندسة - رسائل موبايل - عروض الشبكات - قران كريم - برامج انترنت - اخبار الرياضة المصرية - مباريات بث مباشر - اسعار سيارات - اسعار موبايلات