Tuesday, August 19, 2008

مصر تحترق




إذا كان حريق مجلس الشورى الذي يُقال انه أمتد لمجلس الشعب وفي هذا المكان الحيوي من وسط العاصمة ولم تتمكن قوات المطافئ من السيطرة عليه

فماذا سيحدث لو اندلع حريق في اي مكان آخر يابلد الريادة

بلدنا تحترق وجنابهم متفرغين للشكوى من سرعة الرياح في هذا الحر الخانق ومنهم من يشكو من كون المبنى سقفه خشبي وكأنهم لايعرفون أن المباني الخشبية في بلاد العالم يمكن المحافظة عليها وحمايتها من اي حريق محتمل

حرام عليكم حرقتونا

حرام عليكم تحرقوا البلد بالشكل ده

عملنا لكم ايه بس

مش كفاية جعانين وعطشانين وعريانين وصابرين وساكتين ومستحملين الهم والذل ونشاهد خيرات بلدنا توزع على من لايستحق ونكتفي من كل ذلك بمصمصة الشفاه والإنتظار

أنا مقهورة جدا جدا

طبعا التغطيات في كل القنوات الفضائية المحترمة وكل وسائل الاعلام

أما تليفزيون الريادة فنايم في العسل

اللهم أنتقم منهم وأخذهم أخذ عزيز مقتدر

لاحول ولا قوة الا بالله

حرام عليكم

أين نظم الاطفاء المتبعة في اي بلد محترم يابلد الريادة ؟؟

أين الأمن الصناعي ؟؟

لماذا لم يتم تركيب نظام اطفاء مركزي كالذي نراه في دول العالم المحترمة؟؟

مبنى أثري بهذه القيمة يتم التعامل معه بهذا الأسلوب ويتم تركه فريسة للنيران تلتهم تراثنا وتدمر أرشيفنا البرلماني بهذه الكيفية ؟؟

حرام عليكم ياظلمة

البلد بلدنا نحن وهذا مالنا الذي يحترق

لاحول ولا قوة الا بالله

سيظل باب التكهنات والتخمينات مفتوحاً على مصراعيه الايام القادمة لتحديد الأسباب الحقيقية وراء إندلاع هذا الحريق وفي هذا التوقيت بالذات خاصة وأن المجلسين في عطلة برلمانية

يبدو أن التاريخ يعيد نفسه ويعيد علينا أجواء احتراق القاهرة قبل وقوع انقلاب يوليو 53

يبدو أن التاريخ لايحلو له أن يعيد نفسه الا في بلادنا

تحديث

مراسل برنامج العاشرة مساء نقل للبرنامج أن تدافع الجماهير التي ذهبت للفرجة على الحريقة اعاقت عمل قوات الاطفاء وقد اشتكى من تحرش المواطنين ببعض المذيعات والمواطنات

!!!!!!!!!!!

يعني في هذا الموقف الجلل وهذه السلوكيات تحدث من مواطني هذا البلد

الواحد مش عارف يقول ايه صراحة

يعني محتاجين حريقة تحرقنا كلنا حتى نتطهر من هذه السلوكيات العفنة

حرام عليكم ياناس




34 comments:

شــــمـس الديـن said...

شئ طبيعي و بديهي من نظام متصدع اساسا

مفيش حاجة ماشية عدلة في البلد دي

عايزاها يعني تيجي علي نظام الاطفاء

عادي
لو ولعت البلد كلها و الله ما هيقدروا يلحقوها ولا يسيطروا علي الوضع

حاجة تقرف

بلد مش محترمة

بثينــــــة said...

أنا حزينة أوي يا بيللا لأ مقهورة
حاسة ان الدنيا كلها هنا غلط غلط
فشل وإهمال وفساد وفي الآخر هيقولوا ماس كهربائي ولا يمكن مختل عقليا كان بيشرب سيجارة
هاموت كمدا
سبع ساعات والنار مش عارفين يسيطروا عليها
سيارات المطافي مش طايلة وكأنها بتروي الشجر
حاجة زبالة
كأننا في قاع العالم
كأننا في العصر الحجري
لا فيه تخطيط ولا إحساس بالمسئولية من أصغر حد لأكبر حد
رايحين يتحرشوا في الزحمة الناس الزفت دول
مش حزاني علي التاريخ اللي هيتف علينا بعد ما لوثناه بقرفنا في كل حاجة
أنا هاطق يا بيللا
ياريت الواحد ما بيفهمش وما بيحسش
البلد دي عايزة حلاليف يعيشوا فيها
يخرب بيت كدة

بثينــــــة said...

معلش سامحيني غصب عني انفعلت

محمد الكومي said...

اتحرق من كتر السرقة

و ليه ماتبصيش للنص المليان من الكوباية

ان النار برضه ممكن تطول اكتر الاماكن تامينا في مصر

عقبال النار ماتتمشى شوية كدة لشوية حتت انا عارفها

و اكيد انتي برضه عارفاها

خمسة فضفضة said...

السلام عليكم ورحمة الله وبركاته

منهم لله حسبنا الله ونعم الوكيل في كل المهملين المستهترين اللي للاسف زمام الامور في اديهم

مش عارفه ازاي يعني مش عارفين يسيطروا علي الحريق كل الفتره دي وسابوه يدمر المبني بالشكل ده

معظم المباني الاثريه علي مستوي العالم مبنيه من الخشب بس فيه تقنيات حديثه ودهانات مضاده للحريق دا غير انظمة الحمايه نفسها اللي بتشتغل آالي عند اي حريق ولو محدود

وآل ايه يقولك حكومه زكيه

حسبنا الله ونعم الوكيل

عدى النهار said...

سمعت فى س ن ن إن الطيرات كانت بتعبي مية من النيل علشان تطفى الحريق... صحيح ده؟

شوفي.. الحرايق بتحصل فى كل مكان وبالنسبة لمجلس إسمه إيه مكانه مخنوق و من الصعب وصول عربيات إطفاء له رغم إنه على ما أذكر توجد محطة إطفاء كبيرة فى ميدان التحرير

لو متوقعة بأه إن حد من القراطيس يكون إهتم بتأمينه من الداخل ضد الحريق بوسائل إنذار وإطفاء وكلام من ده تبقي غلطانة

دار الأوبرا القديمة فى وسط البلد إتحرقت وقصر الجوهرة فى القلعة إتحرق إشمعنى ده بأه

تعرفي إنه مش بعيد أبداً يكون من فعل فاعل لأسباب شخصية أو الطرمخة على مشكلة.. البلد أصلها خلاص بقت سايبة لكل واحد يخلّص نفسه بنفسه واللي يعرف يهبش حاجة يهبشها وكل واحد وقوّته ودنائته بغض النظر عن مكانه ومكانته المفترضة

بس كله كوم والمتحرش كوم تاني... بصراحة وقعت من الضحك على الموقف.. صحيح شر البلية ما يضحك

هوندا said...

انا فرحانة فى الحكومة بصراحه
شرانيه انا
بس مبسوطة فيهم بجد
الحمدلله انها كانت عطلة
يمكن يتلمو شوية ويخافو ومتفائله ان دى ممكن تكون بداية لانقلابات ولا اى حاجة يامسهل

مـحـمـد مـفـيـد said...

تاريخنا بيتحرق قدامنا واحنا في منتهي العجز
مش كفايه ذل وقهر وطلم واستبداد
لا كمان التاريخ مستكترينه
وقال ايه الرئيس يتصل 3 مرات بصفوت الشريف
واحمد نظيف يكلف بأنشاء غرفه عمليات مركزيه
بدل ما يتعبوا نفسهم وسنزلوا موقع الحدث
كفايه بقي

محمد عبد الغفار said...

بالنسبه للحريق . . هى ازمه ككل ازماتنا التى نفشل فى التعامل معها قاطبة وتكون حجم الكارثه الأصلى 20% وتعاملنا معها يتسبب فى ال 80% الباق

بالنسبه للأعاقة والتحرش . . شعب جاهل وفاسد وبلا اخلاق منتظره منه ايه

يا جماعه احنا (حكومة وشعباً) لا بلد متحضر ولا متقدم ولا متعلم ولا بنفكر ولا حتى عندنا الطموح ان نكون كذلك فريحوا نفسكوا وتوقفوا عن مقارتنا بما لا قبل لنا به

واسف على البرود

محمد عبد الغفار said...

نسيت اقول حاجه مهمه اوى ، ان احتمال كبير جداً ان يكون الفشل الزريع فى الأطفاء ان هما اللى مش عاوزين يطفوها عن قصد

appy said...

امال هيرموا اللوم على مين
على نفسهم مثلا انتى بتهزرى

hesham said...

الحادث مؤذى لنا جميعا طبعا و مافيش حد عاقل يقول غير كده

لكن لاسف لمست شماتة فى كلام الكتير من اللى ناقشتهم فى الحادث

كان لبلد مش بلدهم

و رغم اختلافى معاهم

لكن ماقدرش واحد طالع عنيه و البلد دايسة عليه على شعور زى ده

و الاخطر من كده

ان الحادث ده نموذج حى على الاداء المتوقع من الحكوكة لمواجهة الكوارث و الازمات

و ان ابسط وسائل الامن و الوقاية مش موجودة

و ده معناه ثبوت مقولة اننا ماشيين بالبركة فى جميع قطاعتنا الحيوية حقا و صدقا

و ده ان دل عن شىء فيدل على هشاشة النظام الاجتماعية فلقد حرص النظام على تدعيم نفسه امنيا حتى انه نسى جميع القطاعات الاخرى

دلوقتى بعد حادثة زى دى

الواحد يبدأ يقلق جديا على مرافقنا الاساسية زى المياه الكهربا

ده للى عنده مرافق يعنى

و ربنا يستر

Che_wildwing said...

اللهم ديمها فوضى وابعدها عن النظام

e7na said...

ده غير حالة التشفى واللامبالاه كأن المبانى دى ملك صفوت الشريف وفتحى سرور مش بتاعتنا احنا
......
وقت الحريق كان مندوب التلفزيون المصرى فى حالة ابساط وفرح كأنه رايح يغطى فرح

3araby said...

إنها لكارثة بكل المقاييس ليس شرطاً أن عدد الضحايا قليل ولكن تراث مصر النيابي ذهب مع الحريق على الرغم من التأكيدات بأن الوثائق التاريخية موجودة ولم يمسسها سوء , وأن ما احترق من ملفات يوجد منها نسخ أخرى ولا داعى للقلق .. وإنما ما يدعو للقلق حرق ملفات حوادث هامة سطرت ادانة لتحامل السلطة على الشعب كملفات الدم الملوث والعبارة الغارقة و قطار الصعيد و صفر المونديال و المبيدات المسرطنة و ......و....و ..... . لكن أين الريادة المصرية فى السيطرة على كارثة كهذه من بدايتها لكى تصل النتائج لما هى عليه الآن ؟ لقد بدأ الحريق فى الطابق الثالث بمجلس الشورى نتيجة ماس كهربائي " المتهم دوماً " فى كل القضايا كقطار الصعيد وغرق العبارة وممكن نقول صفر المونديال الشهير تسبب فيه الماس الكهربائي..

ما سبق هو تعليق منى على موضوعك المتميز والذى أيضاً تناولته موضحاً قصور واستخفاف الحكومة بشعبها.
http://kalam3araby.blogspot.com/2008/08/blog-post.html

يا رب ارحمنا من غباءالحكومة.

Bella said...

شمس الدين

مرحبا بك

المؤلم فعلا ان كل الناس شعرت بهذا الشعور وتأكدت تماما إن الحكومة بكافة أجهزتها غير قادرة على حماية اي منشأة وأننا بالفعل جميعا في خطر ولم يعد يجدي سيل التبريرات التي كانت تُساق عند وقوع اي كارثة وإلصاق التهمة بمواطن يقوم بتسخين الاكل مثلما حدث في حالة قطار الصعيد

المصيبة بقى لو حصل حادث كبير آخر مثل هذا واستهدف جموع بشرية كبيرة!!!

ماذا نحن فاعلون؟؟

تحياتي

Bella said...

بثينة

مرحبا بك

حاسة بيكي والله
انا يومها بقيت قاعدة قدام التليفزيون اجري بين القنوات وفي حالة من الهم والحزن حتى اني لم أنم طيلة الليل من شدة القهر

احساس مرير عندما يحترق بيت الانسان وفي نفس الوقت لايجد من يطفأه بل نجد حفلات من المن تمهد لتدخل رجال الاعمال الكرماء الذين نجحد بنعمتهم علينا

حاجة تقهر وتحسر القلب صحيح

احنا فعلا شعب مهمل على كافة المستويات وعايشين كل حاجة بالبركة وعلشان كده لايمكن ح نطلع خطوة للامام

صراحة نحن لانستحق ان نخطو خطوة للأمام لاننا لم نفعل مايتوجب علينا فعله لنتحرك هذه الخطوة

الواحد فعلا بيتمنى لو كان متبلد زي غالبية الناس علشان يرتاح من الوجع ده كله

تحياتي

Bella said...

بثينة تاني

معلش انا عارفة انك مقهورة وزعلانة

وده حال ناس كتيرة

رغم ان فيه ناس شمتانة في الحكومة

بس الحقيقة الخسارة حصلت لتاريخنا احنا وليس لتاريخ الحكومة

فلتذهب الحكومة للجحيم

تحياتي

Bella said...

محمد الكومي

مرحبا بك

ماهو لو كانت النار ح توصل للي بالي بالك وحياتك ماكنت ح ازعل

بس المصيبة انها بتطول تاريخنا واملاكنا
وتصليحها ح يبقى من دمنا ولحمنا الحي برضه

يعني من دقنه وافتل له

وبعدين عمر المبني الجديد ماح يكون زي القديم ابدا

شوف الفرق بين الاوبرا الجديد والقديمة اللى كانت تحفة فنية

ربنا ينتقم منهم جميعا

تحياتي

Bella said...

خمسة فضفضة

وعليكم السلام ورحمة الله وبركاته

المصيبة انهم كل شوية يتحججوا بحكاية المبنى الخشب دي وكأنهم بيبحثوا عن اعذار تبرر تقصيرهم وخيبتهم القوية وتغطي على فشلهم وعجزهم وناسيين ان بلاد الدنيا عندها مباني اثرية من نفس الطراز المعماري وحتى فيها مباني حديثة مبنية من الخشب ولايحدث لها ماحدث لهذا المبنى

الحكومة الذكية دي كلها على الورق فقط لزوم جمع المليارات وتكديسها في بنوك سويسرا لكن لو بحثتي عن اي انجاز لن تجدي الا خراب في خراب ومن سيئ لاسوأ

ربنا ينتقم منهم

تحياتي

Bella said...

عدى النهار

مرحبا بك

ايوة صحيح الطيارات كانت بتعبي المية من النيل ومش بس كده

ده الانكت بقى ان مافيش حنفيات حريق كافية وكانوا بيطفوا من عربيات فناطيس كبيرة وكان جزء كبير من المية بيتسرب ولايصل لموقع الحريق الا اقل من نصف الكمية المضخوخة من المياة

عمرك شفت خيبة قوية زي دي

ده احنا لو طفينا بحلل ولا بجرادل كان زمان الحريقة انطفأت

بس قريت مش فاكرة فين ان حد قال ان الحريق بفعل غاعل واستخدم مادة كيماوية تقاوم الاطفاء بالنار

والمصدر ده قال ان المادة الوحيدة التي تنطبق عليها كل الشواهد اللى حصلت هي النابالم

لان الحريقة انتشرت من الدور العلوي ونزلت للادوار الاسفل وهذا لايحدث في حالة استخدام مواد مشتعلة اخرى

فقط النابالم الذي يسيل لاسفل

كمان النابالم هو الوحيد الذي يزداد اشتعاله عند صب الماء فوقه

طبعا الحقائق لن تنكشف في الوقت الحالي

والله أعلم متى ستنكشف

تحياتي

يا مراكبي said...

مصر تحترق .. تعبير بليغ ليس عن هذا الحدث تحديدا .. لكنه يعبر عن حال البلاد المتردي بشدة حيث تنتقل البلاد من كارثة إلى أخرى ومن قرار متخبط خارج حدود العقل والمنطق إلى قرار آخر وهكذا

لا نستبعد أيضا نظرية المؤامرة في كل هذا .. وربما كانت من الداخل .. وإن لم يعد هناك فرق

أصبحت أخجل من أخبار بلادي .. أخجل بشدة

مصــــري..!! said...

بيلا

عن حرقة دم الناس اللي عندها دم لن أتكلم.

أنا ذُهلت من موضوع التحرش اللي انتي بتقولي عليه ده.

ده مصيبة كبيرة.
يعني كده لو الريس مات والبلد اتلخبطت.
هيبقي في ثورة طبقية
وثورة طائفية
لكن ثورة تحرشات كمان....هي ناقصة.
ثم انها وقتها مش هتبقي تحرشات.

ربنا يستر

تحياتي
أسامة

nefertiti said...

انا قريت ف جرنال ان اول حنفيه مياه اتفتحت بعد بديه الحريق بساعه و نص و ان الحريق انتشر من الطابق العلوى للطابق اللى تحتيه ف نص ساعه طب معنى كده ان كان فى فتره طويله لانقاذ الموقف بس للاسف مشكلتنا التاخير
لو كان فى نظام حمايه و امن كويس للمجلس مكنش كل ده حصل غر طبعا ان فى حاجات تارايخيه و حاجات مهمه جدا اتحرقت
يا رب بس متكنش سلسله حرايق

سمراء said...

فلنطمئن توجد نسخ من كل الأشياء المهمة كلة بالكمبيوتر

نفسي اشوف نسخة الأثر
سمراء

سبهللة said...

طبعا المتهم الوحيد فى هذا الحريق
هو
الماس الكهريائى
ربنا يرحمنا برحمته
تحياتى ليكى
وكل عام وانتى بخير
رمضان عالابواب

عزيز عيني said...

واحنا منتظرين ايه من نظام مبارك
الامن والامان ليهم ولعيالهم مش لينا

micheal said...

أنا عن نفسي زعلان فقط علي القيمة الأثرية التاريخية للمبني ..إنما لا أنكر شعور الشماتة في الوقت ذاته لان المسئولين في هذا البلد المنكوب خلونا نفقد الاحساس بكل شيء خصوصا أننا عارفين أن المجلس ده لبتوع الحزب ورجال الأعمال..يعني لا أنا ولا غيري ممثلين فيه فبالتالي يغور هو ومجلس الشعب في داهية
:)
تحياتي

Tarkieb said...

يا ستي اصل ده سيد قراره فاكيد نظام الاطفاء الذاتي هانج من كتر الملفات اللي فيه عبارة واكياس دم وبودرة سيراميك ابو العينين المفيجرة...مبيدات والى المسرطنة....

codecx said...

دردشة شات بنت مصر ، دردشة مصرية - مجتمع مصري ترفيهي للمرأة المصرية
بنت مصر
شات بنت مصر
دردشة بنت مصر
دردشة
شات مصري
شات مصرى
بنت مصر
بنات مصر
دردشه مصريه
شات بنات مصر
دردشة مصرية
دردشة بنات مصر
شات مصر
دليل بنت مصر
العاب بنت مصر
يوتيوب بنت مصر
جوال بنت مصر
توبيكات بنت مصر
مطبخ بنت مصر
الازياء والموضة بنت مصر
صور الماسنجر بنت مصر
شات بنت مصر

Ahmed Ashraf said...

Hi ,
Your site is very niceeee , this is my site pls , let me show it :
مصراليوم
مشاركة ارباح ادسنس
منتديات مصراليوم هى منتديات مصرية عامة تهتم بكل ما يهتم به المصريين , لدينا على منتديات مصر اليوم كل جديد و هذه هى اهم مواضيع المنتدى
اقسام منتديات مصر اليوم :
الحوار العام - شعر , قصائد - بحث , مقال - اخبار الفن - اخبار مصر - اخبار التعليم فى مصر - صور - اغانى , كلمات اغانى - افلام , مسلسلات - نكت - فيديوهات
قنوات , ترددات - العاب - كلية الطب - كلية الهندسة - رسائل موبايل - عروض الشبكات - قران كريم - برامج انترنت - اخبار الرياضة المصرية - مباريات بث مباشر - اسعار سيارات - اسعار موبايلات

midi haytham said...

شركة تنظيف واجهات حجر بالرياض
افضل شركة تنظيف خزانات الرياض
افضل شركة تخزين اثاث بالرياض
افضل شركة تخزين عفش بالرياض
افضل شركة عزل خزانات بالرياض
افضل شركة تسليك مجارى بالرياض
افضل شركة عزل اسطح بالرياض
افضل شركة جلي بلاط بالرياض
افضل شركة رش مبيدات بالرياض
افضل شركة كشف تسربات المياه بالرياض
افضل شركة مكافحة حشرات بالرياض
افضل شركة تنظيف منازل بالرياض
افضل شركة نقل عفش بالرياض
افضل شركة نقل اثاث بالرياض
افضل شركة تنظيف شقق بالرياض
افضل شركة تنظيف موكيت بالرياض
افضل شركة تنظيف مساجد بالرياض
افضل شركة تنظيف مجالس بالرياض
افضل شركة تنظيف فلل بالرياض
شركة تنظيف فلل بالمدينه
شركة تنظيف شقق بالمدينه
شركة تنظيف بيوت بالمدينة المنورة

Saad Abd said...

شركة مكافحة  حشرات بالرياض
شركة رش مبيدات بالرياض

شركة مكافحة النمل الابيض بالرياض

Saad Abd said...


شركة تنظيف خزانات بالرياض
شركة عزل خزانات بالرياض

شركة مكافحة  حشرات بالرياض
شركة رش مبيدات بالرياض

شركة مكافحة النمل الابيض بالرياض