Thursday, October 2, 2008

هل نحن بلد سياحي؟؟ -1


الآن وبعد أن إنتهى العرض الساخر ( من مسخرة) لأزمة اختطاف السياح الاجانب ومرافقيهم المصريين وماصاحب تلك الأزمة من مهازل لو شاهدها أي متابع لفيلم من افلام الكوميديا السوداء لبكى حتى غرق في دموعه !!!
والمتابع للقضية منذ بداياتها وماصاحبها من تضارب في المعلومات وتصريحات المسؤولين اللامسؤولين يتأكد أننا بلد لايمت للسياحة باي صلة وسنتحدث عن تلك المسخرة في موضوع منفصل إن شاء الله.

فهل يكفي أن تملك مصر أكبر كمية من الآثار على مستوى العالم حتى تحسب نفسها ضمن قائمة الدول التي تعتبر السياحة مقوم هام من مقومات دخلها القومي؟؟

الحقيقة أن الحديث عن السياحة في مصر حديث ذو شجون خاصة لمن يتعامل مع هذا القطاع سواء بشكل مباشر أو يحتك بأجانب يشكون مر الشكوى من المعاملة التي تعطي انطباعات سيئة عنا كبلد سياحي يعتمد بشكل أساسي على سمعته في معاملة السائح كضيف ينبغي معاملته أفضل معاملة وعدم إعتباره مجرد دجاجة ينبغي نتف ريشها !!!

يجب بداية أن ندرك أن الاعتراف بالمرض أولى خطوات العلاج وعلينا أن نعترف أن قطاع السياحة مثله مثل قطاعات عديدة في البلد يئن من وطأة الأمراض التي تمرح في جسده.

ومما يُشعر بالأسى والألم أن القائمين على هذا القطاع الهام يفتقرون لابسط المقومات التي لو توفرت لأصبحت مصر بحق بلد سياحي من الطراز الأول.

لقد آن الأوان لمناقشة مشاكل السياحة في مصر ومايتعرض له السياح والعاملين في مجال السياحة من مضايقات تؤثر على هذا القطاع الهام والحيوي مما يؤدي كل فترة لضرب السياحة في مقتل لموسم أو عدة مواسم متتالية.

سأحاول معكم تناول مشاكل السياحة في مصر ومايكابده السائح والمواطن في نفس الوقت بسبب سوء الإدارة وضيق الأفق والتخبط الذي يغلف حياتنا والذي نحاول معالجته بمسكنات وقتية لاتجدي نفعاً ولاتجمل الوجه المجعد ولا القوام المترهل!!!



29 comments:

Abdou Basha said...

كل سنة وانتي طيبة يا بيلا
انا عايز أضيف لموضوعك مقال اتكتب من فترة في الأهرام، وكويس انه الرابط موجود لحد دلوقت على غي عادة الأهرام

القاهرة‏..‏ هذه القرية العملاقة‏!‏
بقلم‏:‏ د‏.‏ عبد المنعم سعيد
http://www.ahram.org.eg/Archive/2006/3/27/FILE1.HTM

في انتظار الأجزاء التالية

محمد الكومي said...

احنا بلد يملك مقومات سياحية من الطراز الرفيع و لكنه لا يعرف كيفية ادارتها

عالمى ازرق said...

اولا هتناول نقطه اكتر بلد فيها اثار على مستوى العالم واضيف لها واكتر بلد كمان بتتعامل مع الاثار دى باهمال هيؤدى لاختفائها بعد وقت ما
فمثلا صهريج عسكرى تحول وبقدرة قادر لحمام عمومى طبعا للى عايز يتعامل معاه بالمنطق ده
اكيد ده غير النظافه الفظيعه اللى بتكون عليها الاماكن السياحيه
وبيكون فيه اماكن كتير محتاجه للتجديد وكالعاده كأنهم مش شايفين
واللى بيترمم بيقعد فترات مهوله بتخلينى اقول لو كانوا بنوه من الاول خالص مش كان زمانهم خلصوا
مثلا قصر المجوهرات فى الاسكندريه بقاله حاولى 5 سنين او اكتر لو ذاكرتى لسه شغاله كويس بيتم ترميمه

و عن تجربه شخصيه كنت ولمدة اسبوع عندى نص ساعه فاضيه فى مكان جنب المتحف اليونانى الرومانى بالاسكندريه
فكنت بروح اقضيها هناك
والله الاثار كانت مرميه فى الارض ومنها حاجات بتتكسر وصدقينى لو حد حاول ياخد حاجه معاه وهو طالع محدش هيحس بحاجه ساعتها حسيت ليه الاثار بتتهرب بره مصر بسهوله لانها مش مهمه عندنا
ومتحف القاهره ده بقي عايز الواحد يفردله مجلدات الممياوات مرميه جوه ارفف زجاجها مكسور على الارض ولو قارنت هقولك المتحف الرومانى فى اسكندريه فعلا افضل حالا

على المقابل احب اذكر ان زاهى حواس من الشخصيات اللى لها مجهودات كبيره وكتيره اوى للمحافظه على الاثار والرقى بيها
وفعلا شخص يستحق كل الاحترام لانه مثال لرجل بيحب شغله وبيتفانى فيه

تعقيب اخير على طريقه التعامل مع الاجانب شاهدت الحمله الاعلانيه
ان مش انت بس اللى هتخسر ده كلنا هنخسر
وتسائلت هما منزلينها على الفضائيات ليه طالما هى مش لتشجيع السياحه بل لتوعية المواطن ومش كان الافضل الاكتفاء بوجودها على القنوات المحليه بدل من الفضايح على الفضائيات

عذرا للاطاله

كل سنه وانتى بكل خير
وسعيدة انى تعرفت على مدونتك

عدى النهار said...

المفروض إن الإهتمام يكون بالناس اللي عايشين فى البلد مش بالسائح الغريب على حساب أهل البلد كما هو حاصل عندنا

لو البلد نضيفة وأمان لناسها حاتكون نضيفة وأمان للسائح برضه

بيزعجنى جداً الإهتمام الحكومى بالسائح على حساب أهل البلد وباحس إن ده أول أسباب فشل السياحة فى مصر. وكمان فكرة إننا نأقلم نفسنا مع ما يجذب السائح فكرة مدمرة للمجتمع

الكلام فى الموضوع ده مالوش تهاية

بدراوى said...

الحقيقة عندك حق فى كلامك يا بيلا

دلوقتى السياح بيقولوا ان الخاطفين اطلقوا سراحنا و أفرجوا عننا و لم يتم تحريرنا كما قيل

طبعاً انا مش عارف اصدق السياح
و لا اصدق مين بالضبط

خاصة ان اعترافات السياح جاية فى جرايد أجنبية

و الجرايد ديه برده بعضها مش نزيه مهنياً

و لا بينشر حاجة لوجه الله و الوطن

----------------
أما بخصوص كلامك عن السياحة بصفة عامة

فأنا موافق على كلام عدى النهار

انه المفروض نوفر بيئة أمنة و بلد مستقرة للى عايشين فيها الأول

قبل السياح

و بعدين فى ظل أزمة الإنتماء لا تحدثينى عن الكرم المصرى فى الضيافة

و لا تلومى سائق التاكسى
اذا قم بتقليب السائح فى القرشين اللى معاه

و ده بيفسر هماه ليه اختاروا

شعار السياحة خير لينا كلنا

و هو شعار قاله احد سائقى التاكسى بعد القبض عليه أثناء تقليبه لأحد السياح

حيث صرخ فى الضابط و قال

يا باشا معقولة انا حعمل كدة و اسوء سمعة بلدى و اضرب السياحة

يا باشا انا بدور على اكل عيشى و بحاول استرزق من السياح
يا باشا انا خدام السياحة
اصل السياحة خير لينا كلنا
!!!

مصــــري said...

بيلا

كل سنة وانتي طيبة

الحقيقة أجمل ما في موضوع السياح ده موقف الجيش.
الحقيقة حسيت بالأمل بعد ما شوفت اللي عملوه.

مستنين بقية المقالات

تحياتي
أسامة

bos bos said...

احنا فعلا ما بقيناش بلد سياحى وقدامنا كتير لحد ما نبقى كده

Che_wildwing said...

مقومات سياحية فريدة في العالم
ولكننا نحكم بالوحيدين من من نوعهم في العالم
في انتظار باقى الاجزاء

أونكل عزت said...

السياح لما بيرجعوا بلادهم بيقولوا علينا شعب قليل الأدب علشان التحرشات الجنسية و حراميه علشان بنستغلهم و جهله علشان مش عارفين نحافظ على آثارنا و شحاتين و مش نضاف علشان الزباله اللى فى كل مكان
و أخيرا بيقولوا علينا كدابين علشان تضارب التصريحات فى حادثة الخطف
فين السياحه بقى ؟

Sherif said...

كما تقولين .. السياحة صناعة كاملة

ليست فقط اهرامات وكرنك بقدر ماهى ثقافة شعب .. صدقينى .. كل منا يساهم ولو بكلمة فى هذا الشأن

هناك فى اسبانيا يعلمون الصغير فى المدرسة

حاول ان تسعد سائحا واحدا كل يوم .. ولو بارشاده الى مكان

نحتاج بيلا الى اقتراحات وافكار جديدة .. اكثر من عرض المشكلات التى نعرفها قبل غيرنا

اقصد ان العلة واضحة .. لها اسبابها الاجتماعية والاقتصادية .. لكن الحلول قد تبدأ من المدرسة والبيت .. قبل الدولة

تحياتى

¨¨¨°~*§¦§ Appyplanet §¦§*~°¨¨¨ said...

اولا كل سنه وانتى طيبه
ثانيا موضوع السياحه
فيه فى مدونة انا جعان لقاء مع والدته وهى كانت بتعمل بالسياحه اللقاء ده مع عمرو اديب
اسم البوست تقريبا
اجددنا بنوا الاهرام واحنا بنلعب فى الطين حاجه كده
اسمعى بس الحوار بتاعها على الفون مع عمرو اديب وانتى تشوفى اللى احنا فيه

... amr said...

مممممممممم .. احنا بلد سايح

الازهرى said...

dear bella

موضوع جميل وكبير
اولا تتعدد الاسباب بين الاهمال الرسمى سواء المتعمد او غيره
وبين السرقة العلنية وغير العلنية
وانا اتحد ث من منطقة يتم فيها تهريب الاثار بواسطة اعلى سلطة فى مصر

وبعدها ياتى دور السياحة التى تاتى لرؤية الاثار فترى الاهمال المجسم فى التعامل معا بطريقة لم نرها فى اثار اقل منها
اهمية حول العالم
كما ان التكدس فى المواصلات داخل القاهرة يؤدى الى اعاقة حركة السير وهى من السوالب التى اشتكى منها اصدقائنا الذين اتوا لزيارة مصر عدة مرات
ووعجزهم عن التحرك داخلها وعدمم مشاهدة الكثير من الاماكن التى يريدونها


وغير هذا الكثير

تحياتى

سبهللة said...

بيلا
انا داخلة اقولك
كل سنة وانتى طيبة
تقبل الله منك صيامك وقيامك وقرانك

خمسة فضفضة said...

السلام عليكم ورحمة الله وبركاته

ازيك يا بيلا كل سنة وانت طيبه

والله عندك حق السايح من اول ما بينزل من الطياره وهما بيخلوه يحلف ماهو راجعها تاني
كل اللي بيتعامل معاهم بيحاولوا يستغلوه ويخدو منه فلوس زياده باي طريقه لحد ما يقول جاااااااي ويسافر ومايوريناش وشه تاني

مع ان لو كانتربع الاثار اللي عندنا موجوده فحته تانيه كان زمانهم استغلوها احسن من كه مليون مره


ممتابعه معاكي باقي الاجزاء ان شاء الله


سلام

Sha2loob said...

سياحة مين يا بيلا صلي على النبي
هقولك على موقف ساخر (برضه من مسخرة)
شوفي يا ستي
كان جايلنا واحد يدربنا في الشركة من ألمانيا....جميل
وبعدين لمدير بتاعنا قرر يوديه المتحف المصري والهرم ونتغدى وبعدين نرجع نشوف الصوت والضوء..... انتي متابعة معايا
رحنا نشوف الصوت والضوء.... لقناهم بيقولونا النهاردة فيه شركة حاجزاه... وعاملين حفلة
على فكرة.. كان جنبنا فوج سياحي وبرضه واقف مش عارف يعمل ايه
سلميلي على السياحة
وعلى فكرة السياحة أدب مش هز كتاف

Sha2loob said...

سياحة مين يا بيلا صلي على النبي
هقولك على موقف ساخر (برضه من مسخرة)
شوفي يا ستي
كان جايلنا واحد يدربنا في الشركة من ألمانيا....جميل
وبعدين لمدير بتاعنا قرر يوديه المتحف المصري والهرم ونتغدى وبعدين نرجع نشوف الصوت والضوء..... انتي متابعة معايا
رحنا نشوف الصوت والضوء.... لقناهم بيقولونا النهاردة فيه شركة حاجزاه... وعاملين حفلة
على فكرة.. كان جنبنا فوج سياحي وبرضه واقف مش عارف يعمل ايه
سلميلي على السياحة
وعلى فكرة السياحة أدب مش هز كتاف

Sha2loob said...
This comment has been removed by the author.
بنت أبيها said...

ازيك يا سكر عاملة ايه

وحشاني


يعني هيا جات على السياحة

اظن ان احنا اعظم بلد في السياحة من حيث

احترام الاجنبي اكتر من صاحب البلد


لدرجة ان احنا بنبيعله بيوتنا وشركاتنا وبنوكنا

وشوية كمان هنسيبلهم البلد ويا ننتحر يا اما نكون احنا سياح وهما يكرمونا فيها


شوفتي بقى

Romantic said...

يا بنتي إحنا بلد من غير هوية
هنقول إيه ؟

إبـراهيم ... معـايــا said...

حـلو قوووي ، أنا بقى منتظر بقية هذه السلسلة يا بيلا، بتعجبني مواضيعك اللي مكتوبة بدماااغ ، وأفكار مرتبة

خـالص تحياتي

mahasen saber said...

كل حته فى مصر بتمثل مزار سياحى
وكل مظهر من مظاهر حياتها اليوميه يتعمل عليه مهرجان يجيب الالاف من السياح بس ده لو فيه اداره حكيمه وواعيه ومدرك لكنوز البلد السياحيه...

يا مراكبي said...

إبدأي بس الموضوع ده وأنا هأشاركك

أنا ليا تجارب كتير قوي .. ومعبي جامد من جوة

كيارا said...

علي فكره

مصر احلي بلد ممكن سائح يزورها

لكن المهم الاداره الجيده

وان المصريين يكونوا متفهمين لوضع السائح ويحاولوا يكونوا دليل ليه

يعني انا لما بروح متحف او اي مزار سياحي

ويكون فيه سياح من غير جروب جايين منفردين بشرحلهم وادلهم

علي افضل الاماكن

المهم نكون كلنا ايد واحده مش اداره بس

L.G. said...

طبعا احنا بلد سياحي عندنا كل المقومات السياحية

بس المشكلة في الحكومة يارب تحل عنا هي واللي بيعينا كمان

اذكان دبي البلد الصغير عملت من الفسيخ شربات وبقت بلد سياحي من غير مقومات سياحية

المشكلة في الادارة
صحيح شفت الاعلانات الأخيرة
دي ناس مصممة تجيب ضلفها خالص بيدمروا ربنا يعافينا منهم

codecx said...

دردشة شات بنت مصر ، دردشة مصرية - مجتمع مصري ترفيهي للمرأة المصرية
بنت مصر
شات بنت مصر
دردشة بنت مصر
دردشة
شات مصري
شات مصرى
بنت مصر
بنات مصر
دردشه مصريه
شات بنات مصر
دردشة مصرية
دردشة بنات مصر
شات مصر
دليل بنت مصر
العاب بنت مصر
يوتيوب بنت مصر
جوال بنت مصر
توبيكات بنت مصر
مطبخ بنت مصر
الازياء والموضة بنت مصر
صور الماسنجر بنت مصر
شات بنت مصر

rabie said...

نشكركم على سعه صدركم للموافقه على التعليق ، افلام جديدة ، افلام ، سينما ، افلام عربيه ، افلام حصريه ، افلام نادره ، افلام مرعبه ، افلام اكشن ، افلام مصريه ، افلام خليجية. افلام مصرية لـ المشاهدة , افلام مصرية اون لاين , افلام مصرية اونلاين , افلام عربية اونلاين , افلام اونلاين , افلام ضحك , افلام كوميديا , افلام رومانسي.افلام مصربه,تحميل افلام مصريه,مشاهدةافلام مصرية,أفلام مصرية,افلام مصريه جديدة,

Ahmed Ashraf said...

Hi ,
Your site is very niceeee , this is my site pls , let me show it :
مصراليوم
مشاركة ارباح ادسنس
منتديات مصراليوم هى منتديات مصرية عامة تهتم بكل ما يهتم به المصريين , لدينا على منتديات مصر اليوم كل جديد و هذه هى اهم مواضيع المنتدى
اقسام منتديات مصر اليوم :
الحوار العام - شعر , قصائد - بحث , مقال - اخبار الفن - اخبار مصر - اخبار التعليم فى مصر - صور - اغانى , كلمات اغانى - افلام , مسلسلات - نكت - فيديوهات
قنوات , ترددات - العاب - كلية الطب - كلية الهندسة - رسائل موبايل - عروض الشبكات - قران كريم - برامج انترنت - اخبار الرياضة المصرية - مباريات بث مباشر - اسعار سيارات - اسعار موبايلات

Unknown said...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 花蓮民宿 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 水晶 長灘島 長灘島旅遊 長灘島景點 長灘島機加酒 長灘島必買 SD記憶卡 隨身碟 SD記憶卡 ssd固態硬碟 外接式硬碟 記憶體 婚禮顧問 婚禮顧問