Friday, November 28, 2008

سر إختفاء المدونات



منذ فترة حدثت عدة حوادث مؤسفة إختفت على إثرها عدة مدونات بدأت بمدونة العزيزة إبيتاف وتبعتها مدونة نوارة نجم
وغيرها من المدونات التي اختفت وحل محلها مدونات أخرى أو أختفت نهائيا ولم يعد لها اي اثر !!!!
وشب الفزع بين المدونين خاصة بعد ان قمنا بمناشدة جوجل ليعيد لابيتاف مدونتها ولم يفعل وكذلك لم تعد مدونة نوارة ولولا جهود بعض الاخوة الاعزاء لطار محتوى مدونتها الثرية.
وقمنا بعمل نسخ إحتياطية لمدوناتنا على وورد بريس خوفا من الوقوع في نفس الحفرة .

واليوم فتحت إيميلي كالعادة ووجدت رسالة من فريق جيميل تحمل عنوان مثير يحذر من اختفاء حسابي على جوجل وبالتالي اختفاء المدونة وبه لينك مطلوب مني الضغط عليه !!!!

لااخفيكم اني فزعت من مجرد تخيل فقد مدونتي ومابها رغم أن لي نسخة على وورد بريس منها, وفكرت فوراً في استشارة أحد الاصدقاء ولحسن حظي وجدت الاخ العزيز محمد الجوهري على الماسنجر فأرسلت له نسخة من الرسالة وعرفني أنها خدعة يتم عن طريقة سرقة حساب الضحية على الجيميل ثم يتبعها فقد لمحتوى المدونة التي يقوم اللص بمسح محتوياتها.

وهذا هو نص الرسالة حتى يحتاط الجميع ولتعرفوا أن اختفاء بعض المدونات تم عن طريق سرقة حساب صاحبها ثم الاستيلاء عليها بعد ذلك ومسح محتوياتها


Avoid disabling of your Blogger account,

Dear Gmail User

Please validate your Gmail account, Or you will no longer be able to use any of Gmail services and all information associated with these services and your account will be lost.

You need you to verify it throw secure link,

Click or copy the following link to your browser,:

https://google.mail.com/mc/EmailPage.srf?emailid= 54ff5d0a61897563&ed= Bzbo9yPeLHuhnL1C/ ygQqvfAKEuHtInKVAYivDN0QvG2RDv yyc0iTdoS81jEhQyvGIP4ETc%3D& lc=1033&urlnum=0


OTHER INFORMATION

Gmail is committed to protecting your privacy. We encourage you to review our privacy statement Privacy
Statement at http://google.com/privacy.html

For more information, go to the Google Account site at https://google.com


Thank you,

Gmail Customer Support


برجاء ملاحظة بعض الاخطاء الموجودة في الرسالة التي نقلتها لكم بالضبط كما وصلتني من الميل ولم اعدل فيها اي تعديل


43 comments:

Unknown said...

طب وده معناتو ايه؟ مين اللي بيعمل كده؟

Bella said...

اهلا نوارة

وحشاني جدا

مش عارفة يانوارة

العالم المؤذية كتيرة

الخلاصة ان اي حد يجيله ايميل فيه لينك مايدوس عليه مباشرة من غير مايطمئن لان سرقات الايميلات بتحصل بالطريقة دي

والحمد لله ربنا ألهمني اشوف لو محمد موجود اونلاين اساله وهو اللى حذرني فقلت انبهكم كلكم

ياريت الناس تاخد بالها بقى

ربنا يستر

تحياتي

AbdElRaHmaN Ayyash said...

لحظة ...
مين اللي باعت
اقصد اي ايميل ؟؟؟

Bella said...

اهلا عبد الرحمن

عندك في التدوينة برة رسالة مكتوبة اللغة الانجليزية وصلتني على الميل بتاعي على جي ميل

فيها لينك

والرسالة كما هو مكتوب بالخارج بتحذر صاحبها من امكانية حذف حسابه وبالتالي اختفاء مدونته

يعني الرسالة المزعومة مفترض انها مرسلة من جوجل يعني لصاحب الميل

اول ماتدوس اللينك الموجود في الرسالة ويطلب منك تدخل بياناتك للتأكيد عليها يعني تبتدي مشاكلك بقى ويتسرق الاكونت وبعدها تختفي المدونة

بس كده

خمسة فضفضة said...

السلام عليم ورحمة الله وبركاته

طيب تفتكري يا بيلا الناس اللي مدوناتها اختفت اتبعت لهم رسايل زي دي

ولا في طرق تانيه للنصب لسرقة معلومات الاكونت

يعني مثلا نواره علي ماعرف ماتبعتلهاش ايميلات المدونه اتحجبت من البلوجر

وكمان كيارا في هاكر استولي علي اللينك وحول المدونه لمدونه اباحيه

مش عارفه ليه حاسه ان الجو اليويمن دول علي البلوجر مايطمنش وان الموضوع له علاقه بالناس اللي مضايقين من التدوين والمدونات اللي عاملالهم صداع

سلام

Ahmed Shokeir said...

للأسف دي الطريقة وده الايميل اللي طيّر مدونة أبيتاف ، وكويس انك اخدتي بالك كان زمانك مضافة للقائمة

اللينك الموجود شبيه لموقع حساب جوجول ومعمول على موقع ريب أواي وده موقع بيديكي صفحة تصمميها بنفسك والهاك ده عاملها زي صفحة جوجول اكاونت بالظبط

برافو النشر يابيلا

Hopiz said...

tab lana hooona wakffffa
law e3temadna nazreyt el mo2amra hena>
en ely mostahdaf kolohom modawenen masreyen
we belzat el banat
ya3ny feh shobha men el regala el masryeen, enohom 3ayzen ye7agemo el nashat el nesa2y 3ala blogger
we atmana fe 2a2rab forsa te3len el monazama elly ara2 el 3amal el ta7'reby dah mas2olytha el kamla wara2 a7das el 2etlf el mota3ameda
ma3lesh ana asfa 3al franko arab , bas el comp ba2a a3melo ih?
we thanks alot bella enek lafaty nazrana lel no2ta deh

مهندس مصري بيحب مصر said...

ايوه الرسالة دي انا شفتها قبل كده بس وصلتني على الجنك ميل في الهوتميل و مسحتها
لإني حاطط في بروفايل المدونة ايميل الهوتميل بتاعي
ألف شكر على التحذير

عالمى ازرق said...

شكرا يابيلا على انك نشرتيها
وفكرتنى برسالة الهوتميل اللى بيتم تداولها من فتره طويله
و سبحان الله يعنى لو حد من اللى بيبعت الرسايل دى فكر فى المجهود اللى بيكون جوه محتوى المدونه
الاذى اللى بيسببه للاخرين
اعتقد كان أعاد التفكير فى اللى بيعمله

امام سليم امام said...

ياسيدى يعملو الى يعملوه نعمل مدونات غيرها

Anonymous said...

أشكرك
bella
علي النشر و فعلا المؤذيين كتير أوي و لازم كل واحد ياخد باله
ربنا يستر لأن فعلا فيه ثغرات كتيره ممكن الهاكرز يدخلوا منها علي الايميلات

أشكرك علي النشر و تقبلي تحياتي

الفقيرة إلى الله أم البنات said...

جزاك الله خير يا بيلا
ومهم يحصل
برضه هيكشفهم ربك
ومهما حذفوا مدونات او سرقوها ماخلاص الكلمات وصلت واتحفظت
بجد وحشانى

Bella said...

خمسة فضفضة

مرحبا ياعزيزتي

والله بقى الناس اللى اتسرقت مدوناتهم واتمسحت هم اللى يجاوبوا السؤال ده

بس اللى اعرفه ان شهروزة مثلا اتقفل حساب الجي ميل بتاعها الاول واختفت مدونتها بعده

واعتقد ابيتاف كمان

انا مش عارفة مدونة كيارا من قبل ماتتمسح علشان احكم

بس بالنسبة لنوارة فيه واحد دخل قال لها ان هو اللى عمل كده وبعت لجوجل

بس انا حاسة ان حتى بالنسبة لنوارة ممكن يكون اتهمل هاك على الاكونت بتاعها

بس مااظنش يعني ان كل اللى اختفت مدوناتهم من النشطين في كتابات معينة تضايق حد

يمكن نوارة وشهروزة

بس ابيتاف كتاباتها عادية وكتير منها قصص مثلا

يعني مااعتقدش تكون حصلت منها مناقشات في موضوعات سببت مضايقة لحد

وكيارا مش عارفة طبيعة تدويناتها

لكن المؤذيين كتير على كل حال

ربنا يستر

تحياتي

Bella said...

Ahmed Shokeir

مرحبا بك

انا متعودة دايما افتح الميل وتقريبا بشكل يومي وامبارح بالليل متأخر لما فتحت الميل ولقيت السالة دي انزعجت جدا
ولما فتحتها قلبي انقبض

فقلت اشوف محمد الجوهري لو اونلاين استشيره في الموضوع ده يمكن يكون فيه لعبة ولا حاجة

والحمد لله صدق ظني وطلعت الرسالة دي اللى بيتسرق عن طريقها اليوزر نيم والباسوورد

وياريت ابيتاف كانت عرفتنا بحكاية سرقة الاكونت بتاعها
كان على الاقل الناس شافت الامر من زاوية تعمد مسح مدونتها لان كلنا اعتبرنا الموضوع خطأ من جوجل اصلا.

وحتى لما مدونة نوارة حصل لها نفس المشكلة تقريبا اتجه نظرنا لمسألة التعمد من جوجل

بس بالنسبة لشهروزة هي قالت ان حسابها مش عارفة تدخل عليه
يعني احتمال سرقة متعمدة من شخص مؤذي

وعموما المفروض الواحد في الاحوال العادية مايفتحش ايميل غريب او لو فتحه مش اي لينك يدخله

ودي حاجة اتعلمتها من الاعلانات اللى كانت بتجيلي على الميل وكنت بادخل بحسن نية في الاول اشوف فيه ايه وبعدين الاقي مواقع سخيفة او اباحية

فبعدها قررت الا افتح اي ميل من شخص لااعرفه ولو حصل وفتحته ممنوع منعها باتا الدخول على اي لينك

الحمد لله

وياريت الكل ياخد باله كويس
ماحدش عارف الاذى ممكن ييجي منين

تحياتي

Bella said...

HopiZ

اهلا وسهلا

والله عن نفسي مافكرتش في حكاية ان يكون فيه تنظيم تخريبي رجالي غرضه تحجيم دور المشاركة النسائية في التدوين

هي فكرة برضه جديرة بالاخذ في الاعتبار

لكن مش عايزين نشق صف التدوين ونعمل فتنة رجلي حريمي لان فيه مدونة اختفت لمدون رجل هو اخونا عمرو صاحب مدونة حبشتكانات فلسفية

الا بقى لو كان اختفاء مدونته للتمويه والتغطية على اعمال المنظمة الارهابية الرجالية دي

ههههههههههه

معلش ياعزيزتي القافية تحكم

بس عموما اي شيئ وارد

المهم الناس تاخد بالها من مدوناتها لان ايا كان محتوى المدونة المسروقة ومدى اهميتها عند القراء فهي بالتأكيد امر عزيز ومهم عند صاحبها جدا ويحزنه فقدها

وحتى يعلن اصحاب الفكر التخريبي عن اهدافهم من ارتكاب هذه الجرائم علينا الاحتياط جيدا حتى لاتتكرر حوادث سرقة الحساب ومسح المدونات

عالم النت ملئ بالمرضى النفسيين فعلا

تحياتي وشكرا على مرورك ياعزيزتي

Bella said...

مهندس مصري

مرحبا بك

انا حاطة في بروفايل مدونتي ايميل الجي ميل

بس حتى على الهوتميل ساعات بتوصلني رسايل بتأكيد الحساب والا ح يتقفل وحاجات شبه كده
بس عمري مادوست على اللينك لاني مرة اتخضيت من رسالة زي دي في بداية تعاملي مع الميل ومشاكله وكسلت اعمل التأكيد ده
وماحصلش حاجة
لا الميل اتلغى ولا طردوني من جنتهم

ومن وقتها اي رسايل من النوع ده مش بافتحها اصلا

بس المرة دي فتحت دي لانها جاءت متزامنةمع حوادث اختفاء المدونات فقلت يمكن تكون هي دي سبب المشكلة

والحمد لله اننا حطينا ايدنا على سبب المشكلة بدل ماطول الوقت متصورين ان المتوحش جوجل بيتعمد مضايقتنا

تحياتي

Bella said...

عالمي أزرق

مرحبا بك

الحقيقة انا مش قادرة اتصور لغاية دلوقتي ايه الاستفادة اللى ممكن يجنيها شخص بينكد على شخص تاني ويمسح تعب وقت طويل

حتى لو كان محتوى المدونة تافه من وجهة نظر القارئ الا ان صاحبها تعب فيها ولها عنده مكانة وذكريات

احساس سخيف جدا ان الواحد يفقد جزء منه ببساطة كده لمجرد ان فيه انسان سيكوباتي عايز ينكد عليه وخلاص وممكن لاتربطه به اي صلة اصلا

بس نقول ايه بقى

المرضى النفسيين كتير

ربنا يستر

ونتمنى الهدايا لكل مؤذي

تحياتي

Bella said...

امام سيد امام

مرحبا بك

اولا انا ست

ثانيا عمل مدونة اخرى بدل اللى بتتمسح ممكن طبعا ولكن اضاعة جهد ووقت انفقه شخص في عمل مدونة امر سخيف وفيه قدر كبير من الانانية

ربنا يهدي من يقومون بهذه الحركات

تحياتي

Bella said...

اجندا حمرا + هارت بيت

مرحبا ياعزيزتي

والله عن نفسي باتنكد جدا لما اسمع عن حد حصل لمدونته مكروه وفقد محتوياتها
وعلشان كده قلت ضروري نعمل حاجة للموضوع ده

فعلمت انا وهاني جروب على الفيس بوك للتصدي لعملية سرقة وفقد المدونات وقلنا نحط عليها اي حاجة ممكن تفيد الناس في المحافظة على مدوناتهم

والمهم ان الناس فعلا تاخد احتياطها وتحافظ على مدوناتها

وربنا يستر

نورتي ياعزيزتي

تحياتي

Bella said...

الفقيرة إلى الله أم البنات

اهلا ام البنات
وانت كمان واحشاني والله
دعواتك

الحمد لله ان ربنا كشف سر السرقات دي

بس للامانة برضه لست أدري سبق ونبهت على الجايكو من ان جوجل مش ممكن يحذف المدونات كده وخلاص وقالت يمكن يكون فيه سرقة للاكونت بتاع الضحايا

الحمد لله اننا وضعنا ايدنا على سبب المشكلة

تحياتي

مهندس مصري بيحب مصر said...

ايوه ما هو ده بيؤكد اللي انا اقصده
إن الهاكر بيبعت رسالته على الإيميل الموجود في البروفايل
يعني اللي مش كاتب إيميله مش حيعرف يبعت له الرسالة
:)
انتي صح في عدم الضغط على اي لينك

ثم ببساطة سيبك من اللينك المكتوب
لو شاورتي عليه بسهم الماوس و وقفتي فوقيه بدون ما تدخليه و بصيتي في شريط البراوزر عندك تحت على الشمال حتلاقي لينك المكان الحقيقي اللي اللينك ده حيوديكي عليه
و طبيعي حتلاقيه موقع غريب غير جوجل خالص

دي اسهل طريقة لكشف الخدع اللي من النوع ده

و عموماً انا غيرت الباسوورد بتاعتي بأخرى أشد تعقيداً
الإحتياط واجب
و شكراً مرة تانية

Bella said...

مهندس مصري

مرحبا اخي العزيز

في الحالة دي بقى الواحد يشيل ايميله من البروفايل اضمن

وعلى فكرة انا برضه مريت بالماوس فوق اللينك ولقيت العنوان غريب
وهو ده اللى خلاني مش مطمئنة

الحمد لله ان الواحد ربنا الهمه يعمل كده

وافضل برضه الواحد يغير الباسوورد لواحد معقد

ربنا يستر

ومرحبا بك في اي وقت

تحياتي

bluestone said...

عاااااااااااااااااا
انا حصلتلي ودوست على اللينك للاسف
ونقلني للصفحة فعلا وعملت الموضوع الزفت ده

بس غيرت الباسوورد في ساعتها على طول

بس بيجيلي سبااااااااام بالهبل من جروبس عربي كتير منها جروبس معروفة

عايزة اتأكد من ان محدش بيطلع على ايميلاتي
اعرف ازااااااااااااي؟؟

محمد said...

لو توقفت بالماوس على اللينك الذي يطلب منك الضغط عليه لعرفت الأمر

ستجدي أن الرابط الموضوع عليه مخالف للمكتوب في البار الموجود أسفل الصفحة, وهذا يخالف الوضع لو توقفت على أي رابط آخر

هذا هو الرابط الذي يطلب منك الضغط عليه

https://google.mail.com/mc/EmailPage.srf?emailid= 54ff5d0a61897563&ed= Bzbo9yPeLHuhnL1C/ ygQqvfAKEuHtInKVAYivDN0QvG2RDv yyc0iTdoS81jEhQyvGIP4ETc%3D& lc=1033&urlnum=0


وهذا هو الرابط المخفي الموضوع على الرابط السابق.. وهو رابط مخالف للمكتوب

http://h1.ripway.com/alert1/googIe.html

لو لاحظت أن كلمة جوجل الموجودة في الرابط مكتوب بدل حرف
L
حرف
I
كابيتال

وذلك للتشويش على رؤيتك أثناء الضغط عليه

أرجو أن تزيلي الرابط حتى لا يدخل أحدهم على الرسالة دون فهم ويضغط على الرابط ويقع ضحيتها

ما أظنه أن هذه الرسالة كانت حقيقية, ولكن أحدهم بدل الرابط المخفي وجعله يؤدي بك إلى صفحة وهمية هو اخترعها بنفسه, وحاكى بها شكل صفحة جوجل

أكرمك الله على التنبيه
:)

مـحـمـد مـفـيـد said...

حاجه في منتهي السخافه فعلا الموضوع ده

Epitaph1987 said...

انا جاية اسجل تأكيدي علي الميل المؤذي ده
هو ده بالنص اللي جالي فعلا
وانا من قلة تركيزي اديته البيانات

كويس يا بيلا انك نشرتي الموضوع ده هنا -بالاضافة للفيس بوك-- عشان تبقي واضحة

مين بيعمل بقي كدة
هل هي عملية توماتيكي توماتيكي لسرقة الايميلات
ولا هي مقصودة
ولا موجهة للمدونين
ولا ايه

الله اعلم


ربنا يستر بقي


تحياتي ليكي
:)

مصــــري said...

بيلا

حمد الله علي السلامة

هو الحقيقة موضوع مقلق جدا
يعني المجهود كله يروح في ضغطة علي لينك

أنا مش من هواة نظرية المؤامرة
بس رائحتها فايحة جدا
وخاصة بعد تعمد اخفاء مدونة نوارة.

شكرا علي توضيح المعلومة دي
عن نفسي لو كانت جتلي الرسالة دي

كنت هادوس ع اللينك
الحمد لله

شكراً يابيلا

أسامة

Che_wildwing said...

يعني كان لازم المدونات تختفى عشان حضرتك تظهرى
........
انا كمان جاتلى الرسالة دي
وخدت بالى من الاخطاء الاملائية العبيطة
....
ماهم بتوع امن الدولة كده بيتخابثوا وهما متخلفين

Gemyhood said...

تحليلا للموقف

أستبعد الشبهه الأمنية لان تيكنيكال أمن الدولة ماوصلش للدرجة دى من التفكير

الخيار الأكيد ان دى مجموعة من المخربين يستهدفوا المدونات كأى منتج الكترونى زى الايميلات و المواقع الخ

الاسستفادة ممكن تتحقق بعد كدة عن طريق استغلال المدونة للاعلان عن محتويات جديدة

او عمل اعادة توجيه لرابط المدونة لمواقع أخرى تدفع مقابل ذلك للاستفادة من زوار المدونة الاصلية

للاسف ضرب مدوناتكوا كان عن طريق الحساب العام لجوجل يعنى بعيد خالص عن خدمة المدونات

bluestone said...

ياجماعة انا فعلا عندي مشكلة كبيرة في الموضوع ده
انا للاسف دوست على الرابط من غير تركيز
بس غيرت الباسوورد على طول بعدها

مدونتي زي ما هي

بس المشكلة العظيمة هي الزفت السبام
بيجيلي 50 ميل في الدقيقة
ودي حاجة سخيفة جدا

اعمل ايه .؟؟ انا ثقافتي التقنية بعافية شوية

عايزة اتأكد من ان محدش بيطلع على ايميلاتي
اعرف ازااااااااااااي؟؟

Empress appy said...

محمد الكومى حذرنى من الموضوع ده من فتره علشن كده انا بعمل دليت لاى ميل غريب حتى لو من جوجل الحقيقى معرفش ليه بس هو كده

الطائر الحزين said...

اتانى هذا الميل
ولم افتحة

كل عام انت بخير
عشر ذى الحجة


دعواتكم فى هذه الايام المباركة

No Fear said...

السلام عليكم
أولا حمد لله علي السلامة
ثانيا كل سنة و أنت طيبة
ثالثا يعني الحل إننا مندخلش علي اللينك دي صح و لا أية؟
أخيرا إزاي نعمل نسخة من المدونة علي الوورد برس
شكرا

Unknown said...

طب ومين اللي هيستفيد من ده؟؟؟

وكلهم بيكونو كده ولا في حاجات جوجل هي اللي بتمنعها؟

Ahmed said...

السلام عليكم
انا جاتلي نفس الرسالة بالضبط لكن بخصوص الفيس بووك مش البلوج
وبرضحه تجاهلتها ومستحتها فورا لاحساسي انها خدعة
ياريت ناخد بالنا من الحجات دي لاني حاسس انها موجه لينا العرب بشكل خاص
تحياتي

ناصر said...

ربنا يزيدك نور
متشكر جدا على الرسالة والنصيحة

اميرة بهي الدين said...

يابيلا ياكسلانه ... سكتي سكتي سكتي وبعدين كتبتي عن اختفاء المدونات وسره ... فين ياهانم بقيه الافكار المبعثره ؟؟؟ ايه الدنيا ستفتها لوحدها ولا ايه ؟؟؟؟ يالا بطلي كسل ورتبي الدنيا او علي الاقل حاولي - وحشيتني - لما غيابك بيطول بقول لعل المانع خير ويكون شويه انشغال وفحت وردم وخلاص

Kiara said...

يالهوي

عشان كده ضي القمر راحت
هو ده الميل اللي اتبعت المصيبه انه بيتبعتلي في اليوم اكتر من مره

كويس اوي انك حذرتنا

Ahmad Hegab said...

طيب و بعدين !! بجد لازم يكون فيه حل !! انا سمعت ان جوجل نزلت برنامج بيعمال باك-اب من المدونه على الجهاز

شكرا على المشاركه

Marwa Rakha said...

http://globalvoicesonline.org/2008/12/02/egyptian-bloggers-and-their-lost-blogs/

Thanks Bella

يا مراكبي said...

الله ينور عليكي .. صح كده

ومش كده وبس

ده ممكن يوصل ليكي بريد إلكتروني أو تطلع رسالة فجأة في ويندو تقول إن الكومبيوتر في خطر وياريت تعملي
Install
للأنتي فايروس الجديد ده بسرعة وهيكون مجاني

وبس كده .. هتلاقي جهاز الكومبيوتر بيعمل حاجات لوحده وبيخ بكلمة السر بتاعتك في حاجات كتير ويعمل عمايل كحلي

Ahmed Al-Sabbagh said...

كل سنة وانتى والاسرة بخير

L.G. said...

عزيزتي بيلا
للأفكار أجنحة ستطير وتصل للناس مدونات أو من غير مدونات

على فكرة من باب الاحتياط لا انقر على اي لينك حتى لو مبعوت من واحدة صاحبتي

ولو أن الحذر لا يمنع القدر لكن من خاف سلم :))

ليكي عندي تاج روحي خديه