Tuesday, November 20, 2007

العملية توك توك


على غرار أفلام جيمس بوند وقصص ملفات المخابرات قررت الإدارة العامة لمرور الجيزة التعامل مع الهدف وتصفيته وتصفية القائمين عليه.
والهدف المبين بالصورة يتحرك في انحاء مصر المحروسة بحرية واريحية شديد منذ فترة قد تفترب من العام او أكثر أو أقل حتى الآن لانعرف ولكن الملفات رصدت تحرك التوك توك في الاحياء الشعبية التي لاتريد أن تدخلها التاكسيات او فلنكن أكثر تحديداً ونقول لاتستطيع أن تدخلها التاكسيات ولا حتى الميكروباصات نظرا لضيق شوارعها فضلاً عن سوء حالة طرقها كحال أغلب طرق مصر حتى الواسع منها. ولسبب غير معروف للأجهزة المعنية والعقول الفتية لم يُعرف على وجه التحديد من هو الشخص المسؤول او الجهة المختفية وراء عمليات استيراد التكاتك ( جمع توك توك ) حيث كان المذكور يدخل متخفياً ولم ترصده أية جهة معنية او حتى غير معنية وهو متسلل عبر طول البلاد وعرضها.
وقد ضجت الناس بالشكوى من تهور المذكور اعلاه وتسببه في حوادث كثيرة ولكن لامجيب !!!
وطالبت أصوات عديدة بتقنين وضعه وعمل ترخيص له للحد من الفوضى التي يخلفها وراءه في كل مكان ولكن لا مجيب !!!!
وظل الحال على ماهو عليه إلي ان حصل توفيق أوضاع واعتاد الناس على الدخيل الجديد بل وصار جزء لايتجزأ من حياتهم حيث خفف عنهم معاناة الانتظار اليومي واستغلال سائقي الميكروباص وأحتقار سائقي التاكسي.
وأصبح التوك توك جزء لايتجزأ من حياة شريحة كبيرة من المواطنين
وأصبحت تجارته رائجة لدرجة أن الدولة سمحت بدخوله إلي مصر من خلال الإدارة المركزية لجمارك القاهرة، حيث سمحت في شهر يونيو الماضي بدخول 654 ألف توك توك، وسمحت كذلك بالاتجار فيه من خلال كبري شركات الصناعة والنقل والإعلان عن بيع التوك توك في الصحف الرسمية، وعُلق البيان الجمركي الخاص به وسنة الاستيراد وبلد المنشأ وهو الهند وكذلك الماركة والطراز.

واصبح التوك توك حلم المتعطلين عن العمل ومخلص المنتظرين في الشوارع
وكذلك سبوبة كبيرة لكل من كان له ظهر في أي جهة من الجهات المعنية.

وقد إعلنت وزارة الصناعة فجأة أن التوك توك غير صالح صناعياً رغم استمرار عمليات الاستيراد وإغراق الشوارع به.

وهنا قررت الإدارة العامة لمرور الجيزة ومن منطلق وطنيتها الجارفة أن تضع حداً لهذا العدو التربص بمقدرات الشعب وقامت بمصادرة عدد كبير من التكاتك ( جمع توك توك كما ذكرنا آنفاً ) بحجة مخالفته لشروط السلامة وقررت فرض غرامات على اصحابه الملاعين الاشرار الذين سارعوا بدفع الغرامة صاغرين على أمل ان تسمح لهم إدارة المرور الوطنية بترخيصه أسوة بمحافظات أخرى كالدقهلية ولكن هيهات فقد طلع نقبهم على شونة وبعد تحصيل الغرامات لم تعد لهم التكاتك وتعللت إدارة المرور بأن الرسوم حق الدولة !!!!

الحقيقة لم استطع أن استوعب الربط بين حق الدولة والاستيلاء على حق المواطنين مالكي التكاتك والذين اشتروها بالتقسيط والمهددين بالسجن اذا لم يدفعوا ماعليهم من اقساط.
لقد دفعوا ماقررته عليهم الدولة من غرامات

فلماذا لم يعد لهم حقهم ؟؟

ولماذا أصلا سُمح بدخول التوك توك اصلا اذا كان في دخوله بلاء عظيم وشر مستطير ؟؟

ومن المسؤول عن هذه المجزرة التي تحدث لآلاف الاسر التي لايعلم الا الله من اين جمعوا مقدمات هذه التكاتك وكيف سيسددون الاقساط بعد ان استولت عليها إدارة المرور شديدة الوطنية وسدت في وجوههم كل الطرق لحياة لن نقول كريمة

ولكن حياة والسلام

ولا عزاء لكل مواطن شريف يريد أن يأكل من عرق جبينه وكسب يده في هذا البلد

نسيت أن اذكر لكم في غمرة حماسي وتاييدي لوطنية الإدارة العامة لمرور الجيزة أن ثمن التوك توك الواحد بالتقسيط يصل ل 25 ألف جنية مصري بالتمام والكمال

يعني البحر أمامكم والتوك توك خلفكم

من فاته قطار العمل الذي يأتي في الاعلان اياه وتكاسل عن اللحاق به فعليه إما ان يذهب لايطاليا والمركب اللى تودي

أو يشتري توتوك وإدارة المرور كفيلة بتسكينه في اقرب سجن


33 comments:

عباس العبد said...

انضم الى حملة
المجد للتوك توك

عصفور المدينة said...

السلام عليكم
صياغتك للموضوع رائعة يعني نقدر كدة نقول عودة بيلا

أرى هذه الأيام تشكيلات جديدة من الموتوسيكلات المتعددة الأغراض بديلا لعربيات الكارو وللتحميل في المعارض وانه بيطكلع له ترخيص وكانوا طلعوا قانون انه يسمح بالتوكتوك في المناطق الريفية ولا يسمح بمروره ولو عابرا في المناطق الحضرية

المشكلة بقى هو تفاوت الإجراءات والقوانين من محافظة لأخرى مع إن ده مش دستوريك
حلوة دستوريك دي


المهم فيه عندي مدقق إملائي وانا باكتب دلوقت معلم غلط على كلمة توكتوك
:)

Bella said...

عباس العبد

مرحبابك

انضميت خلاص للحملة
انت عامل لها جروب على فيس بوك ولا ايه ؟؟

هههههههههه

Bella said...

عصفور المدينة

مرحبا بك

واشكرك كثيرا على هذا الدعم المعنوي الكبير

الحقيقة ان وجود التوك توك كان يزعجني بشدة لانه يطلع فجأة ويتلوى بين السيارات وحوادثه كثيرة جدا

ولكن ببعض التنظيم يمكن السيطرة على الوضع

والحجة انه غير مطابق والكلام الفارغ ده لاتعني اي شخص يستفيد من وجوده
لاننا ببساطة حياتنا كلها على بعضها غير مطابقة لاي مواصفات بداية من الطرق المليئة بالعديد من المطبات مختلفة الانواع وايشي طالع وايشي نازل
ومرورا بكل انواع عدم التطابق في السيارات التي تنفث عادم دخانها في صدورنا
والفوضى المرورية التي تضرب انحاء مصر بسبب عدم تطبيق القوانين وتحول القيادة من فن وذوق إلي بلطجة ولوي دراع واللى مش عاجبه يخبط راسه عند اقرب سمكري سيارات

يعني الحقيقة لو حصرنا في نقاط صور عدم التطابق سنجد قائمة كيلومترية

يعني إدارة المرور والهيئات الشبيهة يلعبوا غير لعبة عدم التطابق دي ويشوفوا مين اللى دخل التوك توك البلد وكام شخص كسبوا من وراه ومن ورا سبوبة التقسيط المريع اللى حولته ل 25 الف جنية

وبعد كل هذه العملية الاستغلالية يكملوا مابدأوه ويصادروا أرزاق الناس بهذه الصفاقة وقلة الادب وبعد جباية الرسوم كالبلطجي النطع لايعيدون التكاتك لاصحابها

منتهي الوقاحة صراحة

وماذا تفعل هذه الاسر التي تكبلها الديون ؟؟
والبيوت المفتوحة في انتظار تسديد الاقساط والا السجن

يعني صراحة طريقة جديد لتطفيش الناس وتهجيجهم لانهم مواطنين غير مطابقين للمواصفات

جاتهم القرف كلهم

إدارة المرور والمستوردين والتابعين لهم من الهليبة ولصوص وناهبي الارزاق

ربنا ينتقم ممن تسبب في هذه الكارثة وغيرها من كوارثنا الكثيرة

osama said...

يعني عايزه تقولي ايه بالظبط اوعي تكوني بتقصدي ان الحكومه مش شايفه شغلها كويس وبتظلم الناس ... هههههههه
كفى الله الشر ..

التوتك ظاهره فرضها الواقع .. فرضتها الظروف القهرية وفرضها الاختناق المروري والبحث عن وسائل اخرى.. التو تك يسبب اختناق مروري هو الأخر لكنه حل وسط داخل المدن

الامر هو ترهل الجهاز الاداري في الدولة ككل جهاز متضخم عفن ... فاسد.. متخبط

دمت بكل ود

مختار العزيزي said...

وتمنه كاش سبعتاشر ألف جنيه، وفي الحالة بتاعتنا دي يا تري مين بيشتري توك توك ؟
هل هو مثلا واحد عنده عمارة وتويوتا كورولا وبعدين فكر يجيب للواد حمادة لعبة يغيظ بيها طنط فوقية وولادها؟؟؟؟

التوك توك بتمنه ده عبارة عن كل راس مال أو ثروة صاحبه، غير الديون بتاعة القسط طبعا فإزاي يحصل منع دون التفكير في العواقب والكوارث التي تنتظر هذه الأسر!!!! صلاح بيه منتصر طلع في برنامج البيض بيضك وكان بيتكلم عن ان القاهرة بقت مش سايعة العربيات اللي فيها وان الخطوة دي هتبقي حاجة عظيمة قوي عشان القاهرة تبقي روقان.

أقل أدبي يعني ؟
استغفر الله العظيم يارب

فوصلت الي قناعة مؤخرا وهي أن القانون في مصر وظيفته أنه يخلق مجرمين

Bella said...

osama

مرحب اسامة

انا ياخويا مش عايزة اقول حاجة

انت اللى بتقول اهو

هههههههههههه

عرفت من والدتي ان فيه جار لنا بيشتغل في المرور بيقول انهم عارضين من تحت لتحت تكاتك للبيع الواحد بخمس آلاف جنية

يعني الناس تشتريه بالاقساط والمصايب بخمسة وعشرين الف

تصادره الحكومة وتبيع منه بخمسة آلاف

واللى مش عاجبه يوع في نفسه بسولار

ده مش بس فساد وتعفن

لو فيه كلمات في اللغة اكبر من كده كان الواحد قالها

بس صعب الواحد يقل أدبه صراحة

Bella said...

مختار العزيزي

مرحبا بك

اللى بيشتري توك توك نادرا مابيشتريه كاش غالبا بيجيبه بالتقسيط

نفس الطريقة اللى كان بيعملها بنك ناصر لبيع التاكسيات والميكروباصات بالتقسيط ويصبح صاحب المركبة من دول رهينة عند البنك ولو تأخر في تسديد الاقساط تسحب منه المركبة ويتم الاستيلاء عليها

يعني نصب من كل ناحية

وفي حالتنا دي إدارة المرور بتقوم بدور النصاب الأكبر عندما قامت بالاستيلاء على أرزاق الناس وحصلت منهم الغرامات ولم تقم باعادة التكاتك مرة اخرى

يعني نصب وسرقة عيني عينك

ام سي فساد منهزم ده احسن له يشوف له مصيبة يدفن نفسه فيها بدل التصريحات العرجاء اللى طالع يقرفنا بيها دي

بقى التوك توك دلوقتي هو سبب مصايب القاهرة المرورية؟؟؟

امال الفوضى المرورية اللى كانت بتحصل قبل ظهور التوك توك كان سببها ايه بقى !!!

ثم ان التوك توك لايسير في شوارع القاهرة العامرة بل يسير في الاحياء العشوائية والمناطق المزدحمة

وبالفعل رغم مشاكل التوك توك الا انه حل مشاكل كثيرة جدا

Alexandrian far away said...

الصديقه العزيزه
ألي ما بتسألش بيللا
لك حق
الموضوع كله ريحته مش ولابد
زي ما يكون ملعوب أتلعب ع الناس
وحد هبر له هبر له هبره وخلى بيهم
أتمنى ما يكونش حد من عصابة جيمي باشا

تحياتي

Bella said...

Alexandrian far away

مرحبا أخي العزيز

انا برضه اللى مابسألش
انا امبارح كنت في مدونتك وجيت اسيب لك رسالة في الشات بوكس الموقع هنج وفضل مش شغال شوية
فقلت اسأل تاني يوم
وايك سبقتني

اعمل ايه بقى

ههههههههه

هي فعلا لعبة ولعبة حقيرة كمان

والله جيمي باشا
او اي باشا غيره
النتيجة واحدة
الناس ح تبقى مقسومة فريقين
فريق في الشارع
وفريق تاني في السجن محجوز عليهم

يعني في كل الاحوال فيه تشريد وضياع حقوق ناس مساكين عايزين يعيشوا بالحلال

مدرس مطحون said...

التوك توك بخمسة آلاف، أممممممم يعني، مصائب قومٍ عند مصالح قومٍ تكاتكو
وعجبي

Bella said...

مدرس مطحون

مرحبا بك

والله يااخي نقول ايه

هي زي ماانت بتقول كده
وممكن كمان تنفع تكاتك قوم عند قوم فوائد

باعتبار ان التكاتك ملك الغلابة اللى مش مستفيدين منها والمستفيد حد تاني خالص

مش عارفة ليه الحكاية دي فكرتني بحمار جحا

لما اتسرق منه وراح لقاه بيتباع في السوق

حاسة ان الحكومة ناوية تعمل كده مع اصحاب التكاتك الاصليين وتبيع لهم التكاتك من جديد

واللى مش عاجبه ح يقف يتفرج على شقى عمره وهو بيتباع على عينك ياتاجر

Tamer Nabil said...

انا شايف ان الحل سهل خالص

لو هو مشكلة ومش قادرين على حلها يتم منع الاستيراد

او الحل التانى يتم الترخيص والعمل فى النور

انا بقى حملة القفش والهجوم دى لاهتودى ولاهتجيب


تحياتى

Amr Ahmed said...

يللا نفر ونطلع

اوعي التوك توك

علي راي واحد صاحبي

قالك

التوك توك مشروع الشباب

Bella said...

Tamer Nabil

مرحبا بك

والله انت طيب قوي قوي ياتامر

انت اصلا مفترض انهم عايزين يحلوا المشكلة
والصح انهم هم اللى عاملين المشكلة

يعني اصلا لو فيه مشكلة فم اللى عملوها لما سكتوا كل الفترة دي على دخول التوك توك البلد وده طبعا مفهوم انه لمصلحة المستورد الذي قام بالاستيراد
وطبعا لمصلحة باقي الجهات التي تبيع بالتقسيط

ياعزيزي دي سبوبة كبيرة

ولان التكاتك غير مرخصة يعني سهل كل شوية والتانية حد يطلع لهم قرار ويبتزهم بيه

الحكاية حلها بسيط لو فيه حد عايز يحل اصلا
الحل في ترخيص التوك توك وعمل رقابة علي سيره
ولا اقصد بالرقابة تعيين افراد شرطة للم الرشاوي من سائقي التوكتوك والرزالة عليهم في الرايحة والجاية

الحكاية مش ح تتحل لانهم اصلا مش عايزين يحلوها

Bella said...

Amr Ahmed

مرحب عمرو

هو بعد المصيبة اللى منتظرة اصحاب التكاتك ح يبقى مشروع الشباب

بعد مايخرجوا من السجن وفاء لتسديد ديونهم ح يبقوا شيوخ وكراكيب كمان

يكونش ده السر ورا العملية

ان الإدارة تثبت للمواطنين ان التوك توك ممكن يكون مصدر رزق للكهول والعواجيز

ههههههههههههههههه

الطائر الحزين said...

عارفة حضرتك

فيه بلدان لم يكن بها اى مواصلات داخلية
سوى الحنطور اى نعم الحنطور وهذا لفترة ليست ببعيدة ومدن وليست قرى

وايضا كان فيه مواصلة موتسيكل اللى بيبقى فيه جنبة مكان يركب واحد دة بردة فى المدن

يعنى التوكتوك ده رحمة


انتى عارفة الحكومة عاملة ايه زى ما تكون بتنصب شرك للناس هاجيب لكم تكتوك رخيص واشتروة بس اوعى حد يستعملة ولما يستعملة يدفع غرامة ولما ما يقدرش يتحبس مش علشان عاوزين يحبسوة لا علشان اهلة يتصرفوا ويجيبة الغرامة

Bella said...

الطائر الحزين

مرحبا اخي العزيز

الحكاية ان الحكومة كما قلت انت نصبت فخ للجميع

يعني لايهمها المشاكل التي يسببها التوك توك والفوضى المرورية ولا يحزنون

كل مايهمها هو يحزنون فقط

ونصبت على الجميع وخرجت من البيعة تفرك يديها وتضحك على الهبل الذين صدقوها وتصوروا انها يمكن ان تفعل شيئ مفيد لاي طرف من الشعب

المستفيد الوحيد هم المستوردين الذين استوردوا الكابتن توك توك
والشركات التي قامت بتقسيطه

والبنوك التي قامت بالتوسط في البيعة

وطبعا الحكومة متمثلة في الادارة العامة للمرور التي صادرت التكاتك وستقوم ببيعها من تحت لتحت وعلى المواطن مايثبت حقه يبدل الله من حال لحال

ويامن يعيش بقى

يبقى الورثة يطولوا حاجة

هكذا هو حالنا دائما

عمليات كر وفر متواصلة الخاسر فيها المواطن المطحون

سواء صاحب التوك توك الذي تصور انه سيكسب لقمة حلال

ومن يعمل على التوك توك وقد تصور انه تخلص من البطالة

والمواطن المستخدم للتوك توك في تحركاته والذي تصور انه تخلص من تحكم التاكسيات وفوضي الميكروباصات

كلنا واهمون

الحقيقة الوحيدة في الموضوع انه لايوجد حق لاي مواطن في هذا البلد

Mohamed A. Ghaffar said...

انا ضد التوك توك كأحد عوامل افساد التركيبه الأجتماعيه

وضد القرار كاحد انواع الظلم

Bella said...

Mohamed A. Ghaffar

مرحبا بك

انا ايضا لم اكن مع التوك توك منذ البداية مبما يسببه من فوضى وارباك للمرور وخطورته كبيرة لان من يقودوه غابا اطفال دون الثامنة عشر ولك ان تتخيل مايسببونه من فوضى في اي مكان وحوادث

لكن في نفس الوقت انا ضد هذا الاسلوب الملتوي في التعامل مع الازمة والتي استفادت منها اطراف كثيرة ودفع الثمن فقراء ستزيدهم الازمة فقرا

كما لو ان الحكومة مصرة على تخريج دفعات من المجرمين والمتطرفين بتصرفاتها العرجاء اللئيمة وبظلمها لهم

goodman said...

فكرتنى بالتوك توك اللى كنت شغال علية

egy anatomist said...

إذا كان على أحدهم اختيار موضوع ما لرسالة دكتوراة في علم الاجتماع مثلا.. أو في العلوم السياسية.. أو الاقتصاد.. أو الإدارة سواء العامة أو الأعمال.. أو علم النفس.. أو أي من العلوم الاجتماعية برمتها.. فلا أوصي إلا بتخصيص تلك الرسالة عن هذا التُكتُك!! ففي تحليل أسباب ظهوره وإدارة عملية تنظيمه ثم التعامل مع سلبياته ارتباط وثيق بكل فروع العلم الاجتماعي حتى ليحتار المرء من أين يؤكل التُكتُك

الاقتصاد خلق الحاجة الى وسيلة مثله

تشابه الهيكل الاجتماعي وظروف الازدحام السكاني المكثف بيننا وبين بعض مناطق الهند غير المتعولمة بسرعة الصاروخ مثل بانجالور ومومباي خلق الحافز لدى تاجر شاطر وذكي ليحدد فرصة ربح ممكن

السياسة جاء دورها
مشاكل فقر تبدو مستعصية على الحل ورغبة في تسكين ثائرة الناس وتمكينهم من التكيف مع ظروفهم المعيشية الصعبة كيلا ينفجرون.. فيقرر عبقري أمني غالبا أن هذا الشئ العبقري سوف يقلل من آثار مشكلة بقاء الناس في الشوارع بالساعات بسبب الزحام فضلا عن ارتفاع أسعار المواصلات

السياسة مرة أخرى.. نظام سياسي غير حديث ويدير موارد دولته البشري منها والمادي بأسوأ الطرق لسنين طويلة مما يؤدي لغياب وسائل الترقي الاجتماعي والمادي المشروعة فلا يجد الطامح للأفضل إلا الفساد أو الرشوة.. ويدخل التُكتُك من ألف منفذ ومنفذ لبلد نحن نعرف أن العفريت الأزرق لا يستطيع دخولها لو من تحت الأرض حتى

الاجتماع وعادات الشعوب وعلم النفس .. يتحول الأستاذ تُكتُك إلى ظاهرة اجتماعية تلفت نظر شعب تفوق في السخرية من أوضاعه لتهون مرارتها في الحلوق.. كما تظهر عادات اجتماعية سريعا مرتبطة به وبركوبه وبقيادته ونتحدث عن ثقافة التُكتُك بعد ثقافة الميكروباص

السياسة والاقتصاد السياسي مرة أخرى.. يختلف المخططون في الأعالي على عوائد العملية تُكتُك وتتصارع المصالح وقوى التأثير العلوية على صانع القرار فتارة يستجيب ويمنعه ولكن صانع قرار آخر يبيحه ويجلبه.. وتبدأ أجهزة الإعلام في ممارسة دورها التاريخي المجيد-بعلم أو بجهل- في إلهاء الناس وتسليتهم والتسرية عنهم

وسط كل هذا .. هناك رابحون وهناك خاسرون .. هناك مشاكل تصرخ لحل وهناك فاسدون يصرخون من نشوة المال فلا يجدون أفضل من مشاكل هؤلاء المطحونين لجلب بعض المال الذي يعين على غلاء الحياة في الساحل الشمالي

لست اشتراكيا في الواقع أو أنادي بعدالة الفقر

ولكني أعلم أن ظاهرة مثل التُكتُك ما كانت لتظهر لا في نظام اشتراكي مقيد ولا رأسمالي حر.. لأنها إبنة عقود من العشوائية.. والجهل.. وسوء الإدارة.. والتعامي عن المشكلات.. والمسكنات الوقتية.. والمحسوبية والقبلية..
وهي أمور- والله لو تعلمون- أخطر ألف مرة من الخيانة والعمالة الصريحة

يا بِلَّا هانم.. العملية تُكتُك نجحت والحمد لله.. تحققت كل الأهداف منها.. هبر الهابرون.. فسد الفاسدون.. جهل الجاهلون.. ذل المذلولون..افتقر المفقورون.. كتب الكاتبون..
وكل تُكتُك وأنتم طيبون

تحية إعجاب مستمرة بك وبكتاباتك

تحياتي واحترامي

Bella said...

goodman

مرحبا بك

طيب ماتحكي لنا مغامراتك مع التوك توك

Bella said...

egy anatomist

مرحبا بك

أنحني احتراماً لهذه الخطة البحثية الممتازة

لقد قمت بتشريح المشكلة من كافة الاوجه وقمت بفحصها بمنظار دقيق جدا

تحياتي لمبضعك الواثق الرشيق

Dwetoo said...

السلام عليكم
بصراحه الموضوع جامد جدا
وفعلا الحكومه بتاعتنا ربنا يحميها ليها قرارات كده زى الفل
انا من انصار التوكتك لانه بصراحه انقذنى كذاااااااا مره من الوقوف فى الشمس ومن مواقف كيتر جدا
الموضوع عجبنى لدرجة انى بستأذنك تكتبيه فى المنتدى www.dwetoo.com
او السماح لى بنقله مع ذكر المصدر و وضع رابط للموضوع الاصلى هنا فى المدونه
تقبلى ارق التحيه

Bella said...

مرحب دويتو

اشكرك على رايك في الموضوع وسعيدة لانه عجبك

اذا أردت نقل الموضوع فلا مانع بشرط ذكر المصدر

وياريت لو نقلته تحط لي لينك الموضوع هنا

تحياتي

Mahmoud Mohammad said...

السلام عليكم
انا نقلت الموضوع مش بس ذكرت اسم المصدر
لكن انا كمان عملتلك دعايا مجانيه للمدونه هنا وحطيت لنك داخل الموضوع للمدونه يلا حاجه لله بقى ههههههههه

احيكى على الموضوع واتمنى تشريفنا ومشاركتنا فى الموضوع والمنتدى
على هذا الرابط
http://www.dwetoo.com/vb/forumdisplay.php?f=407

تحياتى

Bella said...

اهلا محمود

انا اشتركت في المنتدى ورديت عليك كمان

شكرا لذكر المصدر

ومتشكرين ياسيدي على الدعاية المجانية

هههههههههههههههه

فريق الغوص الكويتى said...

التوكتوك دة اختراع اصلى ما ينفعش نعيش من غيرة خلاص دة بقى بيجرى فى دمنا اصل دمنا بقى شوارع من اللى الحكومة عاملاه ةبعدين انتو زعلانين اوى من الحكومة على دى بس خلوها على ربنا .

الخوجة said...

عاش لبتوك توك حرا ده تاكسى الغلابة هى كل حاجه فى ايدينا عاوزين يحجموها جاى




خطورة المدارس الأمريكية في مصر | الخوجة


Torture Investigation a Must - justice -العدل



Torture Investigation a Must - justice -العدل


ادارة بركة السبع التعليمية




Polish Health Ministry on swine flu jabs- فضيحة لقاح انفلونزا الخنازير

Ahmed Ashraf said...

تردد قناة mbc مصر على النايل سات 2013
مشاهدة قناة mbc مصر بث مباشر
وظائف الوزارات المصرية 2013
وظائف الحكومة المصرية 2013
احدث عروض كارفور مصر الهايبر ماركت
اماكن و فروع كارفور مصر
نكت مصرية قليلة الادب 2013
صور , نكت اساحبى 2013
صور نكت على جمال و علاء و حسنى مبارك
مشاهدة قناة النهار بث مباشر
تردد قناة 25 يناير على النايل سات 2013
ترددات قنوات المصارعة على النايل سات 2013
ترددات قنوات النايل سات الجديدة 2013
ترددات قنوات النايل سات الجديدة
الموقع الرسمى لقناة الحياة الحمرا
الموقع الرسمى لقناة النهار
الموقع الرسمى لقناة الفراعين
ترددات قنوات النايل سات الجديدة 2013
مشاهدة جلسات مجلس الشعب اون لاين
مشاهدة جلسات مجلس الشعب بث مباشر
مشاهدة قناة صوت الشعب اون لاين
ترددات قنوات النايل سات الجديدة بعد التعديل
مشاهدة قناة صوت الشعب بث مباشر
الموقع الرسمى لقناه مودرن سبورت
مشاهدة قناة 25 يناير بث مباشر اون لاين
مشاهدة قناة اليوم بث مباشر اون لاين بدون تقطيع - القاهرة اليوم
مشاهدة قناة الجزيرة مصر بث مباشر اون لاين بدون تقطيع
رسائل قصيرة للاصدقاء
كود تحويل رصيد من فودافون الى فودافون
طريقة تحويل الرصيد فودافون
اسعار الموبايلات النوكيا المستعملة فى مصر
اسعار الذهب اليوم فى طنطا
اسعار السيارات المستعملة فى مصر بالصور 2013
اسعار السيارات فى مصر 2013 بالصور
سعر موبايل نوكيا بخطين Nokia e97
صورة اجمل امراة فى مصر 2013 , اجمل امراة فى العالم 2013
صور تامر حسني و بسمة بوسيل زوجته
نكت صعايدة

midi haytham said...

افضل شركة تنظيف خزانات بالرياض
شركة تنظيف بيوت الشعر بالرياض
شركة تنظيف واجهات حجر بالرياض
شركة مكافحة الفئران بالرياض
شركة مكافحة النمل الابيض بالرياض
شركة نقل وتغليف عفش بالرياض
مستودعات لتخزين وحفظ الأثاث بالرياض
مكافحة صراصير المنزل
مكافحة صراصير المطبخ
حل ارتفاع فاتورة المياه
شركات العزل الحراري
شركات عزل مائي
شركة تنظيف الاثاث بالرياض
تنظيف انتريهات
شركات تنظيف الستائر بالرياض
شركة تنظيف كنب بالرياض
مكافحة صراصير الخشب
شركة مكافحة الصراصير بالرياض
نقل اثاث رخيص
شركات مكافحة القوارض
اسعار نقل العفش بالرياض
كشف تسرب المياه الكترونيا
تهريب الحمامات والمطابخ
مكافحة حشرات الفراش
كشف تسربات المياه بدون تكسير

Unknown said...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 花蓮民宿 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 水晶 長灘島 長灘島旅遊 長灘島景點 長灘島機加酒 長灘島必買 SD記憶卡 隨身碟 SD記憶卡 ssd固態硬碟 外接式硬碟 記憶體 婚禮顧問 婚禮顧問