Friday, December 7, 2007

تصريحات مستفزة

بجنية ونص وتعالى بص

إستكمالاً لسيل التصريحات السميجة ( أكثر من سمجة يعني ) التي يمطرنا بها السادة المسؤولين كل يوم دخل السيد وزير التنمية الاقتصادية على الخط وصرح بأن حصول المواطن المصري على جنية ونص في اليوم يكفيه ويخرج به من خط الفقر !!!
ثم تراجع عن هذا التصريح الغتيت ورمى المسؤولية على صندوق النقد الدولي متهماً إياه بأنه هو من أطلق هذا التصريح !!!

وسواء كنت سيادتك من أطلق هذا التصريح السميج او صندوق النقد الدولي فهذا لاينفي عن سيادتك المسؤولية في هذا التهريج الفج.
هل تتصور حضرتك اننا من البلاهة بحيث نصدق أن صندوق النقد الدولي الذي يعرف دبة النملة في كل بلد يقرضها لايعرف قيمة عملتها وقوة هذه العملة الشرائية حتى يتصرف مسؤوليه برعونة ويطلقوا هذا التصريح الابله !!!

فإذا كان الجنية ونص يوميا يخرجنا من مصاف الفقراء فهذا يعني أننا اثرياء ولا نستحق الدعم !!!!
فلماذا تقترضون علينا من صندوق النقد ومن غيره وتكبلونا بالقيود ونحن لانحتاج لهذه القروض ؟؟؟
ولن اتحدث كما تحدث بالبعض وأسأل سيادتك عن كلب سيادتك وكم تصرف عليه في اليوم بإفتراض ان سيادتك عندك كلب يعني !!!!

خلاص ياجماعة أصبحنا ملطشة لكل صاحب لسان في هذا البلد وكل مسؤول يصرح تصريحات لامسؤولة لانفهم دوافعه وراءها

هل يهدف لفرسنا وفقع مرارتنا ؟؟؟
أم يهدف لاختبار صبرنا وقدرتنا على الاحتمال ؟؟؟
أم ماذا ؟؟؟

هذا الموضوع الغرض منه ليس تفوير دمكم لاسمح الله فكفاية عليكم اللى بتقابلوه كل يوم
الهدف من الموضوع جمع أكبر كمية ممكنة من التصريحات السميجة المستفزة وذكر قائلها للذكرى والتاريخ يعني

هلموا إلينا بما تعرفوه من تصريحات ونرجوا كتابة قائلها حتى تتعرف الاجيال القادمة على هذه الاقوال المأثورة وتعرف أصحابها

تحديث

تم تغيير العنوان من بجنية ونص إلى تصريحات مستفزة

19 comments:

mado80 said...

طب والله العظيم اتحرق دمي يا ساتر للدرجاتي وصل الأستخفاف بالمواطن المصري ، وعلي رٍأيك طب مايساونا بكلاب سيادتهم ولا ده كتير علينا ، لكن وسط هذه التصريحات ووسط هذه الأستفذاذات المتواصله من وزراء الحكومه الميمونه اين رئيس الجمهوريه في ذلك ولا هو شال ايده خلاص، اين هو حامي محدودي الدخل والبسطاء كما يحلو للصحف القوميه ان تصفه ولا هو الراجل كبر للدرجه اللي مش عارف فيها يسيطر علي الأمور من حواليه ، يا رب رحمتك بمصر وبالمصريين

الطائر الحزين said...

هما فييييييييييييييين واحنا فييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين

اعذرينى

تحياتى

عصفور المدينة said...

كدة ظهرت هما عايزين يعرفوا المبلغ كام اللي حيدفعوه للمواطن عشان يشيلوا الدعم فدي افتتاح المزاد

بس صحيح هل فيه علاقة بين خط الفقر وخط الاستواء

Bella said...

mado80

مرحبا بك

طيب انت دمك اتحرق من الخبر ده

انا اتحرق دمي منه ومن كذا خبر تاني النهاردة بس قلت حرام الناس غلابة برضه ومش ناقصين كفاية عليهم حرقة دم واحدة تلاقيهم بيشوفوا بلاوي برة النت

المصيبة ان الشعب حاسس انه لوحده

يعني فيه تضارب في التصريحات
لسه من شوية على مصراوي قريت خبر ان مبارك بيقول لامساس بالدعم ولن يرفع الدعم عن رغيف الخبر وعن البنزين

طيب نصدق مين بقى ؟؟

هو الحقيقة عرفنا امر مهم جدا ان الغاء الدعم او الابقاء عليه قرار سيادي لرئيس الجمهورية ولا يحق لغيره اتخاذه

يعني ح نعرف مين ورا القرار لو تم تطبيقه

الايام السوداء قادمة لاتقلقوا

Bella said...

الطائر الحزين

مرحبا بك

عاذراك والله

كويس انها جت معاك لحد كده

خلاص بقى مفروض نشوف لنا مهن تانية بتجيب فلوس اكتر من الجنية ونص دول علشان نعرف نعيش في رغد

يعني لو الواحد لقى شغلانة باتنين ونص تبقى فلة

هههههههههههههههههه

Bella said...

عصفور المدينة

مرحبا بك

يعني افتتاح المزاد جنية ونص

يبقى ح نزود بالشلن والعشرة صاغ بقى ونرجع لعصر السحتوت

يادي المصيبة

الحقيقة ان التشابة بين الخطين واضح جدا

الاتنين فيهم تسوية

خط الفقر الفقير فيه بيستوي على نار الغلاء لغاية مايتشوي او يتفحم ايهما اقرب

يعني الصلة واضحة

كله بدرجة الحرارة

ههههههههه

mesh2dra said...

افتحي الاخبار والاهرام والجمهورية
وانتى حتحسي ان الحياة بمبى وفل وجميلة
ازاااى مش عارفة
يمكن بيتكلموا عن بلد تانى وحصلهم لخبطة ولا حاجة

micheal said...

حاجه تحرق الدم
بقولك يا بيلا...ملاقيش معاكي فكه جنيه و نص؟؟
تحاتي

FOrty said...

على فكره انا كل يوم كان دمى بيتحرق من مثل تلك التصريحات و احساسى ان الساده المصرحين دول بيستخفوا بعقول الناس يعنى ماشى يا سيدى صرح زى ما انت عايز بس اسبكها شويه بالبلدى كده ابذل شويه مجهود فى التصريح بلاش الاستسهال الزياده ده نفسى احس انه بيحترم عقلى شويه و انا حاكلها بمزاجى

Bella said...

mesh2dra

مرحبا بك

انا مقاطعة هذه الجرائد الصفراء منذ فترة طويلة ولهذا لااشعر ان الحياة بمبي بل شايفة لونها الطبيعي
الحياة سودة ومنيلة بنيلة

ولسه الايام الجاية اسود

لو شفتي العاشرة مساء امبارح والحديث عن الهجرة تعرف ان الشعب كله عايز يطفش من البلد يعني نجحوا في تحويلنا لمجتمع كاره للبقاء هنا للأسف

تحياتي

Bella said...

micheal

مرحبا بك

هي حاجة تحرق الدم فعلا بس نعمل ايه بقى طالما مستحملين مطلوب نستحمل حرقة دم اكتر من كده

عايز فكة جنية ونص بحالهم

وماشي كده بالمبلغ ده من غير حراسة !!!
طيب خاف على نفسك بقى

هههههههههههه

Bella said...

OverForty

مرحبا بك

هم مش ح يقدروا يسبكوها لانهم معتبرين ان سقف ذكائهم هو الحد الاقصى للذكاء ولهذا لايتوقعون ان يكون وسط هذا الشعب شخص اذكى منهم وفاقس التصريحات السميجة دي

الواحد خلاص استوى بصراحة من كوننا اصبحنا ملطشة لكل من هب ودب وصرح له بكلميتين

يبدو ان دي طريقة الحكومة الجديدة لقتل المواطنين بعد فشل تجرب الحرق والغرق والحوادث المتنوعة والتسميم بالمبيدات

يبدو ان الخطة الجديدة التسميم بالتصريحات

تحياتي

محمد said...

دي تصريحات طبيعية من شخصيات غير طبيعية

بنت القمر said...

كان في مقال منشور قريب في جريده الفجر لعادل حموده بيسأل د نظيف ازاي بيصرف علي ببيته وراتبه فقط 5000 جنيه ازاي بيصرف علب بدله ولبس زوجته ومصاريف العلاج والسواقين والخدم واطباخين ولما بيروح يصيف بيعمل ايه بياخد سلفه علي الراتب ولا بيعمل جمعيه مع الساده الوزرا
اعتقد في عدد الفجر قبل السابق
قال جنيه ونص قال وجع في معاميعهم
دا ما يجيبش 5 ارغفه فينو
تحياتي بيلا

Bella said...

وضاح

مرحبا بك

لقد وصلنا للمرحلة التي تعتبر فيها هذه التصريحات طبيعية

تحياتي

Bella said...

بنت القمر

مرحبا بك

ده طبعا لو اعتبرنا ان هذا المبلغ هو مايدخل جيب السيد الوزير فقط ولم يكن له اي مشروع شمال او يمين او مكتب استشاري او اي انشطة موازية يكمل بها حياته

تصوري ان يحدث هذا ويطلع علينا هذا التصريح وماسبقه من تصريحات سمجة من وزير التضامن الاجتماعي عندما اعتبر ان 120 جنية تكفي اسرة ليعيشوا ولم يتكرم علينا بتوضيح نوعية العيشة التي يمكن ان تعيشها اسرة بهذا المبلغ

وبعدين الجنية ونص معلش يعني مايجيبوش غير 3 أرغفة فينو

مش خمسة

هههههههههههه

MerMaid said...

دول ناس قلالاة الادب والله

حاجة كدة غريبة و مش عاوزة اشتم

لاني فعلا متضايقة دلوقتي

قال جنيه ونص قال

دول ميكفوش تمن تاكسي ولا موتوسيكل ولا توكتوك

جتهم خيبة وزراء فاشلة

Bella said...

MerMaid

مرحبا بك

انا اصلا مخنوقة وكان نفسي اعرف افش غلي في السيد الوزير اللى قال التصريحات الوقحة دي بس للاسف مش عارفة ازاي

هو اصا الجنية ونص ماينفعش بقشيش لو حتى واقفة في اشارة مرور ومر عليكي واحد مسح لك زجاج العربية

شوفي بقى لو طلعتي الجنية ونص لسواق توك توك تمن توصيلة ممكن يعمل فيكي ايه !!!!

دول يادوب يجيبوا 3 ارغفة من العيش اللى ينفع يتاكل

جتهم القرف

سكاي للتنظيف said...

كشف تسربات المياه بالرياض
شركة غسيل موكيت بالرياض
افضل شركة تخزين اثاث بالرياض
مؤسسة نقل اثاث بالرياض
افضل شركة تنظيف فلل بالرياض
احسن شركة تنظيف بالرياض
افضل شركة تخزين عفش بالرياض
افضل شركة نقل عفش بالرياض
افضل شركة نظافة بالرياض
جلي بلاط
شركة تنظيف مسابح بالرياض
شركة تنظيف قصور بالرياض
شركة تنظيف مساجد بالرياض
افضل شركة تنظيف شقق بالرياض
افضل شركة تنظيف منازل بالرياض
شركة شفط بيارات بالرياض
افضل شركة رش مبيدات بالرياض
شركة ابادة الحشرات
شركة تسليك مجارى بالرياض
شركة عزل خزانات بالرياض
شركة تنظيف مجالس بالرياض
شركة عزل مائي للأسطح بالرياض
شركة لنقل الأثاث من الرياض الى مدن المملكة
ترميم المنازل