Thursday, December 13, 2007

ياخروف قولي رايح على فين !!!


ارتفعت أسعار لحم الضأن بمناسبة عيد الأضحي، ووصل سعر الكيلو المشفي إلي 42 جنيها، ومن المتوقع ارتفاعه إلي 47 جنيها، مقارنة بسعر 40 جنيها في العام الماضي.

أرجع الجزارون زيادة الأسعار إلي ارتفاع سعر الأعلاف ووقف الحكومة لعمليات الاستيراد.

قالت جريدة الوفد إن ظاهرة تواجد الخراف أمام محلات الجزارة اختفت بسبب الغرامات والمحاضر التي تحررها الأحياء ضد التجار، ولجأ الجزارون والتجار إلي فتح باب الحجز أمام المواطنين ودفع تكلفة تغذية الخراف في المراعي، لحين توصيلها للحاجزين في الثانية صباح ليلة العيد استعدادا للذبح.

وأرجع مصدر بهيئة الخدمات البيطرية، الارتفاع الجنوني في أسعار لحم الضأن، إلي فتح باب الاستيراد من دول ترتفع فيها أسعار اللحوم، مما أدي إلي توقف نشاط المستوردين. وأكد امتناع استراليا عن تصدير الأغنام إلي مصر، بسبب رغبتها في قيام الحكومة المصرية بإنشاء مجازر آلية بدلا من المجازر العادية التي تري أنها لا تتناسب مع مفاهيم الرفق بالحيوان. وحذر المصدر من دخول مصر إلي مرحلة خطيرة بسبب نقص اللحوم، نتيجة سوء اختيار البلاد التي يتم الاستيراد منها، وارتفاع أسعار الأعلاف.

تكملة الخبر

****************

إلي أين نحن سائرون ؟؟
وماالذي نفعله في بعضنا البعض ؟؟
وماهذا الجشع الرهيب ؟؟

للقادرين فقط

إحجز خروفك من الآن والاولوية بأسبقية الحجز !!!!

ولا عزاء لباقي الشعب الذي ينتظر عيد الأضحى ليتذوق طعم اللحوم

سعر الخروف اصبح مثل سعر الثلاجة !!!
هل يأتي علينا اليوم الذي يرتفع فيه سعر الخروف ليصل لسعر الغسالة الفول اوتوماتيك ثم يتدرج في السعر ليصل لثمن سيارة مثلاً !!!
ووقتها نشتري الخروف حسب موديل العام وبالكماليات أو بدون !!!
وربما يظهر نوع جديد من الخراف استعمال خفيف متاكل قبل كده مثلاً !!!!


20 comments:

عصفور المدينة said...

أنا عايز خروف نوفروست

Bella said...

عصفور المدينة

مرحبا بك

هههههههههه

ماشي ياسيدي نوفروست نوفروست

بس ماقلتليش عايز لونه ايه علشان مايكونش شكله نشاز مع موبيليا المطبخ

هههههههههههه

عجبتني قوي خروف نوفروست دي

هههههههههههههههه

طيب فيه نوع تاني صديق للبيئة بدون فريون

ينفع

ههههههههههههههه

a Dreamer with feet on the Floor said...

Dear...I wish we r treated in our own lands ..just Like these cheeps..and goats in Australia...

I wonder ..why ..and tell when will People accept that life( if we can call it life)..

Best Regardes and happy Adha 4 U all..

MerMaid said...

والله يا بيلا يا حبيبتي

خبرك محزن
بالرغم ما تغلغله ضحكات مؤسفة عما وصلنا اليه من فقر اقتصادي
و اجتماعي
و سياسي
انا مش عارفة والله اقول ايه ولا ايه

راح خروف العيد و راحت ايامه
حاجة تحزن والله

==================

معلش
شدة و تزول

علي فكرة يا بيلا
انا سعيدة جدا اني اتعرفت بيكي
بجد مش كلام
:)))

الطائر الحزين said...

انا سمعت خبر امتناع استراليا عن تصدير الخراف على هيئة سخرية من المذيعين بتوعنا انهم يريدوا الرفق بالحيوان وطريقة الذبح امنه
وان الحوائط والجدران تكون مبطنه
والارض مفروشة

والاستئذان من الخراف قبل الذبح

اشمعنى ده يعنى اللى مش هيغلى

بجد الامر اصبح فى غاية السوء

ابقى زورينا
كل عام انت بخير

تحياتى

عمر بوك ستورز said...

زورونـا تجدون ما يسركم


قااائمـة كبيرة ومتنوعة وشاملة من الكتب الأدجبية والثقافية والتاريخية بأسعار لا تقبـل المنافسـة

تحت سقف واحـد ...

Anonymous said...

هو طبعا عندنا هذا السعر الطبيعي للخرفان ومن سنين من جديد يعني
بس برضه بلا شك انه في المواسم الأسعار بترتفع جدا
وما بين يوم وليلة تلاقي الأسعار تضاعفت وصارت بشكل يصعب على الناس شراؤه
وكالعادة طبعا الدخل ينقص والأسعار ترتفع

عدى النهار said...

يعنى الحكاية كلها عند "مصدر هيئة الخدمات البيطري" المسؤل متعلقة بالإستيراد

مش أحسن يروحوا يدوروا على شعب تانى يفقروه وكفاية علينا كده منهم

.طلاب عين شمس said...

فقر فقر فقر
بيقابله
غنى غنى غنى
فااااااااحش
الاغنيا بيزدادو غنا ...والفقرا بيزدادو.. فقر
تعرفى المشكله مش فى الخروف اللى بيغلى ..
المشكله فى الخرفان اللى بتحكم الدول العربيه
المشكله فى الخرفان اللى موجوده جوا عقولنا
المشكله فى فينا احنا مش فى الناس اللى زودو سعر الخروف
ولا العيب فى الخروف العيب فى اللى بيسكتو على كل حاجه
شعوب خراف يحكمهم مجموعه من الخراف
ياريت تيجى على الخرفان اللى بتغلى ..بفتح الغين..ل..المشكله فى الخراف اللى بتغلى بكسر الغيين

Amr Ahmed said...

احلي حاجة اني مبحبش لحمة الخروف


ههههههههههههه

بوفر لاهلي

Bella said...

a Dreamer with feet on the Floor

مرحبا بك
وكل عيد وانت طيب

يبدو اننا جميعا نتمنى ان نتعامل معاملة خراف استراليا

ههههههههههههه
ولكن حكومتنا لاتقبل بالتدخلات الاجنبية ولهذا تعاملنا معاملة الخراف المحلية

هههههههههههههههههههه

واتشارك معك في نفس التساؤل واستغراب صمت الناس على كل هذا الجوع والحرمان

تحياتي

Bella said...

MerMaid

مرحبا بك
وكل عيد وانت طيبة

هو فعلا الخروف راحت ايامه خلاص ويبدو اننا بحاجة لفتوى للتضحية بشيئ آخر خلاف الخراف كالبط مثلا او الأوز

وربنا يستر الايام الجاية ح تكون صعبة جدا

*****

وانا ايضا سعيدة للتعرف عليكي
وكل سنة وانت طيبة وكل احبابك بخير وصحة وسعادة

Bella said...

الطائر الحزين

مرحبا بك
وكل عيد وانت طيب

هو ده اللى فالحين فيه
السخرية وخلاص

انا شفت في برنامج العاشرة مساء فيلم عما يحدث في المجازر من معاملة غير آدمية للحيوانات وذبحها أمام بعضها والتعامل معها بوحشية تتنافي مع الشرع

وبصراحة باحترم الاستراليين جدا لانهم امتنعوا عن التصدير لمصر لانها فعلا لاتعامل الحيوانات معاملة حسنة كما أمرنا ديننا الحنيف.

الحكاية مش حكاية نبطن لهم الارض والتهريج الماسبيراوي ده ( نسبة لمقاطيع ماسبيرو) لو اتبعوا ماامر به ديننا الحنيف لكان الذبح شرعيا ولكنهم حتى لايلتمون بالشرع في الذبح ويعذبون الذبيحة

حسبنا الله ونعم الوكيل

Bella said...

عمر بوك ستورز

مرحبا بك
وكل عيد وانت طيب

وشكرا على تعريفنا بالمكتبة
نتمنى ان نجد عندكم تخفيضات حقيقية

Bella said...

بهاء

مرحبا بك
كل عيدوانت طيب

صحيح نحن مشهورين بارتفاع الاسعار بشكل جنوني في المواسم وهذا طبعا راجع لسعار الاستغلال الذي يعاني منه عدد كبير من تجار البلد وفي ظل غياب الرقابة او انعدامها انطلقت الايدي لتفتك بالمواطنين

لكن صراحة السنة دي اكتر بكتير عن السنة اللى فاتت

Bella said...

عدى النهار

مرحبا بك
وكل عيد وانت طيب

شوفت بقى الخيبة القوية اللى العالم غرقانة فيها !!!

لما بنستورد كل حاجة حتى الخرفان والعلف وكله بيفيد الناس المستفيدة طبعا

بذمتك عمرك شفت بلد تُدار بهذه الطريقة العبثية وبتستورد كل حاجة ولو حصل وماقدرتش تستورد ترتفع الاسعار او تتحجج بالاستيراد وترتفع الاسعار برضه وكله على قلب الزبون

بلا نيلة

Bella said...

محمود

مرحبا بك
وكل عيد وانت طيب

انت جبت المفيد
المشكلة في الخرفان كلها اللى بتحكمنا والخرفان المحكومة

نسيت تتكلم عن الحمير والثيران المنتشرة في البلد برضه

الواحد زهق ونفسه يلاقي زريبة كويسة تحسن معاملة سكانها علشان يقدم على طلب هجرة

Bella said...

Amr Ahmed

مرحبا بك
وكل عيد وانت طيب

انا كمان مش اكيلة لحمة قوي
بس فيه فرق بين لما تكون برغبتك ولما يكون المنع اجباري بسبب الغلاء والاستغلال

الشعب فيه عدد كبير ينتظر العيد ليتذوق طعم اللحم

لا حول ولا قوة الا بالله

Maha said...

ههههههههههههههههههههه

:D

سكاي للتنظيف said...

كشف تسربات المياه بالرياض
شركة غسيل موكيت بالرياض
افضل شركة تخزين اثاث بالرياض
مؤسسة نقل اثاث بالرياض
افضل شركة تنظيف فلل بالرياض
احسن شركة تنظيف بالرياض
افضل شركة تخزين عفش بالرياض
افضل شركة نقل عفش بالرياض
افضل شركة نظافة بالرياض
جلي بلاط
شركة تنظيف مسابح بالرياض
شركة تنظيف قصور بالرياض
شركة تنظيف مساجد بالرياض
افضل شركة تنظيف شقق بالرياض
افضل شركة تنظيف منازل بالرياض
شركة شفط بيارات بالرياض
افضل شركة رش مبيدات بالرياض
شركة ابادة الحشرات
شركة تسليك مجارى بالرياض
شركة عزل خزانات بالرياض
شركة تنظيف مجالس بالرياض
شركة عزل مائي للأسطح بالرياض
شركة لنقل الأثاث من الرياض الى مدن المملكة
ترميم المنازل