Tuesday, March 25, 2008

السيادة في العيادة



أعلنت مستشفيات مصر حالة الطوارئ خاصة اقسام العظام بعد ان قام وزير الخارجية المصري احمد ابو الغيط بتكسير اقدام طاقم السفينة الحربية الامريكية الراسية في قناة السويس وذلك رداً على قيامهم بالتعدي على السيادة المصرية وتحويلها زيادة وذلك بقتل شاب مصري واصابة آخرين في الحادث الذي تناولته
وكالات الانباء بالامس.
ولم تعلن حتى الآن اية جهة عن مسؤوليتها عن حالة الخلل النفسي التي اصابت الجنود الامريكان ودعتهم لارتكاب هذا الفعل الشنيع غير مدركين لعواقبه الوخيمة على العلاقات بين البلدين والتي من المنتظر ان تشهد توتراً ملحوظاً قد يدفع مصر لقطع معوناتها لأمريكا خاصة المعونات الغذائية والعسكرية.

وسنوافيكم بتطورات الاوضاع على الصعيدين المحلي والدولي وتداعيات هذا الحادث على كافة المسارات.

20 comments:

جبهة التهييس الشعبية said...

وايه اللي ودا السيادة في العيادة
انقلوها على الانعاش بسرعة
ده إن ...عاش

Bella said...

جبهة التهييس الشعبية

مرحبا بك

والله يانوارة الواحد ماعارف يقول ايه ويلاقيها منين ولا منين

الاخبار اللى زي الزفت نازلة على دماغ الواحد زي المطر لما اقل حاجة الوحد عايش في ارق دائم غير الضغط اللى بعد ماكان منخفض بيرتفع بشكل كبير

ربنا ينكد عليهم ويحرق دمهم

ma 3lina said...

هو واضح إن الأخوة الأمريكان ضربوا النار بمنتهى البراءة .. بس المصريين الإرهابيين في عمل إجرامي مشبوه اعترضوا طريق الرصاص .. فهما اللي غلطانين وعلى رأي أحمد مطر .. يلطمني ويدعي أن فمي قام بلطم كفه
بس الحكومة النظيفة المباركة مش حتعدي الموضوع .. لازم حتاخد حقهم .. اعني حق الأمريكان

... said...

بصفتي سواحلية فأنا أعرف كيف يبدو البمبوطية
وكيف هي أحوالهم و بيوتهم وبساطتهم وخروجهم كل صباح للاسترزاق وقصد وجه كريم بعد ان عزت الوظائف المحترمة وكسدت التجارة الصغيرة وفشل المشروع المتواضع
والآن لم يعد ضرب الجزم يكفي فضربوا بالرصاص
وما أظن ساكنا سيتحرك
حاجة تكسف وتنقط وتحرق الدم

خمسة فضفضة said...

السلام عليكم ورحمة الله وبركاته

مش هاقول اكتر من بثينه

بقت حاجه تكسف و تقرف وتحرق الدم

آفاق الحرية said...

السلام عليكم
لا ... الف سلامة علي السيادة
بس ده كانت عايزة الطواريء ضروري

قليل من التفكير said...

.
زمان الحكومة (أو بمعني أصح النظام ) بيقول : ربنا يرحمه .. عندنا منه كتير

ولا حول ولا قوة الا بالله
.

Sha2loob said...

البوست بالوضع ده يناسب مدونتي أكتر منك. بس مش مشكلة

أصبري شوية بس وكمان يومين هتلاقي بوش جي وهو شايل كفنه وبيعيط

إبـراهيم ... said...

إلى كل المدونين المصريين، ومحبي الأدب،وبهاء طاهر ، ومصر :
أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً

بنت أبيها said...

دايما كده عندكم سوء نية وبتظلمو الناس

دول كانوا بيتمرنوا ولا اكيد كان معاهم بحارة مبتدئين ضرب غلط

ولا يكون بحارة صحي من النوم مفزوع وشاف كابوس كان المصريين فيه بيضربوه ولا حاجة

وعجبى

Anonymous said...

لك يوم يا ظالم
خلي الناس تسترزق و تشوف شغلها
مش كفاية إنهم متغربين بألاف الكيلومترات بعيد عن عن بيوتهم

ههههههه

Bella said...

ma_3alina

مرحبا بك

هو فعلا وشهم اللى لطم السفينة
قصدي اللى لطم الرصاص

هههههههههههههههه

هو الحقيقة لغاية دلوقتي كويس قوي ان عندنا لم يلفقوا تهمة للغلابة دول ويتهموهم بانهم كان معاهم متفجرات واحزمة ناسفة وكانوا ينوون ارتكاب عمل ارهابي ضد السفينة

الحمد لله اللى جت لغاية كده

ياللا يابني منك له حبوا على راس عملكم بوش واعتذروا له

ياللا يابابا

Bella said...

بثينة

مرحبا بك

وانا مثلك اتوقع الا يحدث اي شيئ

حتى السيد ابو الغيط وعلى غير عادته تكلم

وليته ماتكلم

قال ايه سيادته في انتظار انتهاء التحقيقات
ولم يصله تقرير بما حدث

هو لو كان فتح اي قناة فضائية كان عرف من اي نشرة اخبار ماحدث

فكرني بشريط اعدام الاسرى المصريين لما اذاعه التليفزيون الاسرائيلي وهو قال انه منتظر رد رسمي

بلا وكسة

Bella said...

خمسة فضفضة

مرحبا بك

والله الواحد من كتر حرق الدم ماعارف يروح فين

فعلا حاجة تقرف

Bella said...

آفاق الحرية

مرحبا بك

المشكلة ان الطوارئ في طوارئ

هههههههههههههههه

نعمل ايه بقى

علشان كده ح نسفرها لبرة تتعالج على حساب الدولة وربنا يستر

ههههههههههههههه

Bella said...

قليل من التفكير

مرحبا بك

وتلاقيهم زعلانين ان المركب ماكانش عليها كتير

يعني انت عارف لنا سوابق في الاعداد الكبيرة

Bella said...

Sha2loob

مرحبا بك

ياخوفي ان اللى يشيل كفنه ويروح يعيط لبوش حد تاني

مش بعيد يخلوا المصابين يروحوا يعتذروا لاونكل بوش هناك

Bella said...

إبـراهيم ... معـايــا

مرحبا بك

شكرا على الدعوة

Bella said...

بنت أبيها

مرحبا بك

نعمل ايه بس فعلا شعب نيته وحشة وقلبه مش طيب

تلاقيهم كانوا بيتفرجوا على فيلم مزعج وقاموا مخضوضين بعد كابوس سخيف

يعني يموتوا نفسهم يعني

مفروض الناس تعذرهم برضه

ههههههههههههه

Bella said...

سندباد

مرحبا بك

مش عارفة اقول لك ايه بس

فعلا خليهم يسترزقوا

ويتعلموا نيشان

ههههههههههه