Wednesday, March 26, 2008

فرص جديدة للعمل


لا ينكر إلا جاحد أو موتور جهود الحكومة الحثيثة لحل أزمة البطالة والعمل الدؤوب لحل كافة أزماتنا الحالية والمستقبلية.
وفي إطار هذه الجهود الحثيثة أعلن محافظ اسيوط عن مكافأة مالية لمن يرشد عن مطاعم تستخدم الخبز المدعوم !!!!
حيث قرر اللواء نبيل العزبى محافظ أسيوط رصد مكافأة مالية قدرها 250 جنيها لمن يرشد عن أى مطعم يستخدم الخبز البلدى المدعم .. وتغريم صاحب المطعم مبلغ 10 آلاف جنيه.

ومن هنا وجب الثناء على جهود السيد المحافظ لشغل وقت فراغ المواطنين وشغلهم بمتابعة المطاعم للوقوف على مهربي الخبز المدعوم وبيعه لمن لايستحق الدعم !!!!

ونحن إذ نثني على قرار السيد المحافظ نطلب من سيادته توفير فرص عمل للإبلاغ عن مهربي الزيت المدعوم والسكر المدعوم والاسمنت المدعوم والحديد المدعوم وكل سلعة مدعومة في البلد بما فيها الغاز المدعوم والكهرباء المدعومة وكل أنواع المحروقات الاخرى التي يستفيد بها اباطرة الصناعة في مصر.

كما نطالب سيادته بتوقيع الغرامة على الجميع بما فيهم اصحاب المطاعم والمخابز المنتمين للحزب الوطني حيث ثبت انهم يتاجرون في الدقيق المدعوم إما ببيعه دقيقاً لاصحاب المخابز الأخرى او ببيعه مخبوزاً لاصحاب المطاعم الأخرى !!!!

وقد أثبتت هذه الأزمة كما غيرها من الأزمات ان المواطن المصري لديه قدرات جبارة على الابتكار حيث اشار الخبر السابق إلي تهريب الدقيق عبر أنفاق !!!

لقد وصل بنا الامر لتهريب الدقيق عبر أنفاق وكأنه سلاح أو ممنوعات كالمخدرات !!!

وقبل أن ننهي جولتنا نطالب السيد المحافظ بزيادة المكافأة لتكون حافزاً أكبر للمواطن على الإفشاء باسرار أخيه المواطن المستغل ولتسريع تسليمه للعدالة خاصة والغرامة عشرة آلاف جنية بالتمام والكمال !!!!

**********

وفي خبر ذي صلة قررت الرقابة على المصنفات الفنية منع إذاعة أغنية فريد الاطرش "عش انت" بعد اعتبارها اغنية تحريضية حيث ربط المستمعون بينها وبين أزمة العيش الحالية وارتفاع أعداد ضحايا طوابير الخبز.

26 comments:

Sha2loob said...

هيه أول تعليق
علشان بس متقوليش ان الحكومة حرمانا من حاجة

Bella said...

Sha2loob

اهلا وسهلا

ازيك ياشقلوب

مبروك عليك اول تعليق
ليك رغيفين مكافة
شفت بقى ياسيدي اعترافا مني بفضل الحكومة علينا عملت لها تدوينة المدح دي

برضه احنا كمان مش حارمينها من حاجة

هههههههههههههه

آفاق الحرية said...

والله يشكر
كتر خيره
بس بدل ما يدفع لكل مواطن 250 جنيه
طبعا للي يدلي بالمعلومات بس
بدل كده يوفر فعلا من يوزع العيش وياخد 500 بلاش 250
ولا انا بحلم

Bella said...

آفاق الحرية

مرحبا بك

والله ده كان رايي برضه
لاتناسب مطلقا بين الغرامة وبين المكافأة المرصودة للمبلغ

يعني استهبال غير عادي

اهي سبوبة كل واحد يلم فيها قرشين حتى المحافظين بدل مايتعبوا روحهم ويراقبوا المخابز كويس بيسيبوا الحكاية للظروف واهو بالمرة يلموا فلوس

ههههههههههههه

قليل من التفكير said...

.
بصراحة أنا أول مرة أسمع عن الحكاية ديه

بس بصراحة شايفها الي حد ما جيدة ...

لكن مع رأيك ان بالنظام ده أحنا جوايز ومكافأت لمهربي الزيت والسكر وحتكري الحديد والمسيطرين علي الأسمنت الخ .. الخ

لكن يمكن عشان العيش حاجة مستحيل الاستغناء عنها يوميا فتكون الفكرة جيدة
.

دنـيـا محيراني(ايناس لطفي said...

المساله مش مساله جوايز المساله مساله مبداء و ضمير حي و الحمد لله دول ماتوا من زمان
تحياتي

... said...

يخرب عقلك يا بيللا
منعوا أغنية عش أنت
مش بعيد بكرة يمنعوا أغنية سكن الليل باعتبار إنها لها علاقة بأزمة السكن وسعر الحديد

... said...
This comment has been removed by the author.
موناليزا said...

هو احنا افتقرنا خلاص؟!!؟

micheal said...

هع هع هع هع
الله عليكي يا حكومه يا مكيفانا
هي الناس دي عمرها ما بتغلب في حاجه ابدا
ردودهم جاهزه علي طول
تحياتي يا بيلا

watan said...

لأ حكومات بريئة جد

وقال الشعب بيفور ليش

بنت أبيها said...

اصل الحكومة شغالة على نظام

جه يكحلها عماها

ودايما مفيش حد من الحكومة بيكشف الازمات غير لم الناس تموت والصحافة الحرة تتكلم وتبقى الفضيحة في الفضائيات وعلى كل لسان

تبدأ حكومتنا الرشيدة في التعامل مع المشكلة

وكلها يومين وتلاقيهم بيقولوا في التلفاز كل شئ تحت السيطرة

وتعظيم سلام

يا مراكبي said...

البوست اللي فات كان عن قصة نجاح وزارة من الوزارات السيادية

والبوست ده عن قصة نجاح محافظة من المحافظات السيادية برضة

غيري إسم المدونة بقى .. شكلك كده مع الحكومة

Bella said...

قليل من التفكير

مرحبا بك

نقول ايه بس

ماهم مش فالحين غير على مهربي الدقيق

رغم ان الحكاية حلها بسيط وتتكفل به الحكومة لوحدها بس هم مش عايزين يحلوها الا بطريقة ودنك منين ياجحا واهو بالمرة الناس تنشغل اكتر بمطاردة بائعي الدقيق المدعوم ومهربي العيش المدعوم ايضا طمعا في المكافأة

وسايبين البلاوي التانية رغم انها لها سوقها وتجارتها المربحة جدا واللى بندفع فاتورتها احنا من اللحم الحي.

ربنا يهدهم جميعا

Bella said...

دنــــيــــــا مـحـيـرانـي

مرحبا بك

اهو انت جبتي الخلاصة

بس ياخسارة حتى الآن لم يتقبل احد العزاء في الفقيدين

واضح انهم ماصدقوا انهم ماتوا علشان يرتاحوا منهم

تحياتي

Bella said...

بثينة

مرحبا بك

ههههههههه

نعمل ايه بس

انا نزل علي خبر منع الاغنية كالصاعقة
بس حمدت ربنا انهم ناسيين باقي الاغاني اللى فيها عيش وملح

فيه اغنية كده كانت بتيجي في ربات البيوت المغنية بتقول فيها والعيش والملح وعشرتنا

يظهر لسه ماوصلهاش الدور

ههههههههههههههه

بس حلو اغنية السكن دي

فعلا كل اغانينا ازمات ومشاكل

ههههههههههههههه

Bella said...

monaliza

مرحبا بك

افترقنا ايه بس

ماانت شايفة الفلوس الناس مش لاقية مكان تخزنها فيها من كترها
حتى البنوك بتبعت للناس رسائل استعطاف تطلب منهم يقللوا مدخراتهم لان البنوك لم تعد تستوعب المبالغ الخرافية المتوفرة مننا

ههههههههههههههههه

Bella said...

micheal

مرحبا بك

شفت بقى

الشيئ لزوم الشيئ
امال فاكرهم ايه
نايمين على ودانهم
حاشا وكلا

دول ناس بيشتغلوا صح

حتى الازمة ممكن الناس تستفيد منها وتكسب وتكسب

ويابخت من نفع واستنفع

هههههههههههههه

Bella said...

watan

مرحبا بك

بيني وبينك الحكومة طبعا بريئة واحنا شهب مفتري

انما تقول ايه بقى
لازم نتعاطف مع بعض ونصر ان الحكومة هي اللى غلطانة علشان مايفرحوش بنفسهم

ههههههههههههههههه

Bella said...

بنت أبيها

مرحبا بك

هم اصلا عمرهم مابيعترفوا بفشلهم الا لما تحصل فضيحة بجلاجل وتصورها الفضائيات
ومافيش مانع يقاوحوا برضه باعتبار ان الفضائيات دي عميلة وبتحب تشوه سمعة مصر

بس نقول ايه بقى

حسبنا الله ونعم الوكيل

حتى بالحلول العبقرية بتاعتهم من كتر تفاقم الازمة لسه فيه مشاكل برضه

ربنا يستر

تحياتي

Bella said...

يامراكبي

مرحبا بك

يعني عايزنا لما الناس تنجز نكون شعب ناكر للجميل ولانشيد بانجازاتهم التي سطروها بحروف من نور

ههههههههههههه

دول بقين موالسة على قد الحال

بس بذمتك يعني الوضع اللى احنا فيه ده الواحد يسميه ايه

بجد يعني حاجة تفرس

طيب تقترح يعني اسمي المدونة ايه

أفكار الوطني المبعثرة

ههههههههههههههههههههههههههههههههههههههههههههههههههههههههههههههههههههههههههه

mado80 said...

صحيح حكومه قلبها علي شعبها صحيح

اياكش احنا بس اللي شعب ناكر الجميل

بس عاوز اعرف لما كل مواطن يبقي وظيفته أنه يقبض علي اللي بيهربوا الدقيق طيب وسياده المحافظ يبقي وظيفته ايه

تحياتي ليكي والف تقدير لشخصك الكريم

كلبوزة لكن سمباتيك said...

هاهاهاها شربات با بيلا بوست في الجون هو ده النقد اللاذع و الا بلاش
بس انا حبلغ عنك علشان بتستخدمي الكهربا المدعومة في الدخول على النت و بتاخدي ربع جنيه من كل تعليق معلش يا اختي اصل 10 آلاف جنية مبلغ ميتفوتش و العيال عايزين يصيفوا و يتكسوا

و اهي فرصة الاكل في السجن مدعم برضه و تبقي بترتعي في دعم الدولة يا بختشك
هاهاها
تحياتي

محمد said...

وأنا أقرأ تدوينتك تخيلت هذه العبارة التي تحمل أكثر من معنى

عيش حياتك مسروق

Unknown said...

التفكير فى اشراك الناس فى الاتبليغ مش عيب
لكن المشكلة هى البحث الحقيقى عن حل سريع وفعلى لازمة العيش
وازمة العلف
لانى عرفت ان فى ناس كتير من الفلاحين والمزارعين بيخدوا العيش ويعيملوه علف لان العلف اغلى
يبقى على الحكومة التفكير فى حل جذرى



كل الاحترام
مدونة حلوة

black said...

والله فكررةةة حلوووووه
وكمان صرف 2 لتر بنزين مدعوم لكل مواطن
وعليهم علبة كبريت هديه
وبكدا تبقى الحكومة مش حارمة الشعب من حاجة