Tuesday, June 24, 2008

من شاف لقاء عز هانت عليه بلوته


وحشتوني جدا ياجماعة

معذرة لغيابي

غصب عني لاسباب اكتئابية بحتة

أخرجني منها لقاء احمد عز مع منى الشاذلي في برنامج العاشرة مساء والذي جعلني أتأكد ان الدنيا مهما كانت مصاعبها فهي بالتأكيد أهون بكثير من مشاهدة هذا اللقاء الذي تجلى فيه أداء السيد المحتكر الأكبر للحديد أحمد عز والذي أحتكر الحديث اغلب الحلقة وقاطع منى الشاذلي بطريقة تؤهله بلا منازع لتدشين برنامج كبير من برامج التوك شو سيكتسح فيه جميع الضيوف الذين سيتغاضون عن ثقل ظله ويقبلون بالتواجد في برنامجه الذي سيمارس فيه فن المقاطعة واحتكار الحديث بلا نزاع ولن يتمكن اي ضيف من الفوز بجملة واحدة في حضور أحمد عز

عرفت الآن السر الدفين وراء اختيار هذا الشخص ليرتقي سلم المناصب في الحزب الوطني الديمقراطي وليتربع بلا منازع على بسطة السلم ويمنع اي شخص تسول له نفسه بالتواجد على اي درجة من درجات السلم

وأخيراً وليس آخراً أدعوكم لتذكر الحكمة الخالدة بعد مشاهدتكم لهذاه الحلقة التاريخية

من شاف لقاء عز هانت عليه بلوته


أما محتوى الحلقة ومادار فيها من حديث فلاتعليق مني على ماجاء فيها غير أنه محتكرنا ( من الاحتقار يعني ) ومعتبرنا اغبياء لانفهم اسباب الغلاء التي نعانيها.


الميكروفون معكم تفضلوا وشاركونا اتصالاتكم ولن نأخذ اي فواصل كما تفعل منى الشاذلي عادة


هههههههههههههههههههه




48 comments:

zahra said...

مش قادرة اقول غير حسبى الله و نعم الوكيل

Fahd said...

عن نفسي انا ادعو علي هذا الرجل

ربنا يسترها عليه

Alkomi said...

خطة عز المستقبلية

اغراق المواطنين باسياخ الحديد

صباح الخير يا مصر said...

أفكار مبعثرة
************
عز ماهو الا واجهه خلفها كبار استطاعوا ان يساندوه كل هذا الوقت و عندما ظهر احد المزعجين لعز و اقصد هشام طلعت تم السماح له باستيراد الحديد و فعلا استورد الحديد بنصف ثمنه

بالزمه مش دي تبقى عزبه؟؟؟
و....صباح الخير بأه يامصر



تحياتى

جبهة التهييس الشعبية said...

لا لا لا لا لا
ده جاب للبت دوار بحر
ايه ده؟ عشرة بيتكلموا في لسانه؟
وانك تجمعي منه جملة مفيدة
انا كنت عايزة جملة مفيدة واحدة

هشام علاء said...

عزيزتى بيلا

انا شفت الحلقة و سجلتها كمان للتاريخ و احب اوضح بعض النقط و الانطباعات عنها كنت ناوى اكتبها فى بوست بس عادى مدونتى و مدونتك واحد هههههه

اولا
----
الاستاذ احمد عز متحدث لبق و سياسى بارع و هادىء جدا ماتطلعش منه العيبة و مالوش حل فى جذب الانتباه و ممكن يستخدم فى الترويج لاى فكرة و اقناعك بها حتى لو كانت خاطئة و بصرف النظر عن اختلافنا او اتفاقنا معاه فده شىء لازم نعترف به..ده انا شخصيا كنت و انا بتفرج عليه قلت فى لحظة بينى و بين نفسى مايمكن الراجل مظلوم..شفتى بقى تاثيره عامل ازاى؟

ثانيا
------
الاخت منى الشاذلى كان لاحول و لها و لا قوة و للاسف لم تستعد للحلقة او تعد لها جيدا و على الاقل كان لازم يبقى فيه حد تقيل مع احمد عز و ما يكونش سياسى يكون خبير اقتصادى مثلا او شىء من هذا القبيل لكن للاسف منى الشاذلى غرقت فى شبر مية و ضاعت منها السيطرة على الحلقة و كادت الحلقة تتحول لحلقة دعائية عن احمد عز لولا المداخلات التليفونية المحترمة جدا اللى وجهت لاحمد عز اسئلة مش عارف كانت تايهة عن منى الشاذلى ازاى و بصراحة منى الشاذلى وقعت من نظرى كاعلامية بعد الحلقة دى

ثالثا:
احمد عز كرر دائما على ان الانطباع السائد عنه خاطىء و مغلوط بالنسبة لاحتكار الحديد و تأثيره على غلاء اسعار البناء و دعم كلامه باوراق و ارقام عدم وجود مختص للرد عليها و تمحيصها حسسنا كلنا و اولنا منى الشاذلى بالغباء و اننا مش فاهمين حاجة و بنتبلى على الراجل ياعينى

رابعا:
النقطة الوحيدة اللى حطت احمد عز فى كورنر صح و هرب منه طبعا بذكاء و النقطة دى جت من المكالمات التليفونية المحترمة ان مشكلة احمد عز لاهى فى الاحتكار و لا الاسعار و لاحاجة و لكن المشكلة الرئيسية و اللى موجودة عند ناس تانية برضه لكنها متفحلة شوية و متضخمة عند احمد عز هى اقتران المال بالنفوذو السلطة و ازدواج المصلحة بين شخص احمد عز رجل الاعمال و شخص احمد عز السياسى اللى بيلعب دور مهم فى الحزب الحاكم و ده فى رايى هو السبب الحقيقى فى كون قوة و نفوذ احمد عز مستفزة للناس كلها و منهم ناس من الحزب الوطنى نفسه و ده بصرف النظر عن كونه فعلا مسبب لارتفاع اسعار الحديد و محتكره و لا الغلاء ده بسبب موجة الغلاء العالمية اللى هى حقيقة واقعة

الخلاصة
------
اللقاء كان ذو فائدة عظيمة لاحمد عز من جميع النواحى و شكل رد مضاد على الهجوم اللى بيتعرض له و لم نستفد احنا كراى عام من كشف اى حاجة بخصوصه او حتى مواجهته مواجهة منطقية بان وضعه فى البلد مش عادى و كل ده بسبب ضعف الاداء الاعلامى لمنى الشاذلى و تخيلى معايا كده مثلا لو كان احمد عز ضيف على عمرو اديب او جمال عنايت او حتى معتز الدمرداش و ياسلام لوكان الضيف اللى معاه مصطفى بكرى

اعتقد كان الوضع اختلف تماما عن اللى حصل مع الاخت منى الشاذلى

تحياتى
هش

Bella said...

زهرة الياسمين

مرحبا بك

كل شعب مصر بيقول حسبنا الله ونعم الوكيل

تحياتي

Bella said...

fahd

مرحبا بك

كلنا ندعوا عليه وربنا يسترها علينا احنا لان اللى مش ح يموت من الجوع ح يوت من الحسرة والهم

تحياتي

Bella said...

محمد الكومي

مرحبا بك

هي خطة ماضية مش مشتقبلية لان تنفيذها مستكر على قدم وساق منذ فترة طويلة

قارن الارتفاع السريع في اسعار الحديد لتعرف حجم الخابور الذي اعطاه عز للشعب كله

تحياتي

Bella said...

صباح الخير يامصر

مرحبا بك

هو طبعا واجهة

واجهة محصنة ومصفحة ضد اي تاثيرات شعبية وضد اي اعتراضات وليذهب الشعب كله للجحيم المهم قانون الاحتكار يمر كما يريده عز

حتى قانون المرور واي قانون آخر يكفي اشارة من عز ليتحرك او يقف كل شيئ

تحياتي

Bella said...

جبهة التهييس الشعبية

مرحبا يانوارة

شوفي لو كان اللى ماسك الحلقة حد غير منى كان ممكن يعرف يجيب معاه نتيجة

هو الراجل مراوغ بس كان عايز مذيع لبط

ومع احترامي يعني منى بتخاف كتير على مكانها ومابتقدرش كتير تكح مع حد من الحزب الوطني

بس هو متخصص في اللف والدوران علشان كده ماطلعناش منه بجملة مفيدة

بس يمكن المفيدة الوحيدة اللى قالها ميزان حسناتي

ههههههههههههههههههههههههه

ده قتلتني من الضحك صراحة

ههههههههههههههه

Bella said...

hesham

مرحبا بك

حيث انك سجلت الحلقة ياريت ترفعها على اليوتيوب علشان اخواتك الغلابة اللى ماشافوش الحلقة يضحكوا معانا

هههههههههههههه

طبعا ملحوظاتك عن الحلقة قيمة جدا واحييك عليها ولكن مايدهشني ان صورة منى الشاذلي اهتزت في عينيك فقط اليوم!!!!

رغم ان مستواها الضعيف واضح لكل ذي عينين منذ فترة طويلة

ماعلينا

نعود لاحمد عز

الحقيقة كنت استمع للحلقة اغلب الوقت لاني لم اطق الجلوس للتفرج على هذا الشخص واتفق معك في ان له قدرات على الحديث ربما تزيد على كثير من سياسيينا الذين يرتكبون اخطاء في حديثهم ولكن اسلوبه في الحديث لايتمتع بجاذبية

عن نفسي لم اشعر بانه شخص جذاب او له كاريزما او ماشابه

بل على العكس فهو كثير الكلام ولكنه ممل لاقصى درجة واسلوبه في اللف والدوران واللت والعجن افقد الحديث الكثير من الجاذبية التي كان يفترض ان يتحلى بها

ولكني لم اشعر معه باي ذرة تعاطف ولا حتى حدث بيني وبين نفسي ان صدقت حرف من كلامه

كل كلامه ينضح بكذب فج وواضح

اما قدرات منى على التحاور وعدم اعدادها للحلقة فهي امر ليس بجديد عليها وإن كانت قدرات عز على مقاطعتها قد كشفتها اكثر ولكنها دائما ماتكون بدون تحضير في حلقاتها ولولا فريق العمل الذي يلاحقها بالتصحيحات لكانت كل حلقة لها فضيحة بجلاجل

الفائدة الوحيدة التي جناها احمد عز من هذا اللقاء ان صوته وصل لعدد اكبر من الناس واتصور انه استغل شعبية البرنامج ليظهر عليهم يقول مايريد لانه يعلم ان حديثه في اي برنامج آخر او وسيلة اعلام اخرى لن يحظى بمتابعين اصلا

اما تاثير حديثه على الناس فلااعتقد ان هناك من صدقه

بالعكس

كلامه كان ينضح بالكذب في كل حرف نطق به وردود افعال المتصلين واصحاب الرسائل كانت تعكس عدم تصديقه
واعتقد ان الاتصالات كانت محدودة ولم يتركوا الامر لكثير من المشاهدين ليتصلوا بدليل تركهم لاد المتصلين اكثر من نصف ساعة على الهاتف


واعتقد ان الحلقة كانت ستأخذ طابعا مختلفا لو كان أدار الحلقة احد مذيعي قناة الجزيرة او وائل الابراشي

اما مصطفي بكري فكان سيصرخ طول الحلقة ويزيد من معدل استفزاز المشاهدين

وكذلك سي اسم الله عليه اديب نفس الطينة

اما معتز فكويس انه لم يتحاول مع عز

مش ناقصين فقعة مرارة صراحة

تحياتي

سبهللة said...

يكونش طلع قانون من مجلس الشيعب قبل ما يجيى البرنامج يخليه يحتكر الحديث ؟؟
عشان كدة الغلبانة منى ما فتحتش بقها طول القعدة

مواطن مصري said...

المفروض ان احمد منصور هو الي يحاور احمد عز كان يطلع عين الي جابو احمد عز

alexandrany said...

الحمد لله
ما شوفتش الحلقة
ولو كنت شوفتها كنت هاغير القناة واتفرج ع الماتش
بس هو كان في ماتش ساعه اذاعه الحلقة
؟؟
احنا بقينا غربا بره البلد وجوه البلد كمان
الله المستعان
تحياتي

Empress appy said...

طيب انتى فهمتى حاجه انا قمت نمت وصدعت وقمت تانى معرفتش انام على السرير طلعت تانى الريسبشن فتحت التليفزيون لقيته لسه قولت اتفرج لقيت نفسى بنام قمت تانى اعمل ايه بقى تفتكرى ده تاثير ايه ولا التقرير اللى فى الاول والناس اللى بتتكلم عنه بجد استفزونى لدرجه انى عاوزة اروح مدينة السادات علشان اقابل الناس دى
شوفتيه وهو بيقول انه على مدى تلات سنين ملقاش مقاله كويسه غير عمود واحد فى حقه
يالهووووى بجد على الكبسه مش عارفه ايه الناس دى

وجهة نظري said...

حموت وشوف الحلقه دي ..... بدور عليها علي النت من إمبارح مش لاقي غير مقطع 3 دقايق

عموما مهما قال ومهما عمل شعبيته منهاره وريحته مفحفحه.... كفايه إلي عمله في قانون الإحتكار، دا أكبر إثبات علي تغلغل نفوذه لخدمة أصحاب البلد

طبعا العيب مش عليه، إنما العيب علي إلي ساكتله ومشجعه

تحياتي ليكي

مصــــري said...

ياااااااااااااااااااااااه
والله زمااااان يا بيلا

أنا أكره هذه الشخصية.
وأكره كل من يدافع عنه.

عودة حميدة يا بيلا

تحياتي
أسامة

مـحـمـد مـفـيـد said...

والله انا صدعت من رغي الراجل ده ومطلعتش منه بولا حاجه غير اني تأكدت وجهه نظري وهي انه لا شئ

boshra mohamed said...

حمدالله على السلامة يابيلا
برغم انى كنت متوقع ان منى الشاذلى مش حتعرف تسد معاه لكن الحق يتقال انها عافرت احسن من قبل كده بكتير
بس برضه بتخيل اللقاء لو كان مع عمرو اديب مثلا كان مش بعيد عز باشا بعنجهيته وجبروته انسحب على الهوا او قام طوح فى الاستديو الضرب

بيتنا القديم said...

تخيلي اشتري ولاء السادة اعضاء الوطني

فى مرة كان عاوز يمرر مشروع قانون

المهم عزمهم فى الفندق على اكلة

وطرح الموضوع وحمر عينه للي مش موافق

الكل أكل زي الجزم...ووافقوا فى الآخر

بصي

زي ما كان الشاذلي ماسح احذية وعراب

قوانيين لمبارك

لازم يجي واحد جديد يكمل المسيرة بس

مودرن عشان جمال متعلم امريكاني

وعشت يا مصر فى "عز-ة" ونصر..!

tarek momen said...

ثلاث دقائق بالضبط و قلبت علي قناة الأفلام بالذمة منتظرين تفهموا ايه من واحد متعود يرفع ايده والناس تقول موافقة هو يعني محتاج يقعد يشرح و يقنع
ثم هايشرح ايه انه نهب البلد طبعا لأ
والله الفيلم كان اجدع

الطائر الحزين said...

مش عارف كنت فين وكان الحوار شغال
وهى كانت بتسألة
ان الناس بتقول عليك انك مغرور و كمان المفروض انك بتمثل الشعب وانت بتغلى عليهم الحديد

رد بمنتهى البرود وقعد يشكر فى نفسه بطريقة تقرف
تقريبا كنت بشترى جبنة
اخدت الجبنة ومشيت

(فينك تعالى قولى رأيك فى الاسلوب الجديد)

Noha El-arabi said...

حقيقي انا اتخنقت من اللقاء ده جدااااا
هو كثير الحديث و ماشي بمبدأ غلوش غلوش
فقعدت مركزة في البدلة

Unknown said...

عز انتى بتقولى عز يبقى انتى اللى احتكرتى حديدنا .. آه يا حديدنا
ربنا على الظالم وأعوانه وقاتريناته وعرايسه والكل كليلة
تحياتى على البوست الجميل

Anonymous said...

شفت اللقاء
وبعد أول خمس دقايق


حسيت بحالة غممان نفس ورغبة فى القيىء ونفسى هفت على فحل بصل ومشنة لمون أبلع بيها الكلام

ملقيتش

قمت ضربت لى فسيختين


أهون من حالة الاحتقار اللى حسيتها


بس احنا اللى نستاهل منه ومن اهله أكتر من كدة والله

وبنلزمه هو ليـــــــه؟؟

Unknown said...

دخلت هنا زائرا عابرا..لكني أصررت بعد أن رأيت هذا الإبداع أن لا أخرج إلا وقد صرت صديقا لهذه المدونة الرائعة..
تحيتي وأتمنى أن أراك قريبا على مدونتي ولتكن هذه دعوى معطرة لزيارتي وتشريفي في مدونتي ..
مدونتي هنا
http://kanyatklam.blogspot.com/
أنتظر الزيارة والتعليق أو حتى التوقيع بالحضور..

Bella said...

سبهللة عالاخر

مرحبا بك

احتكاره للحديث ليس لبراعة منه ولكن لقصور في أداء منى الشاذلي وكان يمكن جدا أن تحاوره بأسلوب مختلف وتخرج منه ماتريد من معلومات

ولكنها ليست محاورة محترفة

هي فقط شاطرة على طريقة التلميذ الاول والوحيد في الفصل

تحياتي

Bella said...

مواطن مصري

مرحبا بك

متفقة معك في أن احمد منصور كان يمكن ان يدير الحوار باقتدار خاصة وانه يعمل جيداً على اي حلقة يقوم بتقديمها على طريقة باقي محاوري الجزيرة الذين لاتجد اخطاء في محاوراتهم للضيوف ونادرا مايفلت الزمام منهم كما أفلت من منى

تحياتي

Bella said...

alexandrany

مرحبا بك

انا ايضا لم اشاهد الحلقة ولم اصمد اكثر من عشر دقائق امام الشاشاة ولكني استمعت إليها

كنت اريد ان أعرف كيف سيرد وكيف ستحاوره منى الحسيني

لكني لم اكن انتظر منه ان يقنعني بوجهة نظره ولا كنت اخاف على نفسي من التاثر بكلامه

بالعكس

حتى لفه ودورانه لم يفده كثيرا برايي بل زاد من الهوة بينها وبين الجماهير التي تصور انها سيضحك عليها بهذا اللقاء

تحياتي

Bella said...

appy

مرحبا بك

من ناحية الملل هو عنده كمية تكفي لتصدير الملل وتحقيق فائض ربحي كبير كمان

هههههههههههههههههه

واسلوبه منفر في الحديث

قعدت اضحك جدا على حكاية انه مالقاش مقال يشكر فيه على مدى 3 سنين

مش عارفة هو ليه مش قادر يفهم ان تصرفاته هي سبب كره الناس له

ماداهية يكونوا مفهمينه ان الشعب غيران منه

ههههههههههههههههههه

Bella said...

وجهة نظري

مرحبا بك

لاتموت ولا حاجة ياعم ربنا يديك طول العمر

اختنا العزيزة دعاء نزلت اللينكات دي عند اخونا العزيز احمد عبد الفتاح

و مش اللقاء كامل يعني بس مقتطفات منه

علشان بس مانتحرمش من حاجة

هههههههههههههه

اللينكات اهي


http://youtube.com/watch?v=7sAuhjqy3iI

http://youtube.com/watch?v=PL__HEBTfCg

http://youtube.com/watch?v=taitMq5Gqy4

http://youtube.com/watch?v=REGTKe8WNPw

تحياتي

Bella said...

مصــــري..!!

مرحبا بك

الحقيقة عدد من يحبون احمد عز قليل بحيث لن تجد من يجاهر بذلك

ههههههههههه

وكويس انك ماقلتليش عود أحمد

كنت ح اقول لك انت اللى احتكرت الحديد

هههههههههههههههههه

Bella said...

محمد مفيد

مرحبا بك

هو كلنا صدعنا

ولم نخرج منه بمعلومة مفيدة

وهو فعلا لايمتلك مقومات تؤهله لما هو فيه لو خلعنا عنه زواج السلطة

لو مُنعت عنه الامتيازات الممنوحة بحكم منصبه السياسي لن يصل لما هو فيه

تحياتي

Bella said...

بحب السيما

مرحبا بك

الله يسلمك

انا لاانكر ان منى حاولت ولكن محاولات متواضعة تتناسب مع طريقتها المعتادة في الاعتماد بالكامل على طاقم الاعداد والتعرف على الاسئلة وقت الحلقة

وطريقتها وهي بتبص في الاسئلة كل شوية بتعطي انطباع انها تخشى ان تنسى سؤال بسبب عدم اعدادها الجيد مع طاقم المعدين

اما بالنسبة لعمرو اديب فلا يعجبني لان طريقته السوقية المبتذلة لاتصلح لمذيع ولكن تصلح لمنادي في موقف سيارات ميكروباص او بائع كرشة وفشة في المدبح

اما الاعلام والحوار الراقي فعمرو أديب بلا شك ليس من اهله

كان يمكن لحمدي قنديل ان يحاور

او ممكن أحمد منصور

اما عمرو أديب فكانت الحلقة ستتحول لوصلة ردح على يديه

تحياتي

Bella said...

بيتنا القديم

مرحبا بك

انا لااشك مطلقا في ان ولاء الجميع سواء له او لغيره مدفوع الاجر
فمن يشارك في ظلم الملايين وبيع مقدراتهم بالتأكيد مأجور واستلم الاجر مقدما

وطريقته في المقاطعة ذكرتني بكمال الشاذلي ومقاكعته للنواب في المجلس مع الفارق في طريقة اسلوب المقاطعة

ههههههههههههههه

تحياتي

Bella said...

tarek momen

مرحبا بك

هو انت طبعا عندك حق تقلب على قناة تانية
بيني وبينك فكرت اعملها كتير

وبعدين يبدو ان الواحد مازال عنده حب تعذيب الذات

فقمت من قدام التليفزيون وقعدت ع النت لكن سبته يتكلم علشان اسمعه

تعذيب عن بعد

هههههههههههههههههههههههههههههه

Bella said...

الطائر الحزين

مرحبا بك

طيب شوف انت بقى حظك من السما كنت برة البيت بتشتري حاجة ولما خلصت طلبك مشيت

تقول ايه بقى في اللى متسمر في بيتهم مضطر يشرب الجرعة كلها

هههههههههههههههههههههههههههههههههههههههه

من ناحية الغرور فهو مغرور غرور مكعب

مش ممكن

فعلا حاجة تستحق الرثاء

بالنسبة للشكل الجديد سآتي حتما وقد تابعت عدة تدوينات على الريدر ولم اتمكن من التعليق لضيق الوقت

ربنا يسهل

تحياتي

Bella said...

Noha El-arabi

مرحبا بك

هو من ناحية الغلوشة فهو استاذ غلوشة من الدرجة الاولى

وكويس انه كان لابس بدلة حلوة حتى الناس تلاقي حاجة تفش غليها بالفرجة عليها بدل القعدة الخنيقة بتاعته

ههههههههههههههه

تحياتي

Bella said...

ayman badr

مرحبا بك

انا ياخويا لو عندي حديد كنت بيعته بسعر منافش وجبت بوز عز الارض

ههههههههههههههههههه

بس طبعا كنتوا ح تلاقوني خبر صفحة اولى في كل الجرايد ومتكررة في صفحة الوفيات

ههههههههههههههههه

تحياتي

Bella said...

شهروزة

مرحبا بك

طيب انت ولقيتي عندك فسيخ وليمون وبصل وخلافه

تبقى انت بقى السبب في ازمة الليمون اللى كانت اليومين اللى فاتوا بعد اللقاء الخالد ده

الواحد لغاية دلوقتي بيعاني من تعب في القولون من توابع اللقاء ده

فعلا احنا اللى جايبين لروحنا الكافية

ههههههههههههههه

تحياتي

Bella said...

كاتب مصري

مرحبا بك

اشكرك كثيرا على رايك المهذب في مدونتي المتواضعة وأتمنى أن اكون عند حسن الظن

وإن شاء الله ساتابع مدونتك التي ذهبت غليها فوجدتها عبارة عن تحفة أدبية

تحياتي

Che_wildwing said...

قبل ما تشوفوا العاشرة مساءا
ومنى الشاذلي وهي مستضيفة احمد عز
اتفرجوا على الاعلان بتاع سيادته قبل البرنامج وفي الفواصل
ساعتها هتعرفوا ليه منى الشاذلي ما بتعرفش تسأل كويس
طالما تدخلت حسابات المكسب والخسارة في شئ أفسدته
ليتحول كل ذي قيمة إلى قيمة تجارية بحتة
عليه العوض ومنه العوض

آفاق الحرية said...

احمد عز
اسم اليومين دول يذكر علي السنة العامة والخاصة
حضرتك دلوقتي الحديد علشان نشتريه بنقف طابور زي طابور العيش بالظبط
وبحكم وجودي اليومين دول في مواقع وكده
مبيجبش الحديد الا لما ياخد البطاقة الضريبية من المقاول
والله مرة اتصلنا بتاجر وكنا عاوزين للموقع حوالي 10 طن ضروري
قاله تاخد 300 كيلو تمشي بهم نفسك ؟؟
ههههههههههه
قمة المسخرة
لاحول ولا قوة الا بالله

kochia said...

للاسق مشفتش
او لحسن الحظ
هو الضغط عالي من شوية
الامر لله

تحياتي

حداويت said...

حد يتفرج على أحمد عز و هو بيتكلم ؟ طيب ليه ؟ هي ممارسة تعذيب الذات دي مش هتنتهي بقى ؟
ايه اللي يضطرنا نتفرج على أحمد عز أو نقرأ لأنيس منصور .. ليه نعمل في نفسنا كده ..
أما منى الشاذلي .. فهي مذيعة يتضح ترددها و ضعف قدرتها الحوارية و عدم قدرتها على التصرف الارتجالي عند المفاجأة من الضيف .. بكل المقاييس هي مجرد صوت مميز .. ربما شكل يألفه الناس ..
أما مذيعة .. فلا .. و برنامج حواري في قايا مهمة .. يبقى ألف لأ .

اهو ده عيبه said...

هو الراجل ده مش كده بس جبار
ههههههههه
صحيح يوضع سره فى اقصر خلقه
شافط البلد وشافطنا معاها
عايز ايه تانى اكتر من كده
حرام بقى

كلامنجي said...

تحياتي
الدنيا دي فيها كام عزاتشو الزمن بطشو علي شعب غلابه


هي مش مصر مش ليها ذنب والناس الي فمصر هي السبب بس انا حاسس ان فيه حاجه غلط من ناحية مصر زمصر لو امي فاانا يتيم الام وزعلان عليها زعل الطفل الي امه ماتت وملحقش يتهني بحنانها0