Tuesday, February 19, 2008

مصر تستدعي سفير إسرائيل




صرح مصدر مسؤول أن مصر قامت بإستدعاء سفير إسرائيل إحتجاجاً على قذيفة أصابت معبر رفح

وهمس بعض الخبثاء بأن السفير الإسرائيلي طلب إصطحاب طبيب عظام قبل سماع الإحتجاج المصري خوفاً على قدمه من الكسر

الحقيقة أن مرارتي المفقوعة اصلاً لم تعد تحتمل هذه الأخبار وقررت أن أتوكل على الله وأستمع لنصيحة صديقة مخلصة بتركيب مرارة كاوتش تحتمل هذه النوعية من الأخبار وجاري التعاقد على الصفقة التي سيتم تزويدنا بها من الصين كالعادة طبعاً.
ومن يرغب عليه بتسجيل اسمه لعمل حسابه في صفقة المرارات الكاوتش
والبيع بأسبقية الحجز
الكمية محدودة

بعد هذا الفاصل الإعلاني عن المرارات الكاوتش نعود لإستكمال باقي الفرسة ولن أطيل عليكم فالبرد قارص كما تعلمون !!!
بالأمس وعلى نفس موقع مصراوي وربما على موقع آخر لاأتذكره الآن سمعت أن الصاروخ فلسطيني وتوقعت طبعا أن تقوم الدنيا ولا تقعد باعتبار أن الاخوة الفلسطينيون معروف عنهم انتهاكهم الصارخ للسيادة المصرية وقلت في عقل بالي الا يخشى هؤلاء على ارجلهم من الكسر وقطاع غزة عاد للحصار مرة أخرى والمستلزمات الطبية شحيحة وبالتأكيد سيعانوا الأمرين في توفير جبس ولن نستطيع التبرع باي جبس لهم لأن المعبر مغلق كما تعلمون !!!
ولكن الحمد لله الذي كفانا وإياهم شر البحث عن جبس لتجبير الكسور وطلع الصاروخ إسرائيلي

الحمد لله
الحمد لله
الحمد لله

بس الغريبة بقى أن المتباكين على السيادة المصرية والمتزعمين لحملات التطهير الرفحية لم نسمع لهم لاحس ولا خبر ولا حتى استنكار يواكب هذا الحدث الجلل.

يبدو والله أعلم أنهم يوفرون بياناتهم حتى تمر طائرة استطلاع أو اي طائرة أخرى تحمل اعلام سلاح الجو الاسرائيلي

آه يابلد

كان نفسي اعرف السفير الاسرائيلي فكر في ايه لما استدعوه
هههههههههههههه



10 comments:

عصفور المدينة said...

صعب علي السفير وانتي بتصوري أحاسيس الخوف عنده وهو جايله استدعا



بس الغريبة بقى أن المتباكين على السيادة المصرية والمتزعمين لحملات التطهير الرفحية لم نسمع لهم لاحس ولا خبر ولا حتى استنكار يواكب هذا الحدث الجلل

الطائر الحزين said...

بيلا

انا مندهش انك لسه مرارتك مش واخدة على الحاجات دى

المرارة اتفقعت من زمان

وطبعا الفير اللى هيرجع تانى المفروض يكون سفير تانى غير السفير الاولانى

تحياتى

Sha2loob said...

السلام عليكم
ولا تضايقي, ولا تتعصبي, ولا تهدي البيت على اللي فيه ولا حاجة أبداً
كل ما هنالك انك تفتكري ان الحكومة المصرية هي اللي بحصل فيها كل ده, وان مصر والمصريين ملهومش دعوة باللي بتقوله الحكومة لأنها ممكن تعتبريها بتحكم دولة تانية وانتي ضميرك مستريح
والأدله على كده كتيييييييييرة جداً
على فكرة أنا ليا معارف في الصين ممكن يسهلولك موضوع المرارات الكاوتش ده

Bella said...

عصفور المدينة

مرحبا بك

انا فعلا صعب على الراجل خصوصا وتصريحات تكسير الرجلين لم تكن الاولى في حياة وزير خارجيتنا
فطبيعي الراجل يتخاف عليه من الموقف الرهيب ده
يعني تصور بقى لما يخرج محمول على الاعناق لان رجليه اتكسرت

ويطلع بقى الصحفيين الهتيفة وراه يهتفوا بالروح بالدم

الراجل المسكين ممكن يروح فيها

ههههههههههههههههه

اما بقى المتباكين على السيادة والسكر الزيادة والامن القومي وامن القراقيش فدول بقى منهم لله

تحياتي

Bella said...

الطائر الحزين

مرحبا بك

مين قال لك ان مرارتي لسه مااتفعتش

امال انا بافكر في المرارة الكاوتش ليه
وبعجين بافكر برضه توفيرا للنفقات اجيب مرارة كاوتش متعددة الاستخدامات
يعني ممكن تصمد اكتر في خضم هذه الاحداث المتعاقبة

ههههههههههههه

اما السفير التاني بقى فده اكيد ح ييجي وجايب عكازين احتياطي معاه تحسبا لاي تكسير من اي نوع

ههههههههههههههه

Bella said...

Sha2loob

مرحبا بك

فينك ياراجل من زمان

والله يااخي العزيز انا عارفة انهم مش معتبرينا معاهم في اللعبة اصلا وبيلعبوا لوحدهم والناس اصلا رمت طوبتهم وبطلت تفكر انهم معانا في البلد دي اصلا

اما بقى قرايبك اللى ح يعملوا لنا تسهيلات دول لو قدموا سعر كويس ح نخليهم يجيبوا لنا والفرق ح يستفيد منه المستهلك

انا مش باعمل حاجة علشاني

كله علشان خدمة ابناء بلدي

تصفيق حاد

تحياتي

فرنسا هانم said...

مراره كاوتش ومن الصين ؟؟؟؟؟
شوفي لى اتنين
واحده اركبها والتانيه استبن
هو السفير الاسرائيلى خاف ؟؟؟؟؟؟
بدايه حلوه

Bella said...

فرنسا هانم

اهلا وسهلا ايه النور ده

اتنين بس؟؟

عينية الاتنين

وعليهم واحدة هدية من عندي

اكيد ح تحتاجيهم كتير الايام الجاية
انا بقيت اعد اللى استهلكتهم من ساعة ماركبت الكاوتش الصيني دي
هي صحيح شغالة كويس

بس يظهر الضغوط كتيرة

السفير الاسرائيلي اكيد خاف

ههههههههههه

هو كسر الرجلين حاجة سهلة

Ahmed Ashraf said...

Hi ,
Your site is very niceeee , this is my site pls , let me show it :
مصراليوم
مشاركة ارباح ادسنس
منتديات مصراليوم هى منتديات مصرية عامة تهتم بكل ما يهتم به المصريين , لدينا على منتديات مصر اليوم كل جديد و هذه هى اهم مواضيع المنتدى
اقسام منتديات مصر اليوم :
الحوار العام - شعر , قصائد - بحث , مقال - اخبار الفن - اخبار مصر - اخبار التعليم فى مصر - صور - اغانى , كلمات اغانى - افلام , مسلسلات - نكت - فيديوهات
قنوات , ترددات - العاب - كلية الطب - كلية الهندسة - رسائل موبايل - عروض الشبكات - قران كريم - برامج انترنت - اخبار الرياضة المصرية - مباريات بث مباشر - اسعار سيارات - اسعار موبايلات

Unknown said...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 花蓮民宿 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 水晶 長灘島 長灘島旅遊 長灘島景點 長灘島機加酒 長灘島必買 SD記憶卡 隨身碟 SD記憶卡 ssd固態硬碟 外接式硬碟 記憶體 婚禮顧問 婚禮顧問