Tuesday, April 1, 2008

أبشروا ياجماعة



يبدو أن شهر مارس الحزين لم يشا أن يودعنا دون أن يرسم البسمة على شفاهنا العطشى للابتسام !!!
فبعد أن شبعنا كوارث بداية من قتلى طوابير العيش ومرورا بأكل لحم الحمير والكلاب وانتهاء بحوادث طرق تضيف لعداد القتلى رقماً جديداً يشهد على ماوصل غليه حالنا التعس.
غادرنا أخيراً شهر مارس وترك لنا هذا الخبر السعيد

الفقي : البدء في تصنيع قمر صناعي جديد تفوق طاقته القمرين الحاليين

أبشروا ياأهل المحروسة فقد تم حل جميع مشاكلكم بداية من مشاكل الماء والكهرباء والغلاء والغذاء والكساء والعلاج والتعليم وخلافه
ولم يتبق أمامكم الا تكريس جهودكم للإنتهاء من هذا العمل الجبار حتى نستكمل مسيرتنا الريادية العظيمة التي بدأناها ولن نتوقف عن استكمالها مهما حدث .

يتواكب هذا الإعلان مع إعلان لايقل أهمية عنه ويمثل إحتياج شريحة كبيرة من مواطني هذا البلد الكريم الا وهو أعلان المخرجة الفلتة إيناس الدغيدي عن التحضير وحشد الجهود تمهيداً لبدء تشغيل قناة "الجريئة" الفضائية في الصيف القادم

*********

اقفو في الطابور كويس منك لها له والا مش ح تاخدوا ابو جنية عيش اللى واقفين له من بعد صلاة الفجر

عالم ماتجيش غير بالعين الحمرا صحيح

********

بمناسبة الأول من ابريل

جمال مبارك: لن نتردد في الاستجابة لاية مطالب شعبية

والله الموفق


10 comments:

محمد said...

الجسد المصري أصبح يعيش على المسكنات .. والإعلام بما فيه من أفلام وأغاني .. أكبر مسكن

Anonymous said...

يبدو أن جمال مبارك يريد أن يأخذ زمام المبادره في كل شيء يحدث في مصر

حتى كدبة ابريل حب يكون هو اول الكذابين

لكنه كذاب أشر




محبتي ،،،

عصفور المدينة said...

على فكرة أرى بعيني سيدات في الطابور من بعد منتصف الليل بقليل ويبدأن أكثر من بعد الثانية ليلا

Sha2loob said...

هيه هيبقى عندنا قمر تالت
وقنوات فضائية جديدة كمان ايشي خيال يا ناس
وبعدين نرجع نقول موارد البلد مش مكفية سكانها
حد يعرف الموارد دي بتروح فين؟

على فكرة, أنا واقف هنا بقالي يومين ولسه ما أخدتش العيش بتاعي, ماليش دعوة أنا عايز أروح لأمي بالعيش عاااااااااااااااا

Layla said...

اللي معاه قرش محيره..يشتري قمر صناعي ويطيره

وهي مش قناة الجريئة دي المفروض يتطبق عليها ميثاق الاعلام العربي اللي كانوا طايرين به السما ولا انا اللي بهيس مع نفسي!؟

آفاق الحرية said...

يعني مش كفاية افلامها
لا هتعمل قناة كمان
لا حول ولا قوة الا بالله

adhm said...

من اجل تحقيق مبداء قناة لكل مواطن(احد اهداف الثورة)
واسترشادا بتوجيهات السيد الرئيس المسئول _ دة غير الرئيس المسطول_قامت كتائب الشهيد حلمى البلك بالتعاون مع مجموعة احمد سمير الاستخبارية بوضع توجيهات السيد الرئيس موضع التنفيذ بتصنيع اضخم قمر صناعى من نوع قمر اربعتاشر ونص
انة قمر بيخر بنات ونسوان وكل ما تشتهية الانفس وتطيب معة الانفاس
--------
اللهم افضحنا ولا تسترنا

بنت أبيها said...

امال ايه

عشان تعرفوا اد ايه حكومتكم مدلعاكم وانتوا بتتبطروا بالنعمة

Unknown said...

فعلا حللنا كل مشاكلنا ما بقى الا التسلية والمتعه الفنية
والاعلام الهادف والهادف جدا للجرئية ايناس الدغيدى


ياعالم ارحموا الشعب المطحون
لا حول ولا قوة الا بالله


تحياتى

قليل من التفكير said...

قناة الجريئة ... ودي هتعرض فيها ايه

أكيد محتوي اباحي من اللي اللي بتسميه هيا جرأة

وفعلا زي ما بيقول مارفل راح فين ميثاق كتم الافواه العربي
.