Wednesday, August 1, 2007

ياخارجة من باب الحمام - أنتِ سبب الأزمة


كلنا نعرف بالتأكيد الأغنية العبقرية ياخارجة من باب الحمام وكل خد عليه خوخة ... مشيتي حافية وخدتي زكام ورابطة راسك م الدوخة
هذه الأغنية التربوية العبقرية التي كانت تحث الناس على النظافة والاستحمام وتؤكد على أضرار المشي حافياً مما يتسبب في الزكام والدوخة
الآن نحن لسنا بصدد تحليل هذه الاغنية التراثية العبقرية الحماسية التربوية النظيفة
ولكننا بصدد توعية الناس من مخاطر هذه الأغنية الملغومة التي دار الزمن واصبحت تهدد الأمن القومي المصري وتساهم في إهدار مخزون مصر الاستراتيجي من المياه.
وقد كان لهذه الأغنية على مر العصور أبلغ الأثر في إهدار المياه بسبب كثرة الاستحمام واصبحت مسؤولة عن أزمتنا جميعاً
هذه الأغنية ياسادة ياكرام هي المسؤولة عن أزمة المياة وإنتشار العطش في ربوع المحروسة
هذه الأغنية ياسادة هي المحرك الأساسي لثورة الجراكن
وهي المحرض على الإضرابات والإعتصامات وخلافه

فبعد التصريح العبقري لمحافظ الدقهلية صار لزاماً علينا محاربة هذه الأغنية بشتى الطرق للمحافظة على مواردنا من المياه

تابعوا هذا الخبر الوطني الحماسي الذي يدل على وعي بالخطر المحدق بنا وبعد متابعتكم له أهتفوا من قلوبكم وبإخلاص ونظموا مسيرات إحتجاج وارفعوا لافتات تطالب بمنع إذاعة هذه الأغنية حتى لايستحم المواطنين لأن كثرة الإستحمام هي سبب كل كوارثنا القومية وخسارتنا الفادحة في المياة.

تصريح غريب لمحافظ الدقهلية: أزمة المياه بسبب كثرة الاستحمام!!

هل علمتم ياسادة أنكم سبب مصائبنا وحرماننا من المياة
لو كنتم منعتم هذه الأغنية لما صلنا لهذا الوضع المزري ولما كلفناكم عناء تدبير جركن مياه لكل مواطن
نعدكم صادقين بأننا سنقاطع هذه الأغنية حتى يستقر الحال وتعود المياه لمجاريها سالمة


36 comments:

عصفور المدينة said...

لا حول ولا قوة إلا بالله
تعلمت وعلى مدار الزمن أن الإدارة هي علم وتعلمت أيضا أن مناصب السلطة التفيذية هي أعلى درجات الإدارة

من مسئوليات الإدارة تحليل أسباب المشاكل وبقدر بسيط جدا من الاستقراء سيكتشف أي مخلوق أن السبب هو الراجل بتاع التين الشوكي اللي كل يوم يملا الصفيحة

لكني تعلمت أيضا أنه عندما يكون السبب واضحا هكذا ويخرج تصريح بسبب آخر فإن المصرح هو مختلق الأزمة أساسا
يتزامن مع سوء ظني هذا خبر قرأته هذا الأسبوع عن خصخصة قطاع الري

وبحثت عشان أجيبه لك ما لقيتوش لقيت ده
http://www.dw-world.de/dw/article/0,2144,1941515,00.html
وتاريخه قديم 2006
قدم التاريخ يدل على سوء نية مبيت

ناهيك بقة عن معلوماتي الخاصة

لكن
لا ننكر جميعا أننا نسيء إدارة الموارد المائية وعندي تجميعة فيدويهات من تصويري لناس تسيء استخدام المياه أقربها واحد أمس الساعة 7 صباحا وافق في الدور السادس بيرش مية بخرطوم في شارع يطل على ميدان
ناهيك بقة عن الست بتاعة الخوخ دي
:)
حاحاول أرفع الفيديوهات دي وهي مناظر معتادة بس مؤذية جدا

أضيفي لذلك العدوان على المياه الجوفية من محطات غسيل السيارات
والله أنا يوم أزمة المياه عملت خناقة مع أولادي ومنعتهم من الاستحمام عشان يحسوا بأزمة وقلت لهم فيه ناس مش لاقية تشرب وانتم بتملوا البانيو
الله المستعان
مع العلم إن مية البانيو دي حترجع لنا نشربها تاني اوعي تقرفي
بس دي حقيقة ممكن نطالب إن كل مواطن يشرب مية البانيو بتاعته لوحده مش مية حد تاني
معلهش فضفضت شوية اصلي مهتم بالموضوع من زمان

fad-fadat nour said...

طيب يمكن هي لو ما خرجتش من الحمام و قضت فيه اجازة الصيف الازمة تتحل
!!!!
يا جماعة الموضوع كله هزار مش ممكن يكون بجد .. لأنه لو كان بجد كان الراجل السكرة ده قال عن سوء استخدام المياه ف اشكال تانية كتيـــــــــــــــــــــر غير الاستحمام

Bella said...

عصفور المدينة

مرحبا بك

الحقيقة اننا نتميز عن سائر بلاد الدنيا بسوء اختيار القيادات الإدارية وخاصة في المواقع الخدمية

ومن علامات سوء الادارة عدم اجادة الاستقراء للوصول لبتاع التين الشوكي وصفيحته المتهمة

الحقيقة انك ألقيت الضوء اخي العزيز على نقطة هامة جدا
فمسؤولينا لايجيدون لااستقراء ولا يجيدون إدارة ولايجيدون اي شيئ في الدنيا سوى استحمارنا

لامؤاخذة

لااجد صراحة تعبير يلائم توصيف هذا التصريح سوى الاستحمار

قرأت الموضوع الموجود باللينك الذي اوردته واشكرك عليه كثيرا فهو يلقى بالمزيد من الضوء على ماينتظرنا من مصير

فالسيد مسؤول الموارد المالية يتحدث عن تنظيم الاسرة ويشدد على ان زيادة النسل هي السبب في سوء استخدام موارد البلاد المائية

والحقيقة ان زيادة عدد السكان تؤدي لزيادة الاستهلاك نعم

ولكن يمكن ايضا لعدد اقل من السكان اذا اساءوا استخدام المياة ان يتسببوا في أزمة طاحنة

يعني الحكاية مش متعلقة في رقبة قطة السكان يعني

فيه بلاوي كتير بتحصل في البلد منها سوء الادارة وعدم التوعية

واتفق معك الحقيقة في اشتراكنا جميعا في هذه الازمة بسوء استخدامنا للمياة وطريقتنا الغريبة في تبديد المياة بشكل يدعو للأسى.

واذكر في بداية الصيف انني دخلت في نقاش حامي مع احد جيراننا في الشارع وهو يرش الارض بخرطوم مياه واستاء جدا مني لتنبيهه ان هذه المياة لن نجدها لنشربها.
واتهمني بالتشاؤم والتفويل على بلد النيل وعندما قلت له ان مصر بالفعل تعاني ازمة مياة واذا كانت المياة موجودة الآن فالاجيال القادمة لن تجد ماتشربه.
فماكان منه ان قال لي طالما احنا لاقيين مية نشربها مش مهم الاجيال القادمة

فمشيت من امامة قبل ان نطلع في جرائد اليوم التالي في صفحة الحوادث ويتكرر هو في صفحة الوفيات

اما شرب مياة البانيو فهذه معلومة ليست جديدة على
اعرف اننا لن نشرب مية البانيو فقط ولكن ماهو اكبر من ذلك

المهم نلاقي هذه المية

المشكلة كبيرة الحقيقة ومداراتها لن تحل الامر ولكنها ستفاقم المشكلة

Bella said...

fad-fadat nour

مرحبا بك

يعني يانور مجرد دخولها وخروجها من الحمام سبب هذه الازمة الطاحنة
فتصوري بقى لو قضت الصيف كله في الحمام ستحدث ازمة في الكهرباء ايضا والغاز الطبيعي ولن نجد مانصدره لاسرائيل وستحدث وقتها ازمة دولية كبيرة
ومش بعيد يتم تطبيق عقوبات على مصر وتوقيع جزاءات عليها لاخلالها بشورط عقودها مع الدول الصديقة

انا وحياتك كنت فاكرة الخبر تجنى او افترا من الصحفي مندوب القلة المندسة الذي يهدف لتكدير صفو الراي العام
ولكن عندما وجدت نفس التصريح على موقع مصراوي وليس على موقع الوفد وحده

قلت طيب الحمد لله الصحفي برئ وطلع مش من القلة المندسة

الغريب بقى هو التصريح وطريقته

يعني تصوري ان يكون هذا اسلوب تعامل محافظ مع مواطنين لهم عليه حقوق ووظيفته العمل على خدمتهم.

وبدلا من الحديث عن حقوق الانسان سيصبح الحديث عن حموم الانسان

وسعي بقى لما نرش شوية مية قدام الباب

Sha2loob said...

عمرك أطول من عمري
أنا قريت الخبر على مصراوي وكنت بفكر في تدوينة تبقى على مستوى الحدث
احنا المفروض ندي للراجل ده جايزة كبيييييييييييرة عبارة عن جركنين مية مجاري من اللي نازلة من الحنفية علشان يقول حقي برقبتي

ويا خارجة من الباب الحمام بعد ماعرفتيش تستحمي حمي حمي حمي
مش لاقيه ميه وجالك جرب وبرضه لسه بتستني تني تني تني تني
روحي بسرعة اشتري جركن بتلاته جنيه أحسن من انك تستني مية الحكومة

لكل داء دواء يستطب به
الا الحكومة أعيت من يداويها

مجهول said...

لا حول ولا قوة الا بالله
بالفعل ما يحدث تجاوز حد المهزلة بكثير واصبح لا يمكن السكوت عليه

ربما يكن هناك اسراف شديد من جانبنا في استخدام المياه
كمن يحب غسل الشارع امام عمارته ليلا ونهارا لغايه ما يلمع
لكن لا يصل العقاب او الاهمال أو اي كان الي شربة الماء

لا حول ولا قوة الا بالله
وضع مؤلم ومحزن
واحساس مخزي

Bella said...

Sha2loob

مرحبا بك

لا لا مالكش حق

انت كمان بتروج لاشاعات لتكدير الصرف العام

يوووووووه
قصدي لتكدير الراي العام

بتدعي يامفتري ان المية اللى نازلة من الحنفيات مية مجاري

طيب عيني في عينك كده
بذمتك ياشيخ
انا راضية ذمتك الاستك
الحنفية عندكم بتنزل مية اصلا

اصل احنا عندنا الحنفيات تعاني من هجر وجفاء المياه لها

وانت جاي تقول مية مجاري

ههههههههههههه

ثم كمان بتروج لمزيد من الاشاعات
وبتقول ان الجركن بتلاتة جنية مع انه وصل خمسة جنية

ياساتر عليكو
عالم بتاعة اشاعات صحيح

عدى النهار said...

مسؤلين لايصين مش عارفين يعملوا إيه أو يقولوا إيه

Masria said...

بصراحة .. دي حاجة مستفزة اوي .. يعني الناس مش لاقية تشرب .. يتقالهم أنتوا السبب .. بتستحموا كتير
!!!!!
أنا مش هاقول حاجة .. عشان مش لاقية حاجة كويسة اقولها

citizenragb said...

بصراحه عنده حق

احنا بنستحمي كتير

حــلم said...

أى
جيتى على الوجيعة الحقيقة
انا الحمد لله مش فى حى عشوائى ولا محافظة نائية
انا فى حى محترم جدا
وبدأت المأساة من شهرين تقريباً عندما اصبحت المياه تنقطع باستمرار من اتناشر مساءاً الى السابعة صباحاً
اتأقلمت
وبدأت استخدم الكولمان وكراتين المياه المعدنية ومنتظمة جداً فى غسل الاطباق والملابس فى مواعيدها
حتى لا تحدث ازمات
:)
بس بصراحة لما المياه بتيجى
بافترى
باهدرها عمداً لأن دى بلد بنت ـــ
ممشيانى على مزاج مسئوليها
إلهى يجيلهم جرب يا رب
:)
من كام يوم قابلت واحدة زميلتى فى الأوبرا ..وقفت تسلم على
وبعد ما مشيت قلت لجوزى.. فلانة دى ساكنة جنبنا على فكرة
قاللى
ريحتها باينة
:)

الطائر الحزين said...

السلام عليكم
سمعت بأذنى وشفت بعينى وزير الرى والموارد المائية فى حوار بيجاوب على سؤال بيقوله الباشا هو ليه مفيش مواسير لرى الزرع والشجر وتكون معكرة وفيها اللى فيها ومواسير تانية هى اللى ننفق عليها للتعقييم و فصل الشوائب والفوسفات والذى منه رد الوزير انا مليش دعوة بالمواسير انا ليه دعوة بالماية بس
كنت عاوز اقوم اخنقة

طبعا الحموم هو السبب علشان الماء والمجارى والذى منه ما م بياخدم فلوس على كل ده والله احنا بنشرب ماية من برة

تحياتى

Bella said...

مجهول

مرحبا بك

والله يااخي العزيز الامر تجاوز المهزلة ليصل لحد المسخرة
ان يكون الاستحمام هو الشماعة التي تعلق عليها اطراف مسؤولة مشكلة نقص المياة فهي مصيبة كبيرة.
لو كان قال اسرافكم في استخدام المياة في اي نشاط منزلي ىخر لكان الكلام مبلوعاً

لكن صراحة الراجل خلاها خل خالص بهذا التصريح العفن

محتاج يطهر كلامه قبل مايفتح فمه ويتكلم

مش كفاية الناس مستحملة الفواتير الهلامية اللى نازلة فوي دماغنا زي المطر

ولا بلاش المطر دي احسن يتهمونا بإهدار الماء بالمطر النازل علينا من الفواتير

او يقولوا كفاية عليكم ماء مطر الفواتير استحموا به وانسوا خالص ماء الدش

Bella said...

عدى النهار

مرحبا بك

هم يمكن مش عارفين يعملوا ايه ولا ايه لحل مشاكلنا

لكن عارفين يعملوا ايه كويس جدا في نقطنا وفرسنا حتى ينقصف عمرنا بدري

ربنا ينتقم منهم جميعا

Bella said...

Masria

مرحبا بك

الحكاية دي فكرتني بالست هانم ماري انطوانيت لما الشعب كان جعان ومش لاقي عيش قالت ياكلوا بسكويت

ده نفس منطق الحكومة في التعامل مع المشكلة

ناس مش لاقية تشرب اصلا يقول لهم مشكلة نقص المياة بسبب كتر الاستحمام

ده استحمار والله

Bella said...

citizenragb

مرحبا بك

نعمل ايه يااخي

لو كان عندنا تكييف في مكاتبنا زي جنابه
ولا لو بنركب عربية فخمة مكيفة زي جنابه برضه
ماكاناش نحتاج نستحمي كتير

بس تقول ايه بقى

الغيطان مش مكيفة
والشوارع في الارياف مش مسفلتة
والمواصلات لو فيه يعني زحمة وخنقة

والتراب والغبار في كل مكان

الزبالة حولنا في كل مكان حتى في ارقى احياء القاهرة

وبعد كل ده جاي يتكلم عن الحموم سبب ازمة المية

طيب

يحموه في كنكة بقى على سبيل التوفير

Bella said...

حــلم

مرحبا بك

شوفتي بقى ياعزيزتي معاناتك مع المية وانت لافي حي شعبي ولا عشوائي

والسيد رئيس مرفق المياة او الاسم الحديث بتاعها رئيس الشركة القابضة بيقول ان مصر متغطية بأكبر شبكة مياة
ومش بس كده

ده كمان بينكر انكار تام ان المية بتنقطع او لاقدر الله بتغيب علينا شوية

وانت جاية تكذبيه عيني عينك وتقولي ان المية بتقطع عندك من الساعة اتناشر لسبعة صباحاً

طيب على الاقل عندها ذوق بتخار الوقت اللى الناس بتحب ترتاح فيه وتغيب هي تقضي مشاوير في حتة تانية

تعالي بقى شوفي عندنا احنا المية اصلا بتيجي الساعة واحدة صباحا واحيانا بعد كده وتنقطع سبعة الصبح

يعني علشان تغسلي او تعملي اي نشاط حيوي لازم اما تعملي كل ده في وقت وجود الست المية

او تعملي مخزون استراتيجي بقى من الجراكن والادوات الكبيرة والحلل والذي منه وتلاقي نفسك بتعدي حواجز وسط كل الهيصة دي علشان تعملي اي حاجة او تغسلي طبق

فعلا حاجة ريحتها صعبة قوي


بس حلو قوي ان الواحد يعرف جيرانه من ريحتهم

فعلا الازمات بتنمي في الانسان قدرات غير عادية

هههههههههه

اهي مشكلة زي نقص المياة رفعتحاسة الشم عند الجماهير العريضة

اتفرجي بقى بعد الازمة ماتروح ان شاء الله وتلاقي الضرايب نازلة فوق دماغنا ترخ علشان حاسة الشم القوية دي لها بدل استخدام ولازم ندفع عليه رسوم

ههههههههههههه

Bella said...

الطائر الحزين

مرحبا بك

شفت بقى

اهو طلع مش مسؤول عن المواسير المصدية

واحنا ياشعب ظالم ومفتري عايزين نحمله مسؤولية الكلى واللى بيحصل لها
والتسمم من المية المخلوطة بالمجاري

وكمان لينا نفس نتكلم ونحمله مسؤولية صحتنا المتدهورة

شعب ياكل وينكر صحيح
مش نحمد ربنا اننا عندنا نيل بيجري من المنبع للمصب واحنا بنشوفه في الكروت السياحية او في التليفزيون

غيرنا مش بيشوفه اصلا

قال وزير موارد قال

ودي بتورد على فين يعني

واحـــد مـــــن الـنـــاس said...

مع احترامي الكامل للمحافظ بتاعنا

بس مفروض يخليه في يفط نعم لمبارك ونفاق مبارك وخلاص
وميتكلمش عن ازمة مياه ولا اي حاجة

الباشا قاعد في فيلته في التكييف على حساب الدولة وفي المكتب التكييف على حساب الدولة وفي العربية التكييف على حساب الدولة
والناس ميتة من الحر
ومستكتر عليهم انهم يستحمو في الحر ده
لا يفضلو جربانين فطسانين معفنين منتين سعادتك

روح يا شيخ
وتعالى بسرعة

EGYPT EYES said...

في موجة الحر دي انا مستعد أستغنى عن مية الشرب لكن الأستحمام نوووووو سوري
يعني مش كفايه الشعب المصري جعان كمان الباشا الوزير هيحرمنا من الأستحمام
أنا ساعات افوت كاريكاتير زمبؤه في جريدة الدستور بس مستحيل افوت تصريحات وزراء نظيف الكوميديا D:
تحياتي ليكي

دنــــيــــــا مـحـيـرنـي said...

انا عايز اسال المحافظ المحترم حضرتك لا مؤاخذه بتستحمي كام مره في اليوم ؟؟؟؟
و لا حلال ليك و حرام علي الغلابه و لا انت من طينه و الناس التانيه من طينه تانيه وولاد البطه السوداء حاجه تفرس و ترفع الدم
حسبي الله و نعم الوكيل
تخياتي

altwati said...

ردودك فيها الكثير من الأدب ، وخفة الدم
وأعتقد العبقرية أيضا
لأنا كل مشاكلنا تكمن في عدم تقديرنا لبعضنا البعض
هذا لأنني لا علاقة لي بالنيل والحنفيات الدش
" يجب ألا يخطر على بالك أنني أستحم بمياه معدنية"
لكنني استمتعت جدا ، باستفاضتك في الردود بكل هذا الود والقرابة بينك وبين المعلقين
صباح الخير سيدتي

المهــ إلي الله ــاجر said...

عذر أقبح من ذنب


وماذا عليه لو سكت ؟

david santos said...

Hello, Bella!
Your work is very nice.
Thank you

shreef said...

و النبي ده كلام استحمام ايه اللي هيسبب المشكلة هوا اكيد طبعا هيسسب زيادة استهلاك الميه مس مش لدرجة ان يخليها تتقطع خالص هو فكرينا عبط و لا متخلفين بيشتغلونا بأي كلام و خلاص سيبك انت مفيش فايدة..سلام

Bella said...

واحـــد مـــــن الـنـــاس

مرحب بك انت وتعالى بسرعة

اديك ابتديت الموضوع بمشكلة اهو

اولا المحافظ مش بتاعنا
المحافظ بتاعهم هم

ثم معلش بقى تعالى هنا
ده مش محافظ اليفط والتعاليق

اللافتات الخاصة بنعم ولا
والتعاليق شرحه لها ناسها يااستاذ

عايشين في البلد بقالكم قد ايه ومش قادرين تحفظوا ان التخصص مفيد فائدة الخيار للجبنة القريش بالضبط
ازاي تخلط بين عمل امحافظ الهمام وبين مسؤول اللافتات الاكثر هُمامية ( هُمام بشرطة يعن).

المحافظ ياسيدي مهمته الاساسية منع المواطنين من الحموم

عرفت بقى دوره في حياتنا مهم ومؤثر ازاي

انما بقى تقولي تكييف وتوشيبا العربي والكلام ده اقول لك ده كلام المواطنين الحاقدين أمثالي وأمثالك اللى بيتجرأوا يبصوا على النعيم المقيم اللى عايش فيه كل مسؤول في البلد دي

مش كفاية عليهم انهم قابلين يبقوا مسؤولين علينا

كمان ح نبص لهم في التكييف ونقر عليهم

جتنا نيلة خسارة فينا الحموم

Bella said...

EGYPT EYES

مرحبا بك

اوعي حد يسمعك بتقول التصريح الاستغنائي بتاع مياه الشرب ده احسن يعمموه عليكم وتبقى جنيت على المنطقة اللى انت عايش فيها باعتبارك المتحدث الرسمي لمنطقتكم.

ثم مية شرب مين يااخي
هو احنا لاقيينا اصلا
ولا هي تنفع تتشرب

اما بقى التصريحات الكوميدية فاشهد الله واقر وابص بالعشرة اني لم ارى في حياتي وزراء يتسمون بخفة ظل لدرجة غريبة كهؤلاء

الحقيقة اعتقد ان نقص المياة الاستراتيجي في مصر راجع لخفة دمهم لانهم شربوا المية كلها علشان دمهم يخف

دم لما يلطشهم جميعا

Bella said...

دنــــيــــــا مـحـيـرنـي

مرحبا بك

بالذمة ده سؤال يااختي برضه

عيب نساله سؤال زي ده

الراجل اكيد مش بيستحمي

قصدي يعني بمية من بتاعتنا

ده مش بعيد يكون عنده حمام جاف علشان حمايته من تلوث المياه المنتشر

بقى معقول واحد مسؤول زيه كده يستحمى بمية من بتاعتنا اللى بتعمل امراض جلدية ويمارس مهام منصبه وهو بيهرش !!!!

مالكيش حق

مفروض صراحة نلم من بعض ونشوف له تصريفة علشان يحل عن سمانا ويخلي تصريحاته الجارية دي ترجع لمجاريها

Bella said...

altwati

مرحبا بك

أخجلتم تواضعنا يافندم والله

الحقيقة أن الاخوة الذي شاركوني قراءة الموضوع ردودهم هي التي فجرت بداخلي هذه التفاعلات

وكمان بيني وبينك برضه الامر لايخلو من عبثية وكوميديا سوداء

تصور كده عمرك سمعت تصريح يحتاج لسمكرة

تصريحات هذا المحافظ وماشابهها من تصريحات السادة المسؤولين عن عكننتنا بالغعل تحتاج لجلدة تمنعها من التسرب فوق رؤوسنا.

ده حتى تصريح الراجل اوحي لي بعمل سيفونية تنافس سيفونية بيتهوفن

سعيدة جدا بمرورك وتعليقك الودود

تحياتي

Bella said...

المهــ إلي الله ــاجر

مرحبا بك

هو بالفعل عذر اقبح من ذنب

لكن لماذا يسكت؟

هو اصلا جاي مخصوص علشان يفرسنا بتصريحاته المستفزة

ربنا يريحنا منهم

Bella said...

david santos

Thank you very much.

Bella said...

shreef

مرحبا بك

والله يااخي انت عارف الناس دي مش بيفرق معاهم تصريحاتهم تخلينا نحس تجاه نفسنا بايه
المهم يصرحوا وخلاص

يعني تصريحه معقول او كلام فارغ ماتفرقش

المهم يفرسنا ويخلي احساسنا تجها نفسنا يبقى وحش وخلاص

قال كثرة الاستحمام هي السبب

اللى اختشوا ماتوا صحيح

Ahmed Ashraf said...

Hi ,
Your site is very niceeee , this is my site pls , let me show it :
مصراليوم
مشاركة ارباح ادسنس
منتديات مصراليوم هى منتديات مصرية عامة تهتم بكل ما يهتم به المصريين , لدينا على منتديات مصر اليوم كل جديد و هذه هى اهم مواضيع المنتدى
اقسام منتديات مصر اليوم :
الحوار العام - شعر , قصائد - بحث , مقال - اخبار الفن - اخبار مصر - اخبار التعليم فى مصر - صور - اغانى , كلمات اغانى - افلام , مسلسلات - نكت - فيديوهات
قنوات , ترددات - العاب - كلية الطب - كلية الهندسة - رسائل موبايل - عروض الشبكات - قران كريم - برامج انترنت - اخبار الرياضة المصرية - مباريات بث مباشر - اسعار سيارات - اسعار موبايلات

Ahmed Ashraf said...

تردد قناة mbc مصر على النايل سات 2013
مشاهدة قناة mbc مصر بث مباشر
وظائف الوزارات المصرية 2013
وظائف الحكومة المصرية 2013
احدث عروض كارفور مصر الهايبر ماركت
اماكن و فروع كارفور مصر
نكت مصرية قليلة الادب 2013
صور , نكت اساحبى 2013
صور نكت على جمال و علاء و حسنى مبارك
مشاهدة قناة النهار بث مباشر
تردد قناة 25 يناير على النايل سات 2013
ترددات قنوات المصارعة على النايل سات 2013
ترددات قنوات النايل سات الجديدة 2013
ترددات قنوات النايل سات الجديدة
الموقع الرسمى لقناة الحياة الحمرا
الموقع الرسمى لقناة النهار
الموقع الرسمى لقناة الفراعين
ترددات قنوات النايل سات الجديدة 2013
مشاهدة جلسات مجلس الشعب اون لاين
مشاهدة جلسات مجلس الشعب بث مباشر
مشاهدة قناة صوت الشعب اون لاين
ترددات قنوات النايل سات الجديدة بعد التعديل
مشاهدة قناة صوت الشعب بث مباشر
الموقع الرسمى لقناه مودرن سبورت
مشاهدة قناة 25 يناير بث مباشر اون لاين
مشاهدة قناة اليوم بث مباشر اون لاين بدون تقطيع - القاهرة اليوم
مشاهدة قناة الجزيرة مصر بث مباشر اون لاين بدون تقطيع
رسائل قصيرة للاصدقاء
كود تحويل رصيد من فودافون الى فودافون
طريقة تحويل الرصيد فودافون
اسعار الموبايلات النوكيا المستعملة فى مصر
اسعار الذهب اليوم فى طنطا
اسعار السيارات المستعملة فى مصر بالصور 2013
اسعار السيارات فى مصر 2013 بالصور
سعر موبايل نوكيا بخطين Nokia e97
صورة اجمل امراة فى مصر 2013 , اجمل امراة فى العالم 2013
صور تامر حسني و بسمة بوسيل زوجته
نكت صعايدة

midi haytham said...

شركة كشف تسربات المياه بمكة
شركة تنظيف فلل بمكة
شركة تنظيف واجهات حجر بمكة
شركة تنظيف بمكة
شركة تنظيف شقق بمكة
شركة تنظيف بيوت بمكة
شركة جلي بلاط بمكة
شركة تنظيف مسابح بمكة
شركة تنظيف خزانات بمكة
شركة عزل خزانات بمكة
شركة تنظيف خزانات بمكة
شركة تسليك مجارى بمكة
شركة تنظيف موكيت بمكة
شركة تنظيف منازل بمكة
شركة رش مبيدات بمكة
شركة تنظيف واجهات زجاج بمكة
شركة تنظيف مجالس بمكة
شركة تنظيف بيوت شعر بمكة
شركة شفط بيارات بمكة
شركة عزل اسطح بمكة

شركة مكافحة حشرات بمكة
شركة رش مبيدات بمكة
شركة تنظيف مساجد بمكة

Unknown said...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 花蓮民宿 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 水晶 長灘島 長灘島旅遊 長灘島景點 長灘島機加酒 長灘島必買 SD記憶卡 隨身碟 SD記憶卡 ssd固態硬碟 外接式硬碟 記憶體 婚禮顧問 婚禮顧問