Thursday, August 2, 2007

إحلق لي وبص لي


جامعة الزقازيق تقرر حلق لحية الزعيم أحمد عرابي من مطبوعاتها

قيادات الجامعة رفضت التعليق على الواقعة

في سلوك بالغ الغرابة ويكشف عن جرأة غير مسبوقة على التاريخ الوطني للدولة وتدني في وعي القائمين على المؤسسات التعليمية العليا في مصر فوجئ الأساتذة والطلاب المنتسبون لجامعة الزقازيق بقيام إدارة الجامعة بإجراء "تعديل" غريب في صورة الزعيم أحمد عرابي ، الرمز الكبير لمحافظة الشرقية وصاحب الوقفة الشهيرة أمام الخديوي توفيق ، وقولته التي سارت حكمة مصرية خالدة : إن الله تعالى خلقنا أحرارا ولن نورث أو نستعبد بعد اليوم ، إذ يبدو أن جامعة الزقازيق رأت أن الصورة الشهيرة للزعيم عرابي بلحيته الوقورة والبارزة التي تميز صورته التي عرفتها الأجيال تحرض على الإرهاب والتطرف بين طلاب الجامعة ، فقررت في مطبوعاتها الجديدة تغيير الصورة بحلق اللحية حتى تتمشى مع الفكر الجديد للحزب الوطني ، وتوضح الصور المرفقة واقعة التزوير الفاضحة والتي تحتاج إلى توضيح من وزارة التعليم العالي .
جدير بالذكر أن العبث في محافظة الشرقية ورموزها وصل إلى حد قيام محافظ الشرقية الجديد برفع لوحة "الحصان" التي تمثل الرمز الوطني التاريخي للمحافظة ، والموجود في كافة مطبوعاتها الرسمية وإصداراتها ، رفعها من جدران مبنى المحافظة ووضع صورة للرئيس مبارك مكانها ، كما قامت جامعة الزقازيق بوضع تمثال للفرعون رمسيس الثاني أمام جامعة أحمد عرابي ، رغم أن الجامعة نفسها تحمل اسم الزعيم المصري الشهير .

الخبر والصورة من موقع جريدة المصريون

**********

لم أسمع في حياتي عن بلد على وجه البسيطة تتعامل مع رموزها بهذا الاستخفاف والاستباحة !!!
لم أسمع في حياتي عن محافظ يتعامل مع المحافظة التي يخدم فيها ويتقاضي راتبه لخدمة مواطنيها وكأن المحافظة عزبة أهله الخاصة التي ورثها عنهم ويحق له أن يتصرف فيها كيفما شاء " يغسلها ولا يكويها عزبته وهو حر فيها" !!!
كل بلاد العالم تحترم تراثها التاريخي وتحافظ عليه حتى لو كان تراثاً دموياً وصفحاته سوداء فهي تعتبره ذاكرتها التي تحفظها للأجيال القادمة.
فقط في بلدنا " عفواً بلدهم" تحدث هذه المساخر ويتصرف كل مسؤول بلامسؤولية ويعبث بالتاريخ والرموز نفاقاً وتزلفاً وتشبثاً بالكرسي الملتصق به.
لقد سأمنا هذه التصرفات الوقحة التي يتسم سلوك اصحابها بالخفة والرعونة.
فهل نقصت عدد صور السيد الرئيس حتى يزيدوها بوضع صورته مكان لوحة الحصان؟؟
وهل قلت تماثيله المنتشرة في كل مكان حتى لتكاد تطبق على أنفاسنا حتى يزيدوها تمثالاً هنا أو نصباً هناك؟؟

لقد وصلنا لحالة من التدني تدعوا للرثاء.

غداً سنجد كل صور اسرة محمد على مرفوعة من المتاحف لوضع اللمسات التجميلية عليها وتسليمها لعم عبده الحلاق ليحلق لها .
وسيتم رفع كافة تماثيل الزعماء ذوي اللحى لنفس الغرض.
وليس بمستبعد أن يتم عمل حملات تفتيش للبحث عن الصور التذكارية التي يحمل اصحابها لحية والتي يحتفظ بها المغرضون والقلة المندسة بهدف توريث الاإرهاب وزعزعة استقرار الوطن !!!!

لقد فاض الكيل.

29 comments:

Sha2loob said...

إيشي خيال يا ناس
شفتي التطور التكنولوجي في بلدنا؟ حلقوا للراجل بعد حواي 100 سنة من وفاته. يا حلاوة يا ولاد
كل واحد يخلي باله من دقنه وشعر راسه وأي شعر تاني. عرابي اتحلقله يا رجاله وكلنا هيتحلقلنا عاجلاً أم آجلاً
بس يمكن الراجل كان نفسه يحلق قبل أما بموت بس القدر ما أمهلوش. وتلاقي محافظ الشرقية عرف المعلومة دي من عرابي شخصياً أما أمن الدولة حضرت روحه علشان تستجوبه وتشوفه تبع التنظيمات السلفية ولا ايه أخباره. يعني متظلميش الراجل أوي كده
وبالنسبة للحصان انتي مالكيش حق. ده حتى صورة الريس حلوة وجميلة كده وترد الروح. دي حتى كل 6 سنين بترد روح الناس اللي ماتوا علشان يروحو ينتخبوه.
كفاية كده أحسن أبقى من الناس اللي بتترد روحهم

الطائر الحزين said...

السلام عليكم

انتى عارفة المثل اللى بيقول اللى معاه قرش محيرة يجيب حمام ويطيرة
أنا بحس ان العالم دى قاعده فضى و لها مستشارين بيفكروا ازاى يعكننوا علينا وعلى اللى ولا بلاش
الله المستعان

يا مراكبي said...

السخف ده ما شوفتهوش غير هنا بس .. صدقيني .. كل حاجة عندنا بتبقى دايما عكس المنطق وكأن المسؤلين مافيش وراهم غير إنهم يعكننوا على الناس

بيقدحوا زناد فكرهم علشان يقرفوا الناس وخلاص

حاجة غريبة جدا

عصفور المدينة said...

أوعى حد يعرفهم صفحتي على فليكر
عم عبده ده إيده طرشة
ممكن بعد إذنك اعطي اسم للموضوع ده اسمه غل عارفة الغل

وبعدين ماله الحصان ما هو ركوبة حلوة

Bella said...

Sha2loob

مرحبا بك

هو فعلا تطور


تطور من التحول لطور اي ثور بالفصحى

لااجد الحقيقة اي تفسير لهذا السلوك الممجوج سوى تذلف ونفاق رخيص حتى ولو على حساب تراثنا وتاريخنا

هل سنمسك بكل ذي لحية في تاريخنا لنحلق له خوفا من تخريج دفعات من الارهابيين ؟؟

ماهذا الفكر السقيم !!!!

وماذا سنفعل فيمن يرتدون الطربوش من امثال سعد زغلول ومصطفي كامل

هل سنلبسهم قبعات العم سام حتى نتماشى مع العصر ؟؟


هم فعلا تلاقيهم بيشتغلوا في تحضير الارواح وقراءة الفنجان

هذا التصرف لايمكن يصدر عن شخص سوي اللهم الا عن دجال مكانه مزبلة التاريخ

Bella said...

الطائر الحزين

مرحبا بك

انت بتقول فيها

مش بعيد ابدا يكون لهم لجان تنعقد كل فترة لاقتراح معكننات يتم توزيعها بالتساوي بين المواطنين

واعتقد ان الدعم يمكن ان يتم صرفه لدعم هذه المعكننات لضمان وصولها لمستحقيها

هههههههههههه

Bella said...

يامراكبي

مرحبا بك

الصراحة نحن ننفرد بمجموعة من التصرفات التي لنا السبق والريادة في القيام بها وسيحذو حذونا بعون الله كل من يريد التخلص من شعبه بطرق اخرى غير الحوادث والكوارث.

اعتقد انهم وجدوا ان الكوارث لم تقض علينا فقرروا القضاء علينا بالفرسة والقهر وفقعة المرارة

بس لعلمك لو عملنا حكاية المرارة الكاونش دي ح نحبط مخططاتهم بعون الله

ولما نشوف بقى قدح زناد فكرهم ولا زناد فكرنا اللى ح يجيب نتيجة اسرع

عصفور المدينة said...

طبعا أقصد عندهم غل على التاريخ وغل حتى على أي شخصية تاريخية اشتهرت بحق أو بدون حق

Bedouin said...

طبعا عزبة أبوه

هوه أساسا منها؟؟

دي غالباً بتبقى إنعامات من الوالي العثماني بفرمانات دورية كده لتسديد أثمان خدمات خفية لبع الجنرالات و اللواءات اياهم

يقوم يبص يلاقي نفسه محافظ

و لأنه متعلم من المعلم... فسوء استخدام السلطة و تشويه الملكية العامة تعتبر أساسيات تربيته و نشأته كمحافظ

و الباقي انتوا عارفينه

Bella said...

عصفور المدينة

مرحبا بك
ماتخافش ماحدش ح يديكم لاننا مش عارفين موقعك على فليكرز ايه

هههههههههه

ثم طبعا لازم نحمي بعض بعد هذه الهجمة الشرسة على الذوقن وربنا يستر ولا تطال الشوارب في الحملة الجاية

عم عبده ح يسترزق بشكل الايام الجاية لما يحلقوا ذوقن وشوارب كل شخصياتنا التاريخية


نفسي اعرف مين العبقري الذي تفتق ذهنه عن هذه الفكرة المريضة ؟؟؟؟

Bella said...

عصفور المدينة تاني

مرحبا كمان وكمان

نسيت اقول لك طبعا سمي التدونية كما يحلو لك

نحن بلد ديمقراطي ياصاح ولم يقصف قلم في عهدنا الميمون ولم تغلق جريدة

ولم يحلق شارب

حتى الآن

Bella said...

Bedouin

مرحبا بك

والله يامحجوب ياخويا كل البلد متقسمة مكافآت نهاية خدمة

فالمحافظ كان لواء مااعرفش فين وفي نهاية خدمته مسكوه الحتة الفلانية
ورئيس الحي كان برضه في مكان ومسكوه مكان لكذا

يعني كلهم ماسكين

حتى كلمة ماسك في حد ذاتها تعبر عن التشبث بالمكان ووضع اليد عليه تمهيداً لشن حملة قومية لتغيير معالمه واهو كله في سبيل استرضاء علية القوم والثمن معروف طبعا مزيد من المكافآت

وكل واحد يقلب في المحافظة ويعدلها ويغير معالمها ويربي اهلها بمنعهم من الاستحمام لانه ثبت علميا اضراره الكثيرة

وكلنا فداء الوطن
وكلنا فداء عم عبده الحلاق

altwati said...

هذا ما ينعتونه ب
new look

تحياتي

حــلم said...

بيللا
حلقوله فعلاً
!!!!
مش بعيد نلاقى ابو الهول كمان يتحلق له
لحسن يكون بيعمل دعاية للإخوان

ناس قاصرة

omar مشروع بطل said...

welcome u r in EGYPT
هى دى مصر مبارك

المهم ان الصورة المعدلة اللى من غير دقن هى المنتشرة جدا واللى موجودة فى كتب المدارس

معلش بقى علشان قدام اميركا يقولها انا عملت الواجب وزيادة يمكن يدوله علاوة 100 مليار ولا حاجة او يوافقوا على ان ابنه يشتغل عندهم بعده

mo'men mohamed said...

اللى متلاقيهوش فى أى دولة من دول العالم
مصر بقى بتعمله
عشان هى بتحاول تجمع اكبر عدد من عجائب الدنيا
طفح الكيل فقمنا لجهاد لنزيق الظلم بركانا قويا
نفسى فعلا نقوم بالحكاية دى
السلام عليكم

عدى النهار said...

قرأت عنوان الخبر على المصريون عند نشره وتذكرت لهم خبر سابق عن سلوك مشابه فى نفس المحافظة منذ سنة تقريباً وهو الخاص برفع صورة الحصان رمز المحافظة وإحلالها بصورة مبارك

اللي بيحصل ده لا يتم إعتباطاً والدليل هو تطور الأحداث لكن الجرأة على كل شىء أصبحت حالة غريبة فعلاً

مقالة قديمة لنفس الكاتب بتكشف إن السلوك ده مش وليد اليوم
http://www.alarabnews.com/alshaab/
2004/17-09-2004/12.htm

Bella said...

altwati

مرحبا بك

هو فعلا يبدو ان جنون النيو لوك سيطال تراثنا

وليس بمستبعد ان يتم حقن التماثيل بسيليكون أو عمل عمليات شد لبعض الصور التاريخية التي مات اصحابها عن سن كبيرة نسبياً

وممكن جدا يتم شفط ونفخ حسب الشخصية المراد عمل نيو لوك لها

يعني مش عم عبده الحلاق بس اللى ح يسترزق من السبوبة دي

هههههههههههههه

Bella said...

حــلم

مرحبا بك

والله يااختي لو دخلنا على الفراعنة فالشغل للركب

لأن تركيب الذقن المستعارة كان من لوازم اللوازم عند الملوك والحكام حتى النساء كن يقمن بتركيب ذن مستعارة مثل حتشبسوت التي لها تماثيل بهذه الذقن.

على كده الحلاقة ح تبقى للركب وعلى مختلف المستويات
عم عبده لوحده مش ح يسد في الموضوع ده

ممكن بقى نعمل رابطة لحلاقي التراث ونضم لها شخصيات مشهورة في عالم الحلاقة وايديهم تتلف في حرير حتى يترفقوا بذقون تاريخنا القومي

Bella said...

omar مشروع بطل

مرحبا بك

هي دي مصر التقدم والمستقبل

طبعا الماضي لامكان له حتى نفسح المجال للمستقبل

اصل مش معقول تمسكنا المرضى بالماضي ده

دلوقتي بيحلقوا للماضي

الايام الجاية ينفضوا له

فكر جديد بقى وكله شباب وحيوية

اوعى وشك

وطبعا علشان امريكا تعرف اننا دولة متطورة ولسنا متحجرين ولا رجعيين فاي تطوير تطلبه نحن رهن الأمر والاشارة

Bella said...

mo'men mohamed

مرحبا بك

طبعا مصر بلد العجائب القديم منها والحديث

ولأن لنا السبق والريادة في كل المجالات وموسوعة الارقام القياسية الحقيقة تلهث وراءنا وصفحاتها لاتكفي ارقامنا القياسية

فطبيعي جدا نستمر في ريادة الامم نحو التطور والتقدم وكل شيئ حتى الحلاقة

امال يعني نسيب البلاد التانية تتفوق علينا
امال ريادة ازاي

Bella said...

عدى النهار

مرحبا بك

هم بالفعل في الخبر اشاروا إلى ان هذا السلوك ليس الاول وذكروا رفع لوحة الحصان ووضع صورة مبارك مكانها.

بكرة نلاقي علم مصر متغير وبدل النسر ولا الصقر الموجود فيه نلاقي صورة الريس

ساعتها يبقى التجديد وصل لمرحلة غير مسبوقة فعلا

الحقيقة الموضوع من شدة سخافته يحرق الدم فعلا

مش عارفة العالم الجبلات دي عايزين ايه مننا بالعكننة دي كل شوية


فعلا جرأة على كل شيئ وجرأة في كل وقت من اصغر موظف لأكبر راس

joe said...

بيلا

الحمد لله صرت بقدر اكتب تعليق عندك
شكرا على هذه الخطوة يا صديقتي
ـ الظاهر فعلا أصبح عندهم مفهوم جديد عقليا و ظاهريا للبطولة و الأبطال ..
ربما لم يعد المصري الأسمر أو الحنطي شكله يليق ببطل ..يجب أن يكون قريب الشبه بالبطل جورج بوش لذلك عملية الحلاقة هذه
قد يليها عمليات تشقير للشعر
و وضع عدسات ملوّنة للعيون
ـ فعلا هذا من أغرب ما قرأت .. مسخرة حقيقية و فعلة شنيعة لا يقوم بها عاقل
ـ تحياتي لك و أشدّ على يديك فيما تكتبين من مواضيع هامة و جميلة
joe75.jeeran.com

Bella said...

joe

مرحبا بك وحمد الله على سلامة الوصول

والله فكرة تشقير الشعر دي ممكن تضاف لقائمة عمليات التجميل المستقبلية التي سيقوم بها فريق متخصص سيتلقى دورات تدريبية بالخارج لتحسين أداءه في هذه النوعية من العمليات
واهي كلها سبوبة وبالمرة نغير شكل الناس اللى زمان كانوا بيقولوا عليهم مشربين بسمرة النيل

وبعد العطش اللى احنا فيه وافتقادنا لمياه النيل لن تكون سمرة نيل ولا حمرة شمس ولا اي حاجة

غمض عينيك said...

دا كلام يابيلا
بقى بتقولي بيشيلوا الحصان ويحطوا مكانه الريس
دا كلام؟

محمد سمير

Ahmed Ashraf said...

Hi ,
Your site is very niceeee , this is my site pls , let me show it :
مصراليوم
مشاركة ارباح ادسنس
منتديات مصراليوم هى منتديات مصرية عامة تهتم بكل ما يهتم به المصريين , لدينا على منتديات مصر اليوم كل جديد و هذه هى اهم مواضيع المنتدى
اقسام منتديات مصر اليوم :
الحوار العام - شعر , قصائد - بحث , مقال - اخبار الفن - اخبار مصر - اخبار التعليم فى مصر - صور - اغانى , كلمات اغانى - افلام , مسلسلات - نكت - فيديوهات
قنوات , ترددات - العاب - كلية الطب - كلية الهندسة - رسائل موبايل - عروض الشبكات - قران كريم - برامج انترنت - اخبار الرياضة المصرية - مباريات بث مباشر - اسعار سيارات - اسعار موبايلات

Ahmed Ashraf said...

تردد قناة mbc مصر على النايل سات 2013
مشاهدة قناة mbc مصر بث مباشر
وظائف الوزارات المصرية 2013
وظائف الحكومة المصرية 2013
احدث عروض كارفور مصر الهايبر ماركت
اماكن و فروع كارفور مصر
نكت مصرية قليلة الادب 2013
صور , نكت اساحبى 2013
صور نكت على جمال و علاء و حسنى مبارك
مشاهدة قناة النهار بث مباشر
تردد قناة 25 يناير على النايل سات 2013
ترددات قنوات المصارعة على النايل سات 2013
ترددات قنوات النايل سات الجديدة 2013
ترددات قنوات النايل سات الجديدة
الموقع الرسمى لقناة الحياة الحمرا
الموقع الرسمى لقناة النهار
الموقع الرسمى لقناة الفراعين
ترددات قنوات النايل سات الجديدة 2013
مشاهدة جلسات مجلس الشعب اون لاين
مشاهدة جلسات مجلس الشعب بث مباشر
مشاهدة قناة صوت الشعب اون لاين
ترددات قنوات النايل سات الجديدة بعد التعديل
مشاهدة قناة صوت الشعب بث مباشر
الموقع الرسمى لقناه مودرن سبورت
مشاهدة قناة 25 يناير بث مباشر اون لاين
مشاهدة قناة اليوم بث مباشر اون لاين بدون تقطيع - القاهرة اليوم
مشاهدة قناة الجزيرة مصر بث مباشر اون لاين بدون تقطيع
رسائل قصيرة للاصدقاء
كود تحويل رصيد من فودافون الى فودافون
طريقة تحويل الرصيد فودافون
اسعار الموبايلات النوكيا المستعملة فى مصر
اسعار الذهب اليوم فى طنطا
اسعار السيارات المستعملة فى مصر بالصور 2013
اسعار السيارات فى مصر 2013 بالصور
سعر موبايل نوكيا بخطين Nokia e97
صورة اجمل امراة فى مصر 2013 , اجمل امراة فى العالم 2013
صور تامر حسني و بسمة بوسيل زوجته
نكت صعايدة

midi haytham said...

شركة كشف تسربات المياه بمكة
شركة تنظيف فلل بمكة
شركة تنظيف واجهات حجر بمكة
شركة تنظيف بمكة
شركة تنظيف شقق بمكة
شركة تنظيف بيوت بمكة
شركة جلي بلاط بمكة
شركة تنظيف مسابح بمكة
شركة تنظيف خزانات بمكة
شركة عزل خزانات بمكة
شركة تنظيف خزانات بمكة
شركة تسليك مجارى بمكة
شركة تنظيف موكيت بمكة
شركة تنظيف منازل بمكة
شركة رش مبيدات بمكة
شركة تنظيف واجهات زجاج بمكة
شركة تنظيف مجالس بمكة
شركة تنظيف بيوت شعر بمكة
شركة شفط بيارات بمكة
شركة عزل اسطح بمكة

شركة مكافحة حشرات بمكة
شركة رش مبيدات بمكة
شركة تنظيف مساجد بمكة

Unknown said...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 花蓮民宿 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 水晶 長灘島 長灘島旅遊 長灘島景點 長灘島機加酒 長灘島必買 SD記憶卡 隨身碟 SD記憶卡 ssd固態硬碟 外接式硬碟 記憶體 婚禮顧問 婚禮顧問