Thursday, September 6, 2007

أخيراً جاء الفرج


أخيرا وبعد طول عناء تم الإفراج منذ قليل عن السجينة بيللا التي تم أعتقالها دون اي ذنب او جريرة سوى إهمال بعض المتنطعين من العاملين بشركات تزويد خدمة الانترنت فائق السرعة ( قال فائق قال ).
وقد نالت المذكورة حريتها بعد جهود كثيرة بذلتها واتصالات كثيرة وبعد انقطاع حوالي اسبوعين عن التواصل مع الاصدقاء الاعزاء
أخيرا عاد الدي اس ال للعمل منذ قليل بعد آخر خناقة سجلت فيها رقماً قياسياً جديداً في توبيخ القائم على إعادة الخدمة.

ولا استطيع ان اصف لكم كم المرارة التي شعرت بها الفترة السابقة بسبب حرماني القسري من دخول النت ومحاولات إستعادة الخدمة التي كانت تُقابل بإستخفاف وسماجة من الشركة التي تعاقدنا معها وكأن العاملين بها لاشغلة لهم ولا مشغلة سوى التنكيد على المشتركين ومضايقتهم.
والمشكلة الحقيقة ليست في قطع الخدمة فقط ولكن المشكلة الحقيقية تكمن في تفشي أمر لااعرف إن كنت ابالغ اذا تحدثت فيه أم لا

المشكلة في الوعدود التي لاتنفذ

عن نفسي لايضايقني ان تحدث مشكلة ما فيصارحني القائم على حلها بأن الحل سيستغرق مدة كذا ولايمكن قبل ذلك

ولكن مايحدث انك تذهب لمكان ما فيعدك القائم على حل المشكلة بأن الامور ستنصلح بكرة او بعد بكرة بالكتير خالص
فتنتظر وكلك أمل
فلا ياتي لابكرة
ولا يأتي بعد بكرة
وتستمر المماطلات والوعود بكرة وبعد بكرة لمرات ومرات

لااستطيع ان اتفهم المنطق وراء الوعد وعدم الوفاء به والذي يتكرر في كل مكان

فإذا تعاقدت مع عامل لاصلاح عطل ما وعدك بموعد ولا يأت مستهترا بوقتك ومستغرباً ضيقك من عدم وفاءه بالوعد

أخيراً انتهت مشكلة النت عندي والتي حبستني لمدة اسبوعين عن اصدقائي مخلفة وراءها مرارة كبيرة واحساس بالوحشة سيأخذ وقته

فشكراً للإخوة والأخوات الاعزاء الذين احاطوني بحبهم واهتمامهم في هذه المحنة
ولا اراكم الله مكروه في مزود خدمة لديكم

وربنا يهد المفتري والمستهتر غير المهتم بوقت الناس واحتياجاتهم

24 comments:

Mohamed A. Ghaffar said...

لأنه لا قيمة لوقت او وعد عند احد

حمد الله على السلامه

Bella said...

Mohamed A. Ghaffar

مرحب ياسي محمد

الله يسلمك ويبعد عند العالم عديمة الاحساس التي لاتشعر بقيمة الوقت ولا تقدر قيمة الوعد

نعمل ايه بقى بلدنا والناس فيها عدد كبير منهم لايحترمون الوقت ولاعتبرون خلف الوعد مشكلة

كله بيتكلم في الوسع وكأن احترام المواعيد او الوفاء بالوعد اصبح من المستحيلات الاربعة

بلد عجايب فعلا

الطائر الحزين said...

كفارة يا بيلا

وحماد لله على السلامة
مشكلة فعلا الضحك على الدقون و استهبال الزبون

تحياتى

Amr Ahmed said...

حمد الله علي السلامة

صعبانة عليا

بس بصراحة ساعات بيبقي غصب عنهم

اصل انا كنت في فترة من اللي بيوعدوا دول

ههههههههههههههههه

بس انا كنت بدي مدة اطول

يا اما اسوح العميل علي اللي اعلي مني

واقوله شوط فيهم

Bella said...

الطائر الحزين

اهلا وسهلا

والله يااخي صحيح السجن للجدعان بس مش كده
حتى العيش والحلاوة ماكانش بيجبر خاطري وكان نفسي اطول اي حد في الشركة التعيسة دي واديله مايستحق من توبيخ وتهزيق

بس الحمد لله النهاردة اللى رد على أخد نصيبه ونصيب زملائه كلهم لحد رئيس مجلس ادارة الشركة

اديته درس معتبر في كيفية احترام العميل الذي يدفع لهم رواتبهم وبدونه لن يحصلوا على مايجعلهم فوق العملاء ويتحدثون معهم بتعالي وكأنهم يصرحون بسر حربي خطير

شركات عايزة الحرق وخسارة فيهم الاشتراك اصلا

Bella said...

Amr Ahmed

مرحب عمرو
نورت المدونة

والله مافيش حاجة اسمها غصب عنهم

معلش ماتزعلش مني

لو فيه صراحة وتوضيح للعميل ماحدش ح يشنقهم

لكن ليه الوعد بحل سريع للمشكلة وهي اصلا مش ح تتحل بسرعة

اعتقد مافيهاش مشكلة لو قال انها ح تاخد بعض الوقت

لكن طريقة عمال المحارة او السباكين اللى بيرموا العدة بتاعتهم عند الزبون علشان يربطوا الشغلانة وبعدين يبلغوا فرار ويسيبوه ياكل روحه من الغيظ لاتنفع لادارة شركة تزويد خدمة انترنت
خاصة وهو يعرف مسبقا هوية العميل الذي يتعامل معه

يعني مش قاعد فاتح محل كشري وبيوزع اطباق على الاكيلة ومعاها وعود وردية

يبقى مفروض لانعيب على الحكومة والمسؤولين تعاملهم الفوقي معنا اذا كنا بيننا وبين بعض نتعامل بنفس الطريقة

طالما كان هذا النهج اسلوبنا في إدارة اعمالنا سواء في شركة او مصنع او غيره فلن يقوم لهذه البلد قائمة ولن تتقدم خطوة إلى الامام

بل ستظل دوما في ذيل القائمة

وربما تتراجع عن ذيل القائمة لانها لن تجد مكان اصلا في قائمة الدول

bos bos said...

حمدالله على سلامتك مرة تانية
والمشكلة بقت مشكلة مجتمع كله بقى كده يوعد وما يوفيش
تحياتى لكى

عصفور المدينة said...

حمدا لله على سلامة الوصول لمجتمع الانترنت
طبعا ده العادي الاستهتار بالوعد مع إنه لو قال بعد أسبوعين يبقى أريح لكن عادي

بس أحب أحذرك أن هذا البوست يعتبر خرقا لاتفاقية الخدمة
انا كنت كاتب عندي بوست اسمه عقد من طرف واحد عن الناس دول

أنقل لك عبارة من العقد

لا يحق للعميل أن يصدر أي بيانات بخصوص الخدمات المقدمة ويتحمل العميل المسئولية لإصداره أي نوع من البيانات التي تتعلق بالشركة أو التي من شأنها الإضرار بالشركة من أي نوع ويحق للشركة في ذلك الرجوع عليه والمطالبة بالتعويض والنفقة الناتجة من حدوث أي إضرار بسبب هذه التصريحات غير المسئولة.

وهذه عبارة من التدوينة المذكورة

يا سلام يا أخي يا عيني

إذا لم تعجبك الخدمة وكانت الخدمة رديئة لا يحق لك أن تدلي بأي تصريحات أو تكتب في أي مدونة تصريحات (فضفضة) وصفت مسبقا قبل أن تكتبها بأنها غير مسئولة يعني من قبيل (طرطشة كلام) وفي هذه الحالة ستكون الطرطشة بفلوس والهدف أن يظل مستوى الخدمة سرا من الأسرار.

Bella said...

bos bos

اهلا ياعزيزتي

الله يسلمك

الحقيقة المجتمع عيوبه كثيرة لدرجة الملل ولا امل في اي اصلاح اذا لم نعترف بهذه العيوب ونسارع لاصلاحها

ربنا يسهل

Bella said...

عصفور المدينة

مرحبا بك اخي العزيز

الله يسلمك وعالم الانترنت وحشني بمن فيه وافتقدت التدوين والمدونات القريبة لقلبي وعقلي

بالنسبة للشركة المذكورة فلم اذكر اسمها

وممكن نقول عليها اللى ماتتسماش

ههههههههههههههه

بس حلوة قوي حكاية التصريحات الغير مسؤولة دي

طيب والشركة التي تقدم وعود غير مسؤولة يكون موقفها ايه من القانون

الا يمكن ان يقاضيها العميل بتهمة التدليس والخداع او ماشابه؟؟

الا يمكن ان يكون هناك اي اجراء قانوني يتخذه العميل ضد شركة تدعي كذبا انها تقدم خدمة فائقة السرعة وخدمتها لاتمت للسرعة اصلا باي صلة وطبعا الفائقة دي لاتقرب لها من قريب او بعيد

عموما شكرا يااخي العزيز على التنبيه القانوني

وياريت الله يكرمك لينك للتدوينة علشان ادخل امتع عينية بالكلام القانوني ده كله واهو نتعلم

بس بجد بقى مفروسة فرسة من العالم دي

كان ح يحصل ايه يعني لو قالوا ان اعادة الخدمة ستستغرق الوقت الفلاني

لماذا لايكون هناك صراحة

لماذا اصبح الكذب هو الاساس في اي تعامل حتى على مستوى الشركات وعملائها

لم يعد في هذا البلد وجود لكلمة الصدق

حاجة تقرف صراحة

عدى النهار said...

بصراحة أنا مش متخيل المشكلة كانت فين

يعنى الخدمة كانت موجودة وإترفعت.. إيه العمل الفنى الضخم المطلوب لإرجاعها؟

المهم حمدالله على السلامة

altwati said...

حمدا لله على سلامتك
ست بيللا
البلوجرز
كانوا في حالة
فقدان عظيمة
لخيزرانتك
تحياتي

عدى النهار said...

نسيت أقولك إن تراب السجادة اللي نفضتيها وريحة السمك المشوى واصلة لغاية عندى

إبقى خفى إيدك شوية

(:

مـحـمـد مـفـيـد said...

بجد حاجه تخنق

Bella said...

عدى النهار

اهلا وسهلا بك

شوف انت بقى خدمة تم رفعها محتاجة كام يوم لاعادتها مرة اخرى

علشان تعرف احنا قد ايه بنضرب كل الاقام القياسية التي سبقتنا إليها الدول التي تدعي زورا انها دول العالم الاول

لو في بلد تانية كانت اعادة الخدمة استغرقت دقائق

لكن احنا بلد الريادة لايمكن طبعا نعمل خدمة في دقائق

يقول علينا ايه العملاء
شغلنا سهل ومش بنتعب فيه !!!

علشان كده لازم يستمر اسبوعين ولو طول العميل في الالحاح نزود الايام ومش عاجبه يشرب من اقرب بحر لان النيل مافيهوش مية خلاص

Bella said...

altwati

مرحبا بك

هههههههههههههه

الله يسلمك

مفتقدين الخيزرانة فقط

والفلكة لا

معقول الفلكة ماوحشتهمش

ههههههههههههه

Bella said...

عدى النهار

مرحب بك تاني

لعلمك بقى لولا تنفيض السجادة وشوي السمك ماكانش النت رجع

وفي قول آخر لو كنت حرمت لهم فراخ كنتاكي كان ادوني شهرين مجانا

بس انا قلت كفاية عليهم الشوي والتنفيض

لو كرروها بقى يبقى مابدهاش نديها فراخ بانفلونزا الطيور

ههههههههههههههههه

Bella said...

محمد مفيد

مرحبا بك

علشان تعذرني وتعرف ان اختك استحملت الكام يوم اللى فاتوا سماجات كتيرة

ربنا ينكد عليهم زي مانكدوا علي

Sha2loob said...

معلش هي متأخرة شوية بس انتي عارفة

كفارة

غمض عينيك said...

حمد الله ع السلاة يا بيلا
للاسف محدش بقا يدي كلمة لحد ويوفيها
ياما بيقولها عن جهل يا اما بيقولها عشان يريح دماغة وخلاص

انما لو كانوا ركزوا كانت كل حاجة اتحلت وفي وقتها

تحياتي ليكي
والف حمد الله ع السلامة
محمد سمير

Ahmed Ashraf said...

Hi ,
Your site is very niceeee , this is my site pls , let me show it :
مصراليوم
مشاركة ارباح ادسنس
منتديات مصراليوم هى منتديات مصرية عامة تهتم بكل ما يهتم به المصريين , لدينا على منتديات مصر اليوم كل جديد و هذه هى اهم مواضيع المنتدى
اقسام منتديات مصر اليوم :
الحوار العام - شعر , قصائد - بحث , مقال - اخبار الفن - اخبار مصر - اخبار التعليم فى مصر - صور - اغانى , كلمات اغانى - افلام , مسلسلات - نكت - فيديوهات
قنوات , ترددات - العاب - كلية الطب - كلية الهندسة - رسائل موبايل - عروض الشبكات - قران كريم - برامج انترنت - اخبار الرياضة المصرية - مباريات بث مباشر - اسعار سيارات - اسعار موبايلات

Ahmed Ashraf said...

تردد قناة mbc مصر على النايل سات 2013
مشاهدة قناة mbc مصر بث مباشر
وظائف الوزارات المصرية 2013
وظائف الحكومة المصرية 2013
احدث عروض كارفور مصر الهايبر ماركت
اماكن و فروع كارفور مصر
نكت مصرية قليلة الادب 2013
صور , نكت اساحبى 2013
صور نكت على جمال و علاء و حسنى مبارك
مشاهدة قناة النهار بث مباشر
تردد قناة 25 يناير على النايل سات 2013
ترددات قنوات المصارعة على النايل سات 2013
ترددات قنوات النايل سات الجديدة 2013
ترددات قنوات النايل سات الجديدة
الموقع الرسمى لقناة الحياة الحمرا
الموقع الرسمى لقناة النهار
الموقع الرسمى لقناة الفراعين
ترددات قنوات النايل سات الجديدة 2013
مشاهدة جلسات مجلس الشعب اون لاين
مشاهدة جلسات مجلس الشعب بث مباشر
مشاهدة قناة صوت الشعب اون لاين
ترددات قنوات النايل سات الجديدة بعد التعديل
مشاهدة قناة صوت الشعب بث مباشر
الموقع الرسمى لقناه مودرن سبورت
مشاهدة قناة 25 يناير بث مباشر اون لاين
مشاهدة قناة اليوم بث مباشر اون لاين بدون تقطيع - القاهرة اليوم
مشاهدة قناة الجزيرة مصر بث مباشر اون لاين بدون تقطيع
رسائل قصيرة للاصدقاء
كود تحويل رصيد من فودافون الى فودافون
طريقة تحويل الرصيد فودافون
اسعار الموبايلات النوكيا المستعملة فى مصر
اسعار الذهب اليوم فى طنطا
اسعار السيارات المستعملة فى مصر بالصور 2013
اسعار السيارات فى مصر 2013 بالصور
سعر موبايل نوكيا بخطين Nokia e97
صورة اجمل امراة فى مصر 2013 , اجمل امراة فى العالم 2013
صور تامر حسني و بسمة بوسيل زوجته
نكت صعايدة

midi haytham said...

كشف تسربات المياه
شركة تخزين عفش بالرياض
شركة نقل اثاث بالرياض
شركة تنظيف فلل بالرياض
شركة تخزين عفش بالرياض
شركة نقل عفش بالرياض
شركة تنظيف واجهات حجر بالرياض

شركة تنظيف شقق بالرياض
شركة تنظيف بيوت بالرياض
شركة جلي بلاط بالرياض
شركة تنظيف مسابح بالرياض
شركة تنظيف خزانات بالرياض
شركة عزل خزانات بالرياض
شركة تسليك مجارى بالرياض
شركة تنظيف موكيت بالرياض
شركة تنظيف منازل بالرياض
شركة تنظيف واجهات زجاج بالرياض
شركة تنظيف مجالس بالرياض
ترميم البيت
شركة شفط بيارات بالرياض
شركة تنظيف بيوت الشعر بالرياض
شركة تنظيف بالرياض
عزل الاسطح
شركة تنظيف بيارات بالرياض
شركة رش مبيدات بالرياض
شركة مكافحة حشرات بالرياض

Unknown said...

餐飲設備 製冰機 洗碗機 咖啡機 冷凍冷藏冰箱 蒸烤箱 關島婚禮 巴里島機票 花蓮民宿 彈簧床 床墊 獨立筒床墊 乳膠床墊 床墊工廠 產後護理之家 月子中心 坐月子中心 坐月子 月子餐 銀行貸款 信用貸款 個人信貸 房屋貸款 房屋轉增貸 房貸二胎 房屋二胎 銀行二胎 土地貸款 農地貸款 情趣用品 情趣用品 腳臭 水晶 長灘島 長灘島旅遊 長灘島景點 長灘島機加酒 長灘島必買 SD記憶卡 隨身碟 SD記憶卡 ssd固態硬碟 外接式硬碟 記憶體 婚禮顧問 婚禮顧問