Wednesday, July 8, 2009

إحباط مغموس بالملل


منذ فترة طويلة لم أجد في نفسي الرغبة في التدوين رغم كثرة الموضوعات التي تستحق الكتابة عنها وربما كان الزخم الشديد وتسارع الاحداث من مسببات الابتعاد.

كل فترة اجد لدي رغبة في الابتعاد لالتقاط الانفاس والتواري قليلاَ وأعود بعدها نشيطة ولكن هذه المرة لاادري سبباً محدداً لهذا الفتور الذي تزكيه حرارة الجو وقلة الهواء الصالح للاستنشاق والمعبأ بكافة انواع الملوثات بما فيها الملوثات البشرية التي تطل علينا من وقت لآخر!!!!

كما لاأعرف طريقة ميعنة للخروج من هذه الدائرة التي ادخلها كل فترة إما طواعية أو مرغمة !!!!!

عندي رغبة شديدة في الكتابة عن عدة موضوعات ولكني أشعر بتيبس شديد في مفاصلي رغم متابعتي للعديد من المدونات وجروبات الفيس بوك التي لم تترك موضوعاً إلا واقامت له جروب وقتلته وقتلتنا معه بحثاً ومناقشة !!!

وسيكون لنا لقاء قريب عن احد هذه الجروبات


هذه التدوينة للتسخين ولو أن الجو ساخن لدرجة الملل والاحباط أردت بها كسر حدة الملل وإذابة حالة الإحباط التي بدأت تتسلل لنفسي والتي أكافح منذ فترة ألا تجرفني معها

دعواتكم

28 comments:

الفقيرة إلى الله أم البنات said...

وحشتينى يا بيلا قوى
بجد فى ناس كده لما اشوفهم كتبوا ...افرح من قلبى ..خاصة ان موضوع الابتعاد يراودنى ..واحاول ان لا استسلم
لانى اجد فى قرأتى لكم والتواصل خير ونعمه من الله

بجد نورتى..واياك تبعدى تانى
ان شالله مرة واحده فى الشهر
وحشتينى يا جميله

بثينــــــة said...

يا ستى احنا فى انتظارك
اجى ازق

وحشتنى تدويناتك المتلاحقة والمؤثرة بجد

مصــــري said...

أستاذة بيلا

أنا بأقول النهاردة في حاجات حلوة كتيرة بتحصل.

والله نتمني ان القطرة دي تكون أول الغيث
وكسر لحالة المـــــــــــلل دي.

بس افتحي ملف وورد ولا نوتباد
وهاتلاقي الأمور ماشية حلو
ان شاء الله

تحياتي
أسامة

عصفور المدينة said...

مرحبا مرحبا ﻻ ادري لماذا ختمت بأن الأمور تحتاج الى تسخين
مع حرارة الجو

خمسة فضفضة said...

السلام عليكم ورحمة الله وبركاته

ان شاء الله تكسري الملل بسرعه


واحنا مستنينك يا ستي

A.SAMIR said...

بتحصل كتير الحالة دي على فكرة
بس لها حل عندي
هو اني انزل موضوع من الموضوعات القديمة اللي باكتبها و مانزلتهاش
بتفك ازمة كبيرة على فكرة
تحياتي

بدراوى said...

دكتورة

انا مبسوط برجوعك ده

ربنا يفك ضيقك و همك و حزنك و احباطك

بس عارفة كدة افضل

اصعب شىء لما الواحد يكتب من غير نفس و يكون قرفان من الدنيا
و بيكتب بس لمجرد الكتابة
انا الحالة ديه بتجيلى كثير
من كم القرف اللى بشوفه فى مصر

ربنا يفك همك و ترجعى تنورى التدوين تانى

بدراوى said...

مقصدش الإحباط افضل
اقصد التوقف عن الكتابة لفترة
افضل من الكتابة من غير نفس

بنت أبيها said...

منتظرينك

مش تتاخري

مهندس مصري said...

أنا برضه بأمر بفترة من عدم وجود أي نفس عندي للكتابة
و لو تلاحظي بقى لي شهر تقريباً بأنشر منقولات و مش لاقي حاجة أكتبها من بنات أفكاري
يمكن لإن البيئة اللي أنا فيها في الغربة مش بتحفزني على الكتابة
و يمكن لإني بأتابع 245 مدونة فكل ما يمكن أن أفكر في كتابته ألاقي حد تاني كتبه فبأقول يبقى كتابتي ملهاش لازمة

مش عارف ليه كده
أنا مش زهقان من التدوين لكن مش لاقي حاجة أكتبها

Mohamed Hamdy said...

إنا لك لمن المنتظرين

أفلا تكتبين؟

مـحـمـد مـفـيـد said...

في انتظار عودتك المميزه كعهدنا بكي

انت تسال والكمبيوتر يجيب said...

سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.

التفاصيل فى
المدونه
http://netonradio.blogspot.com
الموقع
http://stop.to/cairo

تحاتنا وامنياتنا لك بالتوفيق

الطائر الحزين said...

حمدا لله على السلامة

Bella said...

الفقيرة إلي الله أم البنات

مرحبا بك

وانت كمان وحشتيني جدا وربنا يعلم والله

موضوع الابتعاد يراودني بين فترة واخرى لاسباب متفرقة منها ضيق الوقت احيانا واحساسي بالذنب لان النت يلتهم وقتي
ولهذا احاول على فترات تحقيق بعض التوازن بعدم الكتابة
واحيان اخرى ابتعد حتى ارتاح من الشد والجذب خاصة اذا كانت هناك احداث كبيرة

ولكني اتواصل من خلال متابعتي لمدونات الاخرين والتعليق على بعضها عندما يتيسر لي التعليق

يعني موجودة

دعواتك لان ورايا امور كثيرة واحاول عمل توازن واتعشم الا يختل مني الميزان

تحياتي

Bella said...

بثينة

اهلا بثبث واحشاني جدا

انا محتاجة مش بس زقة محتاجة نقلة

ههههههههههههههههههههههه

بس التدوينات المتلاحقة دي يبدو زمانها راح وانقضى

مابقاش عندي روح ولا مرارة للملاحقة

صحيح بالاحق الاحداث والافكار بتلاحقني وبتؤرق منامي لكن اخراجها لم يعد مصدر سعادة ولهذا اكتمها احيان كثيرة

تحياتي

Bella said...

مصري

مرحبا بك

الحقيقة البوست الذي قرأه عندك هو من شجعني على كتابة هذه التدوينة

اما القادم فلا اضمنه

ههههههههههههههههههه

والله باحاول يااسامة

بس تعرف لما بيكون وراك حاجات كتيرة جدا وكل ماتبتدي في حاجة تحس ان ذهنك منشغل بالامور الباقية ممكن ماتعملش حاجة خالص

انا بقالي فترة كده
وده اللى بيضايقني اكتر

ربنا يسهل

تحياتي

Bella said...

عصفور المدينة

اهلا اهلا ومرحبتين

مش عارفة ليه ختمت بحكاية التسخين دي صراحة مع ان الجو فعلا حر نار

لكن يظهر لاني باحب اطبخ بقى

هههههههههههه

تحياتي

Bella said...

خمسة فضفضة

مرحبا بك

والله محتاجة دعوات كتيرة ياعزيزتي لاني محتاجة اكسر حاجات كتيرة مش بس الملل

هههههههههههههههه

دعواتك بقى

تحياتي

Bella said...

A.SAMIR

مرحبا بك

هو حل كويس ان الواحد ينزل موضوع من موضوعاته التي لم تنشر ولكن هذا ايضا مرتبط بطبيعة الموضوع
يعني مثلا انا عندي موضوعات لم تكتمل ولم اكملها لارتباطها باحداث معينة مثلا او لفتور اصابني ولم اكملها

لكن فكرة ان الواحد يرجع لها ويشوف منها موضوع ينزله

تحياتي

Bella said...

بدراوي

اهلا بك

متشكرة جدا على الترحيب

الحقيقة انا ماباعرفش اكتب من غير نفس ولا باعرف اكتب لمجرد الكتابة وخلاص

صعب جدا

علشان كده لما باحس بزهق باختفي وابعد

ربنا يفك كرب الجميع يااحمد

تحياتي

Bella said...

بنت ابيها

مرحبا بك

اشكرك ياعزيزتي وقريبا سأكتب التدوينة التي تشغل بالي من فترة

تحياتي

Bella said...

مهندس مصري

مرحبا بك

على فكرة كثرة المتابعة احيانا ماتبعد الانسان منا عن الكتابة

انا ايضا اتابع مدونات كثيرة واحيان كثيرة لااكتب عن بعض الموضوعات التي احب الكتابة عنها لان مدونات كثيرة تناولت نفس الموضوع وقالوا ماأريد قوله فاكتفي بالمتابعة

اما الغربة والزهق فكلنا في غربة حتى من يعيش في مصر فلست وحدك في ذلك

تحياتي

Bella said...

Mohamed Hamdy

مرحبا بك

سأكتب ان شاء الله

دعواتك

تحياتي

Bella said...

محمد مفيد

مرحبا بك

اشكرك على الترحيب ودعواتك

تحياتي

Bella said...

انت تسال والكمبيوتر يجيب

مرحبا بك

وشكرا لحضرتك على الدعوة الكريمة

تحياتي

Bella said...

الطائر الحزين

مرحبا بك

وربنا يكرمك دايما يارب

تحياتي

عـلا - من غـزة said...

الحالة هادي بتصير معايا كتير وخاصة زي ما قلتي بسبب وجود مواضيع كتير صارت ورا بعض وكلها عايزة تحكي فيها
جربي كدة لكن ما تحسي انك مجبرة على الكتابة وخدي وقتك لغاية ما في يوم هاتلاقي الكلام طلع لوحده من غير اي زق او ضغط :))

تحياتي