Friday, July 24, 2009

الغباء وأهله


لم أسمع في حياتي عن شعب يتفنن أهله في إلحاق الأذى بنفسه وبغيره كالمصريين الذين يتعمدون التعامل مع أي أزمة يمر بها غيرنا ليحولوها لكارثة عندنا وبطريقة انتحارية واستهتار غريب ضاربين عرض الحائط بمصلحتهم الخاصة ومصلحة غيرهم والخبر التالي أبلغ مثال على طريقتنا العبقرية في التعامل مع انفلونزا الخنازير والاجراءات الصحية الواجب اتخاذها للسيطرة على المرض وتقليل حجم الاضرار المتوقعة من انتشاره

وكما تعاملنا بعبقرية مصرية ريادية مع انفلونزا الطيور حتى أصبحت مصر وطن الفيروس نتعامل مع فيروس انفلونزا الخنازير بطريقة مصرية عبقرية غير مسبوقة ستحول الكارثة لوباء فتاك ينهي حياة الملايين في وقت أقل بكثير مما سيحتاجه الفيرس في العالم كله !!!

الغريب أن المصادر التي ذكرت الخبر الكارثة لم تذكر اسماء شركات الطيران التي تخدع الحجر الصحي بإعطاء المسافرين على متنها خافض للحرارة حتى لايتعطلوا في الحجر الصحي بضع ساعات وتساعدهم على الخروج السريع والتحول لقنابل موقوتة تنفجر في وجه الجميع وتنشر المرض في اسرع وقت ممكن

حاجة تحرق الدم فعلا

يعني مش كفاية تعاملنا العبقري مع انفلونزا الطيور كملناها بمصيبتنا القوية مع انفلونزا الخنازير وشكلنا ح نسبب قلق للعالم كله وبكرة يفكروا يتخلصوا من الشعب المصري كله لتحجيم الكارثة

فعلا الغباء له ناسه

ربنا يستر

15 comments:

Alkomi said...

اولا ده ناتج لغياب الرقابة و ترهل الدولة و انها مابتقدرش رفع عينها في عين المستثمر او الغني لان بطبيع الحال اللي بيركب طيارة بنسبة كبيرة هو شخص مقتدر

و ده مش مازوخية او ايذاء نفس او هل

لا ده استغلال مبطن لقوة صريحة اللي هي قوة المال و لكنها قوة غير معلنة قصاد سلطة مترهلة اللي هي رقابة الدولة على الشركات دي و ده بيبدا من التهرب من الضرايب و تسريح العمالة بدون خوف و زي مانتي شايفة بيوصل للاستخفاف بحياة الناس

Unknown said...

قريت الخبر من قبل و ده شىء متوقع
للاسف الشديد
دولة بلا رقابة و لا قانون و لا ضمير

Azza Moghazy said...

عايزة اشتم
ممكن ؟؟؟؟؟؟؟؟؟؟

Bella said...

Alkomi

اهلا محمد

هي فعلا مشكلة متعددة الجوانب وحتى يتم علاجها يجب ان يكون هناك مجموعة قوانين صارمة التطبيق ولا يتم استثناء اي مخطئ من عقاب شديد وصارم

لكن مايحدث يدل على فساد مستشري واهمال فظيع ضارب في جذور المجتمع بالكامل حتى ان الركاب يستمرؤون المشاركة في هذه المهزلة دون ادني خوف على حياة المخالطين لهم من اهلهم واقاربهم

مش عارفة يعني الناس دي بتفكر ازاي وعايزين يوصلوا لايه بالضبط

اللى فارسني اكتر التستر على الشركات وعدم اعلان اسمها مع ان الاولى فضحها وتجريسها

بس تقول ايه في بلد الفساد والرشوة اساس التعامل في كل مكان فيها

للاسف

Bella said...

بدراوي

اهلا وسهلا

الدولة فعلا بلا رقابة ولا ضمير ولا اخلاق

والشعب يشارك في هذه المساخر بكل همة ونشاط الحقيقة

Bella said...

عزة مغازي

اهلا وسهلا

والله ياستي انا مش بس نفسي اشتم

انا لو ايدي تطول اي حد في الاشكال دي اطلع زمارة رقبته في ايدي

العالم دي عايزة تتعدم في ميدان عام

اشتمي براحتك

karim said...

لازم المصريين يبقوا مميزين عن غيرهم هو احنا اى حد دة احنا فراعنة ولا ايية, مفييش فايدة, تحياااتى

مـحـمـد مـفـيـد said...

لاننا من مدمني اللامبالاه
فلا تتعجبي من اي تصرف ناتج عن غباء منا

amr_mt said...

أنا بصراحة مش شايف في هوجة أنفلونزا الطيور غير مبيعات التامي فلو بتاعة رامسفيلد و أنفلونزا الخنازير غير مبيعات أجهزة قياس الحرارة السريعة..، لكن غير كدة غباء تدمير صناعة الدواجن .. عشواية التعاطي مع مزابل الخنازير.. غباء الأولويات مثل حملات شلل الأطفال التي رغم أهميتها لا تحتاج مثل ما يحتاجه مسببات وفاة كبرى ننفرد بها بين شعوب العالم كالفشل الكلوي و فيروسات الكبد، الإنفاق الهائل على مستشفى السرطان و عدم ترشيد الإنفاق في مبيدات و تقاوي مسبباته و محاكمة مسئولي جلبه

الخبر دة فهلوة و نصاحة من مساكين شايفين صحتهم عال و مش عايزين وجع دماغ من حكومة متأكدين انها هتعاملهم بغباء

hasona said...

السلام عليكم

هو مش غباء
لكن كالعادة فهلوة
ونفكر ازاي نضحك ونمر من كل شئ

وكيف نتفادي القوانين ونبحث عن ثغرات دايما

ولأن الدولة عجت بالفساد والمفسدين

أصبح الجميع يرحب بأي فكرة من شأنها تضيع الحقوق علي أصحابها

ولأننا بدولة يأكل فيها القوي الضعيف
فالكل يستأسد أمام اللوائح والقوانين
والتي هي مهلهلة أصلا

karakib said...

:)
كل يوم جديد ... غير سعيد و الهبل بيزيد

karakib said...

:)
كل يوم جديد ... غير سعيد و الهبل بيزيد

سبهللة said...

قريت الخبر دة واتحرق دمى بجد
وعلمت له بوست من كام

ربنا يستر علينا
بجد انا بقيت مرعوبة ونقلت رعبى لأبنى
اللى رافض يبوس اى يحد حتى تيته
وكل شوية يقولها
لأ يا تيتة عشان انفلونزا الخنازير

اللهم راحمنا بما ترحم به عبادك الصالحين

تحياتى لكى يابيلا
وبجد وحشتنى كتابتك

يا مراكبي said...

فعلا الغباء ده قدرات برضه

ادينا (دون العالم كله) دبحنا الخنازير

وبعدين؟

هل منعنا المرض؟ ابدا .. بالعكس .. لأن ما كانش فيه علاقة .. وساعتها الناس ضحكت علينا برة .. والنهاردة اتأكد اننا أغبياء فعلا

الهـــــــــــدف said...

السلام عليكم
الموضوع هام وخطير .... واحنا للأسف الشديد خدنا علي كده
ليه ... لان قفانا ... بيتحمل كتير
علي راي المرحوم فؤاد المهندس
مش كده ولا ايه
بس كلامك جه في الجون وسجل أحلي ( هدف )