Saturday, May 3, 2008

ليه بنحبك ياريس؟

إخواني وأخواتي الاعزاء
ماهانش علي أقرا لوحدي مقال من اروع المقالات
وعملا بالمثل القائل اللى يقرا لوحده يزور
وفي قول آخر اللى يقرا لوحده يتفرس

فقلت نقرا سوا ونتفرس مع بعض

ههههههههههههههههههه

بقيت شريرة قوي صراحة

ليه بنحبك ياريس ؟

ملحوظة صغيرة ومقطقطة

ياريت تركزوا على السطر الاخير في المقال هو ده اللى في الخلاصة والزُبد


15 comments:

مبرمج حر said...

ههههههههههههههههههه
المقال دة كان ناقصه موسيقي حالمة فى الخلفية ويبقي عشرة على عشرة

Bella said...

مبرمج حر

اهلا وسهلا

بس بذمتك مش كوميدية المقالة؟؟

علشان بس تعرفوا الواحد بيتعب علشانكم قد ايه
تصور بقالي كتير ماباشتريش اخبار اليوم
ومابافكرش وانا فاتحة النت ابص عليه
بس هفتني نفسي على راي واحد مشهور بهفة النفس اني ابص على اخبار اليوم ومتوقعة الاقي مقال جبار من مقالات الاستاذ القط
الله يميز ايامه كمان وكمان

هههههههههههههههههههههه

بس فعلا المقال كان محتاج موسيقى حالمة

ههههههههههههههههه

M@RV3L said...

بلاش 30% كفاية25 !!؟؟..ما بلاش خالص احسن..هو بيبقش من جيبه..دي فلوسنا

بس النسخة الورقية كويدية اكتر.. فيها صورة كبيرة للريس وهو بيلاعب سنابل القمح مش عارف في توشكى ولا في اني داهية

هاين عليا اقوله يجيبلنا شوية نعملهم عيش بدل ماهو عمال يلعب بيهم ويتصور جنبهم

بجد بقت صورة مستفزة جدا

بحب السيما said...

والله العظيم لو ماكنتيتش قولتيلى ان ديه مقالة لرئيس تحرير اخبار اليوم
كنت افتكرتها مقالة ساخرة وفى الجون كمان
احا ياجدعان هو لسه فيه كده
والله لو بايدى لا ديله جايزة النفاق الاولى , وحتكون عبارة عن قط مسمسم جميل بيقول كل يوم الصبح .. بحبك وبموت فيك ياريس

الطائر الحزين said...

الله يسامحك

wanna b a bride said...

سنوات مرت وكأنها حلم جميل داعبنا، وجعلنا نبتسم لكل أيامنا.


و النعمة الجملة دي بالمقالة بحالها

:))

أنا جاية أساسا أشكرك عشان وضحتي المضوع في مدونة مصر في الكلبش

لكن لازم أشكرك مرة تانية ع المقال الكوميدي ده

وجهة نظري said...

لأ بجد دا أكيد بيتريق، صح؟ دي مقاله ساخره ومش حصدق غير كده. 010 و012 وزيرو جيبونا كمان

هوا المجاري مش طافحه دلوقتي؟ هوا إحنا مكلناش حمير وكلاب ميته؟؟ أقربها مزرعة تابعه للحكومة في طلخا بتاعت الفراخ. في عهده أكبر قضايا فساد بالمليارات محصلتش في تاريخ مصر. في عهده إنهارت الزراعه في مصر تماما. وفي عهده الأسعار مبتزيدش 10% في السنه دي بتزيد 100% كل شهر. وفي عهده المصريين بيموتوا بالزوفه ومحدش واخد باله. وفي عهده بقت بلاد جربانه ليها كلمه علي مصر

نقول كمان والا كفايه؟

أخر سنه وإنت طيب يا ريس

مـحـمـد مـفـيـد said...

والله دي بقي من اجمل النكت
ده الراجل مصدق نفسه

Che_wildwing said...

شعب أصيل
ورئيس رصين
هناك صحفيين وكتاب ارتضوا أن يكونوا مع الشعوب
وهناك من ارتضوا أن يكونوا "مع الرصين"

mostafarayan said...

لولا اني شايف بعيني في محرك البحث عنوان اخبار اليوم وشايف العلامة بتاعتهاعلي الموقع انا كنت قلت دة واحد بيتريق بس دماغه عالية قوي
لاء بجد الراجل دة الكرسي جننه قال وانا كنت بقول سمير رجب اخرالرجال المنافقين طلع سميررجب جنبهم اقوي المعارضين
اشكرك لأنك ضحكتيني علي الصبح انا لحد دلوقتي مش قادر امسك نفسي

حـنــّا السكران said...

لا أريد أن أصدّق أن هذه افتتحاية في جريد أخبار اليوم المصرية ..وأن اللي كاتبها هو رئيس تحرير ..أنا ضحكت كتير أول ما قريتها ..بس بعدين شعرت بحزن شديد .. هذا فوق احتمال العقل يا بيلا ..أعتقد أن طفل صغير يخجل من كتابة ما كتبه هذا الرجل ..ما كان ناقص إلا يبكي بين السطور من السعادة ..شيء مضحك مبكي فعلا ..
الصحافة في البلاد العربية أصبحت شغلة المنافقين و الناس اللي ما عندها أي شيء تخاف عليه ..إلا من رحم ربي طبعا ..و في الصحف القومية و الاخرى التابعة للأحزاب و المال السياسي ..لم يرحم ربي أحد بكل تأكيد ..و على مسؤوليتي

Sherif said...

Bella عزيزتى

دعيت لك فى الكعبة ان ربنا يصلح كل احوالك .. ويرزقك الرزق الواسع والصحة .. ولماما بطول العمر والصحة والعافية ..وبأن يحفظكم جميعا من كل شر

ربنا يجعل دعائى من نصيبكم

آمين

adhm said...

يا جماعة انتوا فاهمين الراجل غلط خالص
الاخ ممتاز يقصد السخرية من الرئيس بهذة التفاهات
المقال دة ينتمى لعلم التأتيت
يعنى بالعربى هو بيحاول يوصل للرئيس معلومة بس مكسوف يقولها _ماهو برضة بنى ادم وبيحس وبيقول اى_الا اذا كان الاخ ممتاز اهبل وعبيط وبريالة وفى الحالة دى مكانة الطبيعى جونينة الحيوانات باعتبار ة فى النهاية مجرد قط واحنا عدى علينا شهر فبراير وتلاقية لسة ملاقاش اللى يريح بالة

koko said...

اكيد الراجل ده دماغه عاليه .. انا واثقة انه بيسخر من الحال بس بطريقة ماتوديهوش فى داهية ..

اصل الكلام بجد يضحك يموت من الضحك .. مش ممكن يكون فيه حد معتوه للدرجه دى .. الا الى يصدقه ..

Ahmed Ashraf said...

Hi ,
Your site is very niceeee , this is my site pls , let me show it :
مصراليوم
مشاركة ارباح ادسنس
منتديات مصراليوم هى منتديات مصرية عامة تهتم بكل ما يهتم به المصريين , لدينا على منتديات مصر اليوم كل جديد و هذه هى اهم مواضيع المنتدى
اقسام منتديات مصر اليوم :
الحوار العام - شعر , قصائد - بحث , مقال - اخبار الفن - اخبار مصر - اخبار التعليم فى مصر - صور - اغانى , كلمات اغانى - افلام , مسلسلات - نكت - فيديوهات
قنوات , ترددات - العاب - كلية الطب - كلية الهندسة - رسائل موبايل - عروض الشبكات - قران كريم - برامج انترنت - اخبار الرياضة المصرية - مباريات بث مباشر - اسعار سيارات - اسعار موبايلات