Wednesday, May 14, 2008

السنيورة جاب جاز


هههههههههههههه

تابعنا جميعاً حرب المؤتمرات الصحفية والمؤتمرات المضادة التي كانت دائرة على الساحة اللبنانية مابين جماعة الموالاة لأمريكا وإسرائيل بقيادة الخطيب المفوه الذي لايُشق له غبار ولا يجوع له تيار ولاتنطفي له نار سعد الدين الحريري المدعوم رأساً من السعودية والمتزعم لحكومة الأغبيا والمعارضة التي شنت عليها وسائل اعلامنا الصفراء حرب شعواء طيلة الايام الماضية متهمة اياها بأنها ذراع إيران و سوريا في المنطقة وباقي التهم الكوميدية التي تابعناها جميعا على الفضائيات والجرائد والمجلات وحتى ورق التواليت لم يسلم من هكذا تصريحات استبدلت العدو الاسرائيلي والامريكي بإيران ومعها سوريا الشقيقة التي استيقظنا على عدواتها بين ليلة وضحاها وسبحان من له الدوام.

وأخيراً ياسادة يبدو ان حليب السباع الذي تناوله السنيورة اليومين الماضيين وتناول منه معه ابن الحرير ووليد بك جنبلاط وسي سمير جعجع كان مغشوشاً والسبع كان قطة ولم تُفلح جهودهم الحثيثة لإشعال حرب طائفية مزعومة بين السنة والشيعة وتراجعوا عن القرارين الذين كانا سبباً في الأزمة التي تكادت تودي بلبنان لحرب أهلية لاقدر الله. وتم خلالها تجييش الجيوش والتحريض العلني على المقاومة بشكل اقل مايُقال عنه أنه حقير ثم التحريض بعد ذلك على الجيش الذي لم يساعدهم في تنفيذ مخططاتهم بالاشتباك مع رجال المعارضة وانكشف المستور وظهرت الاسلحة والميليشيات المدعومة من السعودية وامريكا للقضاء على المقاومة بالتعاون مع دول عربية مشهود لها بالاعتدال في المنطقة وبالحكمة والرزانة في التدخل في أزمات المنطقة.

نشكر الست القطة صاحبة الحليب وندعو السيد سعد الدين الحريري ان يكف عن هكذا ألعاب ويتمرن على لعبة تناسب قدراته العقلية

أما السيد السنيورة فمعذرة ياسوني المدمرة كول طلعت جاية لسبب تاني
ههههههههههههههه

أما جنبلاط وجعجع

أتفووووووووووووو

ونشكر السادة وزراء الخارجية العرب الذين وقفوا ضد الاقتراح السقيم بإرسال قوات عربية للبنان
ونطالب السيد عمرو موسى باحترام نفسه بدلاً من هذا الإسلوب الرخيص

كسفتنا الله يكسفك

أما النكتة الحقيقية في هذه المسرحية فهي عرض الكويت بالمشاركة في القوات العربية التي كانوا ينوون تشكيلها

ههههههههههههههههههههههههههههههههههه

خلاص مش قادرة

أما صحفنا الصفراء والبرتقالية التي انكشف وجهها القبيح واتضحت عمالتها لامريكا واسرائيل فخلاص ياشباب كل واحد فيكم يلم ورق التواليت اللى قدامه ويورينا عرض قفاه

جاتكم القرف كلكم


شكرا لكل العقلاء من اهل لبنان وساستها الحقيقيين الذين يستحقون حقاً أن يقودوا البلاد ولا عزاء لعلماء السلطان الذين أرادوا اللعب على وتر الفتنة الطائفية ولم تُفلح جهودهم.


7 comments:

مصــــري said...

أنا رديت في مدونة كل المدونين العرب.
نفس الرد بالضبط.
هو إنتي بتنشري مقالاتك هناك الاول؟
عموماً الرد موجود هنا كمان.

موضع ممتاز ومتابعة جيدة.

بالنسبة للدول المشهود لها بالرزانة أعتقد أنها "كانت" موجودة...لكن الآن لا أعتقد.

وطبعاً لا يخفي علي الجميع أن الرجال الذين يتراجعون عن قرارات أطلقوها.
هم من يتحكمون في مصير الشعب اللبناني.

الساسة العرب يحتاجون الي تغيير شامل وجذري.

عندك حق في شكر وزراء الخارجية العرب.
وإن لم يكن هناك داعي لقولك علي السيد"عمرو موسي".
يكفي أنه العربي الوحيد الذي مازال عنده أمل وجود رئيس للبنان

تحياتي
أسامة

جبهة التهييس الشعبية said...

لو سمحتي لو سمحتي
ده مش تراجع
دي خطوة لقدام
هم قالوا كده، بس هم بيمشوا في الجزمة الاول

بس انا برضه خايفة
اصلهم لما بيسكتوا كده بيبقوا بيدبروا لمصيبة
وقوع البلا ولا انتظاره
هي القيامة مش ح تقوم بقى
:)

دعاء said...

دي ناس جبانة ..مهما كان الشخص عامل فيها شجاع وجريء لكن بيتهيألي جوه نفسه بيبقى عارف انه حقير وزبالة..

يعني معتقدش معتقدش أبدًا ان واحد زي جعجع ولا جنبلاط ولا الاخ نجل الحريري دول فاهمين بجد انهم على حق

علشان كده جابو ورا

كله كوم والكويت بتاعت القوات دي كوم..بجد اهو الموضوع ده خاصة كل ما أفتكره أسخسخ من الضحك..

الكويت هتبعت قوات

والله لو أردنا الحق يبقى هو ده الأمر المنطقي الوحيد..مهو كل احداث الموقف مسخرةوماشيه بالمقلوب..

وأمريكاوأسرائيل حلوين و حزب الله وسوريا وحشين

اشمعنى بقى الكويت متبعتش قوات؟؟

جبهة التهييس الشعبية said...

لو سمحتوا لو سمحتوا

الجيش الكويتي اثبت شجاعة اشاوس في حرب الكواكب
وللا انتوا ناسيين؟

دكتور كسلان said...

انا اول ماشفت وليد جنبلاط فى المؤتمر الصحفى
ضحكت جامد جدا
لقيت وشه اصفر خالص لدرجة انه صعب عليا
ولا فؤاد السنيور والطفل سعد الحريرى
زى ما يكونوا عملوها على روحهم

مع ان السيد حسن نصر الله قالهم
انصحكن ما تجربونا
ما فيكن تجربونا
يستاهلوا بقى اللى حصلهم

كانوا فاكرين ان امريكا هتتدخل
ولا حسنى وعبد الله هيقدروا يعملوا لهم حاجة
اللى ما يعرفوهوش ان دول اجبن منهم

بس بجد ضحكت من قلبى على اقتراح الكويت

الحقسقة كان شكلهم وحش اوى
رجعوا فى كلامهم زى العيال
السنيورة بيقول ان دول لسه مش قرارين
ومجرد مرسومين ولم يرقوا الى القرار
وطبعا خدوا بالجرمة والقراريين او المرسوميين ما اتنفذوش
والعميد شقير رجع تانى لامن المطار
وشبكة الاتصالات ما حدش قرب ليها

كله ولا الشيخ سعد
اللى مصدق نفسه بجد وفاكر ان هم اكثرية بجد
لولا حادثة اغتيال ابوه ما كانوش بقوا اكثرية
عامل زى اللعبة فى ايديهم
جعجع بيحلم بالرئاسة
وجنبلاط الخاين عايز يدمر المقاومة
ويبقاله نصيب فى الكعكة هو كمان


فى النهاية عايز اشكرك ع الموضوع المهم ده
لان من النادر اما بلاقى حد بيتكلم فى ازمة لبنان
وقليلين اوى اللى فاهمين الموضوع زيك
عذرا ع الاطالة

سلااااااااااااام

بنت القمر said...

عندي سؤال في مدونتي احب اعرف اجابتك عليه
إن رغبت تحياتي

هشام علاء said...

كلام جميل ماقدرش اقول حاجة عنه


ربنا يحفظ لنا لبنان الجميل من نار الطائفية و مثيرى الفتنة التى لا ترحم نارها لا اخضر و لا يابس و لا كلمات و لا الحان


ملحوظة
انا ما عم جرب غير البلد و بسحب كل اللى قلته
انا عم جرب غير البلد...شوها الحكى
انا ما عم جرب غير البلد و ماعم جرب غير شى
انا عم جرب بس ما خلى ها البلد يغيرنى
هيدى واحدة.. يعنى اذا بتظبط معى......انتصار
من " العقل زينة" لزياد الرحبانى