Friday, May 2, 2008

عودة للنكد


الحقيقة الخبر من كتر فجاجته يحرق الدم
حاجة تقهر فعلا

خلاص ياجماعة مبروك عليهم وعليهم برضه

الغاز المصري يتدفق لإسرائيل

في الوقت الذي تشارك فيه مصر في حصار غزة وتجويع اهلها تقوم بتوصيل الغاز لاعدائنا وقتلة ابناءنا واخوتنا واباءنا على مر العقود الماضية وبسعر مدعوم

اين شيوخ الفتاوى ؟؟؟
وماحكم الشرع في هذا التصرف؟؟

أم أن الغاز الطبيعي لم يرد ذكره في كتب تفصيل الفتاوى ولهذا لن تصدر فتوى بخصوصه !!!!

تعيرنا الحكومة بدعم الخبز وتمن علينا في الطالعة والنازلة بما تتكبده ميزانيتها من اجل إطعامنا العيش الحاف وفي نفس الوقت تمد إسرائيل بالغاز المدعوم وليس لعام واحد
ولا اثنين
ولا حتى لثلاث سنوات

بل حسب موقع مصراوي 15 سنة
وحسب موقع الجزيرة 20 سنة

وطبعا جرت هذه الصفقة في جو من التعتيم الشديد ولم تُعرف بنود هذه الاتفاقية المشبوهة !!!!

ولاعزاء للمنتظرين في طابور العيش أو اي طوابير أخرى

ولا نملك إلا أن نهنأهم على ماوصلوا له ونبحث لأنفسنا على مكان لم يتم بيعه لنحفر فيه مقبرة جماعية تسعنا جميعا

تحديث

شركة الكهرباء الإسرائيلية حصلت على الغاز المصري "مجانا" لمدة شهرين


15 comments:

خمسة فضفضة said...

السلام عليكم ورحمة الله وبركاته

هانقول ايه بس يا بلا غير حسبنا الله ونعم الوكيل

بيمدو اعدائنا بالغاز لا وكمان اسعاره مدعمه واقل من الاسعار العالميه بكتير
ومستكترينه علي الشعب الغلبان

فشلو في توصيل الغاز الطبيعي لكل بيوت مصر ونجحوا بكل جداره في توصيله لحد اسرائيل علي طبق من ذهب لا وكمان اكيد انت فاكره ازمة انبابيب البوتاجاز اللي بتحصل كل سنه قرب رمضان والعيد

دا غير ان كان في اشاعات قويه جدا ان الحكومه ناويه تشيل الدعم من علي انيوية البوتاجاز وبدل ما تبقي ب 5 جنيه هاتبقي ب 35 وادينا عرفنا هي عاوزه تشيل الدعم ليه وطبعا اذا عرف السبب بطل العجب

وكل ده عشان خاطر عيون الست اسرائيل ، مش عارفه ليه يعني هي ماسكه علينا ذله
مش كفايه اللي عامليونه في اهل غزه ،والبذور المسرطنه اللي بيبلونا بيها كل شويه والتخريب اللي عملوه في قطاع الزراعه بعد الاستعانه بخبراء اسرائليين آل يعني مصر اللي علمت العالم الزراعه تحتاج خبرا يعلموها ومنين من اسرائيل !!!!!!!!!!!!!!!!!!!!!!!

حسبنا الله ونعم الوكيل

هوندا said...

لا حول ولا قوة الا بالله اانا مش عارفه المفروض انى ابرر فوايد الموضوع ده لعقلى ازاى؟؟
يعنى ايه ياترى الفوايد الى احنا اخدناها م الحركة دى
!!!!
مش فاهمه انا حتى مش عارفه اكتب ولا افكر حاسه ان تفكيرى مشلول
يكنوش ماسكن علينا زله؟؟

آفاق الحرية said...

مش عارف اقول ابه بصراحة
يعني اقول حراام
ولا اعمل ايه
مش عارف
والله الواحد زهق من الحكومة ده
كل شوية يعملوا مصيبة اكبر من اللي قبلها
المشكلة انه الخبر اتذاع في الجزيرة بعد خبر الافراج عن سامي الحاج
وده اغضبني كثيرا
ثانيا
المشكلة الاكبر
انه الغاز موصلش لكتير من مدن وقري مصر
اصل اسرائيل اولي دلوقتي

مصــــري said...

كل ماأريد معرفته كيف وضعوا أيديهم في يد بنيامين اليعازر بعد فضيحة الفيلم الذي تكلم عن اسري 1967 .
أهكذا نمتلك الكرامة.
بوضع ايدينا في أيدي تلطخت بدم أبنائنا
ربنا علي الظالم.

Bella said...

خمسة فضفضة

مرحبا بك

والله يااختي الواحد محروق دمه خصوصا من كتر المصايب اللى نازلة ورا بعضها
يعني الناس مش بتلحق تفوق من حاجة تلاقي التانية لاضمة فيها زي مايكون عقد ومليان خرز

حاجة تحرق الدم

وبعدين الناس صدقت قبل كده الكذبة اياها لما قالوا انهم ح يوقفوا ضخ الغاز قال ايه علشان يضغطوا على اسرائيل توقف عدوانها على غزة

راحت اسرائيل فضحتهم وقالت ان وقف الضخ بسبب عيب فني في خط الانابيب

بقالنا فترة بنعمل العملة ونكذب وهم من بجاحتهم بيفضحونا على صفحات جرايدهم

اللى يشوف كده يحس فعلا ان الحكومة دي عاملة عملة والصهاينة ماسكين عليهم زلة وشغالين فيهم ابتزاز

حاجة تغيظ صراحة

تحياتي

Bella said...

هوندا

مرحبا بك

ماتتعبيش نفسك وتحاولي تدوري على اي فوايد

لم يعد هناك اي فوايد تعود علينا نحن العامة والدهماء والغوغاء

الفوائد تذهب مباشرة لصاحب نصيبها

ماسكين عليه زلة بقى ماسكين له عصاية

جزرة

الله اعلم

المهم انهم ماسكين

هههههههههههه

Bella said...

آفاق الحرية

مرحبا بك

انا اتابع الجزيرة من قبل إذاعة خبر الافراج عن سامي الحاج وقد اذاعت الجزيرة خبر بدء ضخ الغاز من قبل خبر إطلاق سراح سامي في احد نشراتها ولم يتكرر الخبر الا متأخراً

لكنه أُذيع من قبل ذلك

هو اصلا الخبر يحرق الدم وفعلا افسد علينا الفرحة بغطلاق سراح سامي الحاج

ربنا ينتقم من كل ظالم

مش عارفة ح يطلعوا يتكلموا معانا ازاي عن الدعم وتحمل ميزانية الدولة لاطعامنا وهم يدعمون اسرائيل في الطاقة

يعني حتى اسرائيل اصبح لها الافضلية عنا

ههههههههههههههه

حاجة تفرس صراحة

الواحد مش عارف يلاقيها منين ولا منين

Bella said...

مصري

مرحبا بك

قلبك ابيض يااخي ماتزعلنيش منك بقى

يعني اصلا السيد الوزير احمد ابو الغيط رغم اذاعة الفيلم على التليفزيون الاسرائيلي قال بالفم المليان انه ينتظر رد رسمي

مش عارفة رد رسمي على ايه اذا كان من اذاع الفيلم التليفزيون الرسمي !!!!

ثم العالم دي لافارق معاهم شهداء 67 ولا 73 ولا حتى لو اسرائيل ضربت مصر وسحقت شعبها دلوقتي ح نفرق معاهم في اي حاجة

لا لهم ابناء في البلد دي وفي جيشها ولا تلاقي ابناءهم عايشين هنا اصلا

يعني خطوة والتانية وتلاقيهم ركبوا اقرب طيارة من جراج الطيارات الخصوصي وبلغوا فرار

بس ياسيدي

مافيش اسهل من كده

مش تقولي حاطين ايدهم ازاي

طيب خليك في السموم اللى بتنقع حوالينا في كل مشروع

هو يعني الاحياء الموجودين في البلد دي مش لهم قيمة يعني المفروض

اذا كانوا اصلا مش عاملين حسابنا احنا اللى بينهبونا في الطالعة والنازلة ح يعملوا حساب الشهداء

الكلام ده لو عندهم حاجة انقرضت من قديم الازل واسمها احساس

تحياتي

بنت القمر said...

ها اقولك راي صادم كنت بتكلم مع قريب لي وقال ان ده شغل سياسه وربط اسرائيل بينا هو ورقه ضغط عليها مش علينا عشان تفضل محوووجه لنا
ويتحط في ميزان قوتنا
زي ما امريكا بتدينا القمح احنا اللي محتاجينه مش هي
:((
فاهماني
طبعا دي وجهه نظر
وبرضه حار ونار في جتتهم يولعوا بيه يا رب
:)
تحياتي

Bella said...

بنت القمر

مرحبا بك

مش راي صادم ولا حاجة

ممكن ينفع

بس في حالة واحدة

لو بنديهم الحاجة بسعر محترم يعني نقدر ندعم بيه قوتنا

لكن الخيبة القوية ملاحقانا في كل مكان ولابسين ثوب مقطع ومهلهل ومش عارفين حتى نعمل له رقع

طيب حتى لو كنا فالحين في حل اي مشكلة

انما المصيبة اننا بنديهم الحاجة برخص التراب وفي نفس الوقت بنشتري طاقة بالشيئ الفلاني

حتى الطاقة الشمسية عايزين يعبوها ويبيعوها للغرب ونولع احنا بجاز

انا افهم اننا نلعب معاهم اللعب الاستراتيجي ده لو في ايدنا كروت

لكن احنا كاشفين لهم ورقنا كله وخيبة الناس السبت والاحد واحنا خيبتنا ماوردتش على اي يوم في ايام الاسبوع

الطائر الحزين said...

تفتكرى ايه مقابل الغاز

ما هو اكيد فيه مقابل

عارفة ايه

ذل أكثر و أكثر


الا لو حد سألنا انت جنسيتك ايه هنقول له ايه؟

يا مراكبي said...

قصدك إيه بالبوست المغرض ده؟

إيش فهمنا إحنا في الحاجات دي؟

ومين قال إن دول أعداءنا؟

أعداؤنا الحقيقيون بالداخل يا عزيزتي

بنت أبيها said...

يااااه

تصدقي ان الموضوع ده من زماااااااان قوي مووضع الغاز ده

ده المرة دي تلقيهم بيجددوا العقد القديم

وعجبي على هذا الزمن

خيرالدين said...

فئه مندسه صحيح

بتعترضوا على مصلحة البلد

Anonymous said...

أود أن أعرب عن امتناني للسيد بنيامين لي على كل ما قدمه من مساعدة في تأمين قرضنا لمنزلنا الجديد هنا في Fruitland. لقد كنت منظمًا وشاملًا ومحترفًا ، فضلاً عن كونك لطيفًا مما أحدث كل الفرق في تفاعلاتنا معك. نضع ثقتنا فيك وأنت بالتأكيد جئت من أجلنا. نشكرك على سعة صدرك وكذلك معاملتنا كأشخاص وليس مجرد عملاء لقرض سكني. أنت تقف فوق البقية ، أود أن أوصي أي شخص هنا يبحث عن قرض أو مستثمرين بالاتصال بالسيد بنجامين لي وموظفيه لأنهم أناس طيبون ذو قلب لطيف ، السيد بنيامين لي ، اتصل بالبريد الإلكتروني: 247officedept@gmail.com



مع تحياتي،
جون بيرلي! قبعاتنا لك !! "