بعد أن خطب بوش خطابه التاريخي في منتدى دايفوس الاقتصادي بشرم الشيخ والذي أفاضت جرائدنا في وصف تبعاته وتحلق المحللون حول الموائد يرصدون تبعات هذا الخطاب الذي زلزل الاركان أهديكم هذه القصيدة الخالدة التي اصبحت علامة من علامات السياسة الأمريكية على كل قفا في المنطقة العربية وإهداء خاص لنوارة نجم التي أسعدتني أيما سعادة بهذه التدوينة
كل شعب و له قفاه
يصونه و يحافظ عليه
هوه شرفه في الحياة
يموت و ميفرطشي فيه
الطلاينه و الانجليز
القفا بتاعهم لذيذ
و الفرنساوي جميل
انما حر و عزيز
و القفا الاسباني يشرح
و القفا الالماني يفرح
و الياباني كله رقه
انما تقربله لأه
و القفا الكوري الشمالي
لحمه مر و دمه غالي
ليه قفا العالم مكرم
لمسه ممنوع أو محرم
و القفا العربي الاصيل
للاسف اصبح ذليل
كتر ضرب الخلق فيه
عرَّضه و خلاه طويل
داس عليه الامريكان
و انكوى بنار اسرائيل
و احنا دايما في السكوت
خرس ملناش أي صوت
م الاهانة و الاستكانه
القفا قرب يموت
بس أنا خايف ياناس
غدر أولاد الزبانية
لو قفانا مات خلاص
يضربونا في حتة تانية
يصونه و يحافظ عليه
هوه شرفه في الحياة
يموت و ميفرطشي فيه
الطلاينه و الانجليز
القفا بتاعهم لذيذ
و الفرنساوي جميل
انما حر و عزيز
و القفا الاسباني يشرح
و القفا الالماني يفرح
و الياباني كله رقه
انما تقربله لأه
و القفا الكوري الشمالي
لحمه مر و دمه غالي
ليه قفا العالم مكرم
لمسه ممنوع أو محرم
و القفا العربي الاصيل
للاسف اصبح ذليل
كتر ضرب الخلق فيه
عرَّضه و خلاه طويل
داس عليه الامريكان
و انكوى بنار اسرائيل
و احنا دايما في السكوت
خرس ملناش أي صوت
م الاهانة و الاستكانه
القفا قرب يموت
بس أنا خايف ياناس
غدر أولاد الزبانية
لو قفانا مات خلاص
يضربونا في حتة تانية
28 comments:
ههههههههههههههههههه
حلوة قوي
بتاعة مين دي
تحاتى لكى على نشر هذة القصيدة
احمد الجيزاوى
ههههههههه حلوة يا بيلا بجد قوى
عجبتنى بس قفانا يا امى ارحمينى انتى عارفه المشكله اننا اللى مدينه للكلاب بره وجوه
وعلشان بنقول عادى وكبر فمدينهم الحق فى كده
بس كل واحد وله نهايه صدقينى
تسلم ايدكى لو انتى اللى كاتبها
او نقلها بجد حلوة
بيلا
رائعة جدا جدا
بس "القفا" خلاص مات منذ زمن
هم بالفعل يضربوننا في مناطق أخري,يضربون شرفنا وأعراضنا.
إنها الحقيقة للاسف الشديد
قصيدة رائعة
تحياتي
أسامة
برافو و الله لذيذة جدا
اه يا قفا اه يا قفا اه يا قفا اااه
محدش غناله مع انه بيستحمل كتير
السلام عليكم ورحمة الله وبركاته
هههههههه
والله يا بلا عندك حق
شر البليه مايضحك فعلا
بس الابداع ده بتاع مين
:-)
اهلا نوارة
ربنا يخليكي
دي عندي من زمان وللاسف الشديد زي اغلب الاشعار الجميلة مجهولة الصاحب
دي بقى ياستي لها ذكريات مريرة جدا لانها وصلتني على الميل ايام القفا الاكبر اللى لطعهولنا بوش على قفانا كلنا في العراق
كنت كل شوية ابص لها وافتكر منظر القوات الامريكية وهي بتدمر العراق وبتسحق معاها كرامتنا واحنا بنتفرج على اشلاء العراقيين على الفضائيات
القفا الجديد قلب علينا كل الضربات
أحمد الجيزاوي
مرحبا بك
العفو اي خدمة
مستعدون لتوصيل القصائد والمعلقات للمنازل
هههههههههه
المهم الناس تقرا
تحياتي
appy
مرحبا بك
والله لو كنت كاتباها كنت ح اعترف على طول
هههههههههههه
بس الحقيقة هي من ابداعات شخص تاني ومش عارفة اسمه
هي كانت وصلتني على الميل من فترة ايام غزو أمريكا للعراق ومن ساعتها وهي عندي
بس الصراحة يعني المقانة بين قفانا وأقفية الناس التانية مقارنة ممتازة لاننا فعلا سايبين قفلنا لكل من هب ودب يتمرن علينا لغاية ماكلهم اخذوا بطولات عالمية في ضربنا على قفانا واحنا مش بنتحرك ولا حتى بنتململ
مش عارفة ح نفضل مستحملين لامتى
ده لو كان قفا كاوتش كان داب واتهرى
ههههههههههه
تحياتي
مصري
مرحبا بك
والله يااسامة ياخويا لاعتبارات اخلاقية لم اشأ التحدث عن الاماكن الاخرى واللبيب بالإشارة يفهم واحنا ماشاء الله علينا ماعادش حيلتنا غير اللب وبنفهمها وهي طايرة
هههههههههههه
بس امتى نصحى بقى ونفوق
الله اعلم
تحياتي
wade7
مرحبا بك
الله يخليك
هو صحيح القفا مظلوم لكن يُحسب للفنان العبقري محمود عبد العزيز رائعته الخالدة في قلوب الملايين
آه ياقفا آه ياقفا
ههههههههههههه
تحياتي
خمسة فضفضة
مرحبا بك
والله يااختي الابداع ده للاسف الشديد مجهول المصدر لانه وصلني على الميل
وكان بودي يكون معروف اسم صاحبه احتراما لحقوق الملكية الفكرية
بس نعمل ايه بقى
النظام في البلد دي كده
كل ابداع مستباح زي ماكل شيئ مستباح
هههههههههههه
تحياتي
حلوة
هى بالرغم من انها مكتوبه من زمان زى ما قلت
لكنها صالحه لكل الاوقات
قفانا لسه يا ما هيشيل
تقريبا هو من النوع الاصلى
اخيرا لقيت حاجه اصلى فى البلد دى
الشعر ناطق ومش محتاج تعليق
العجيب ان ولاد الزبانية عملوا
بنصيحة الشاعر وبدؤا يضربوا في حتة
تانية..وبدؤها باحكام شرفاء الاخوان
.
.
.
وانت اخبارك ايه يا فندم...؟!
(:
هههههههههههههههه
حلوه جداااا
بس ابوالعربى محافظ على قفاه
زورينى وهتعرفى
ابوالعربى
ههههه
مش محمود عبد العزيز غنـّى للقفا كمان في فيلم الكيف ؟؟؟ على أساس انه القفا مظلوم و ما حدا بيغنـّيله
ههههههه حلوة يا بيلا
التفكير دلوقتى في تركيب قفا سيراميك
عشان يستحمل أكتر
ويطرقع أكتر
بعد القفا يا تري الدور على ايه بالظبط
:(
اختيار ممتاز وفى وقت مناسب جدا والقفا لسه سخن والعيش طالع من عليه مستوي
تحياتي يا بيلا
مواطن مصري
مرحبا بك
ربنا يحلي ايامك يارب
تحياتي
e7na
مرحبا بك
هي فعلا صالحة لكل زمان وكل قفا خصوصا ان الضرب مازال مستمرا
نعمل ايه بقى
بس على فكرة القفا مستحمل مش لانه اصلي
هههههههههههههه
لانه تخن من كتر الضرب
تحياتي
بيتنا القديم
مرحبا بك
انا بخير يافندم ربنا يخليك
هم ولاد الابالسة الحقيقة ابتدوا يضروبا في حتت تانية من بدري حتى من قبل احكام الاخوان
بس يظهر اننا من كتر الضلمة والضرب مش شايفين الضرب نازل فين ومنين
ههههههههههههه
تحياتي
ضد الظلم
مرحبا بك
ومرحبا بابو العربي
رحت يافندم وعجبتني المدونة جدا وبلغ سلامي لابو العربي وخليه دايما يحافظ على قفاه
تحياتي
حنا السكران
مرحبا اخي العزيز
الحقيقة محمود عبد العزيز كان عنده نظرة مستقبلية رهيبة لما غنا للقفا في فيلم الكيف
ههههههههههههههههههههههههه
تحياتي
Che_wildwing
مرحبا بك
مشكلة القفا السيراميك انه صحيح بيطرقع لكن سهل الكسر
ح نلاقي نفسنا بقى دخلنا في متاهة تغيير القفا المكسور وتركيب وفك وشغلانة بقى
شوف لنا فكرة طليعية تانية غير السيراميك دي
مش ناقصين احتكارات الله يخليك
ههههههههههههه
تحياتي
Nsreen Bsunee
مرحبا بك
كل واحد ومكان مايستحمل بقى
ههههههههههههههههههه
بعدين بلاش سيرة العيش الله يكرمك مش ناقصين تقليب مواجع والناس رجليها تعبت من الطوابير
هههههههههههههه
تحياتي
روعه بجد اوجزت فا انجزت
رئيس جمهوريه نفسى
مرحبا بك
اشكرك كثيرا واتمنى دوام الزيارة
تحياتي
Post a Comment