Saturday, July 21, 2007

تخفيض أسعار الإنترنت - خللي بالك من جيبك


أعلن وزير الاتصالات وتكنولوجيا المعلومات ، الدكتور طارق كامل ، موافقة الجهاز القومي لتنظيم الاتصالات على تخفيض أسعار الإنترنت فائق السرعة ADSL بنسبة تفوق 50% (من 95 إلى 45 جنيها شهريا) كحد أقصى لسرعة 256 ك/ث ، مع إطلاق المنافسة في الأسعار لبقية السرعات مع تحديد طاقة التنزيل أو عدد الساعات للربط مع فتح المجال أمام الشركات لتقديم عروض مختلفة طبقا لآليات السوق. وكان الجهاز القومي قد بدأ اجتماعه مساء أمس الثلاثاء واستمر حتى الساعات الأولى للبت فى أسعار الإنترنت فائق السرعة ADSL ، ومناقشة عدد آخر من الموضوعات التى تعم ساحة الاتصالات في مصر في الوقت الراهن.

وحدد مجلس إدارة الجهاز طاقة التنزيل بطاقة تحميل 2 جيجا شهريا أو تحديد عدد ساعات الربط حسب طلب المشترك ، وعند طلب المشترك طاقة تنزيل أو ساعات ربط إضافية يتم سداد المقابل الشهري الإضافي. ومن جانبه ، قال الرئيس التنفيذي للجهاز القومي لتنظيم الاتصالات الدكتور عمرو بدوي إن سعر سرعة 2 ميجا سيظل استرشاديا عند 760 جنيها شهريا بطاقة تنزيل مفتوحة ، حيث أنها مخصصة للشركات والمؤسسات. وأضاف أن مجلس إدارة الجهاز قرر أن تسري هذه القواعد والأسعار الجديدة اعتبارا من أول سبتمبر 2007.
ونوه إلى أن هذه الخطوة من المتوقع أن تؤدي إلى زيادة أعداد مستخدمي الإنترنت في مصر ، والبالغ عددهم اليوم 6.8 مليون مستخدم ، مما سيعمل على توسيع قاعدة المستفيدين من الخدمات الجديدة التي تتطلب سرعات عالية كحد أدنى لتوصيل الخدمة.
ويستكمل مجلس إدارة الجهاز اجتماعه لبحث باقي الموضوعات المعلقة والخاصة بترخيص الجيل الثالث لشركة "موبينيل" ، وسياسة تحرير الاتصالات الدولية ، والخطوط العامة لتحرير خدمات التليفون الثابت. وقال وزير الاتصالات وتكنولوجيا المعلومات الدكتور طارق كامل إن إعادة هيكلة أسعار الاإترنت تأتي في إطار تحديث مبادرة الإنترنت فائق السرعة التي أطلقتها وزارة الاتصالات وتكنولوجيا المعلومات عام 2004. وأشار إلى أن قرار الجهاز القومي لتنظيم الاتصالات يهدف إلى نشر خدمة الإنترنت فائق السرعة في جميع أنحاء الجمهورية والوصول بالخدمة إلى شريحة أكبر من المستخدمين مع القضاء على الوصلات غير القانونية التي يتم مدها من منزل لمنزل ، والتي تقلل من جودة الخدمة وتعوق إنتشار الخدمات الجديدة مثل خدمات الصوت والصورة ، حيث أن خدمة ADSL ترتبط بخدمة خط التليفون وهو مخصص للعين المؤجرة أي لشقة الواحدة. ومن جانبه ، ذكر الرئيس التنفيذي للجهاز القومي لتنظيم الاتصالات الدكتور عمرو بدوى أن وزارة الاتصالات وتكنولوجيا المعلومات والجهاز بالاشتراك مع الشركة المصرية للاتصالات وشركات تقديم الخدمة قامت بتحديد الإطار الجديد للخدمة بعد دراسة وضع السوق الحالي والأسعار الحالية مع الاسترشاد بإحصائيات عن أعداد المستخدمين وحجم استخدامهم للخدمة بالسرعات المختلفة. وأضاف أن هذه الخطوة ستؤدي إلى تحسين مستوى الخدمة وتخفيض الأسعار بالنسبة لمختلف السرعات ، لتكون في متناول أكبر عدد ممكن من المواطنين.

الخبر من جريدة في البلد

*********
طريقة جديدة تستخدمها الحكومة الالكترونية لتقليب جيوبنا وكنس ماقد يتبقى فيها بعد دفع فواتير التليفون والكهرباء والغاز وغيرها من الفواتير الحلزونية التي كبلتنا بها لنجد في إنتظارنا فاتورة جديدة يتم حسابها بطريقة هلامية حلزونية لايُعرف لها بداية من نهاية.
وبدلاً من تشجيع الناس على توسيع التعامل مع النت تقوم بتضييق الخناق علينا بطريقة مختلفة ومبتكرة.
أعتى لصوص العالم يجب أن يأخذوا دروس عند وزرائنا الذين يتفننون كل دقيقة في إختراع وسيلة جديدة لشفط جيوبنا أو مايتبقى في جيوبنا. ولا عزاء للحكومة الإلكترونية

وقال لك ايه قالك آه
شربة الحاج محمود تعالج كل الامراض

16 comments:

Hadota ... حدوتة said...

السلام عليكم ورحمة الله وبركاته
مبسوطة كونى اول حد يعلق

ومبيوطة كمان كون سعر الانترنت نزل النص

اتنا كنت جيبة وصلة لوحدى وبدفع 95 ج فى الشهر اما خلاص كنت هطق
بس الحمد لله يعنى جت من عند ربنا


انا شايفة انها مبادرة حلوة بس برده مش هيقضى على الوصلات غير الشرعية

انا بقول لابن خالتى امبارح النت رخض ابقى هات لوحدك
قالى انا مش ناقص وجع قلب
بدفع 30 ج فى الشهر وسرعة ون جيجا

سكت بصراتحة ومعرفاش ارد



المدونة جميلة واتمنى اكون صديقة
تحيااااتى

عدى النهار said...

حلوة الصورة... بس هو فى حد لسه بيسيب المحفظة فى الجيب الخلفى!! لازم يكون مش مصرى ولا عايش فى مصر

على العموم فين ماتكون هايوصلوا لها

Bella said...

Hadota .. حدوتة

مرحبا بك

هو طبعا مبادرة كويسة ان سعر الانترنت ينخفض

لكن طبقا للشروط المعروضة سعر الانترنت لن ينخفض بالعكس سيرتفع لانه محدد بساعات استهلاك معينة للسعر المعروض واذا المستخدم استهلك ساعات اضافية فسيدفع تمنها بسعر استغلالي جدا وسندخل في دوامة العداد اللى بيحسب ويغالط الناس في عدد الساعات

يعني الاسم ان سعر الاشتراك نزل لكن فعليا هو ارتفع

ثم لو كان سعر الاشتراك معقول ماكانش الناس لجأوا للوصلات غير الشرعية

ربنا يهد المفتري

ويسعدني طبعا انك تصيري صديقة
تحياتي

Bella said...

عدى النهار

مرحبا بك

هو فيه اصلا في مصر حد عنده محفظة

هههههههه
الناس اصبحت على الحديدة خلاص وهم عند الصراف بيقبضوا مرتباتهم بيوزعوها قبل مايروحوا البيت على البنود الكتيرة والفواتير

وزي ماانت قلت لو فين حتى ح يوصلوا لها

دي حكومة الكترونية مش اي كلام

يعني تقدر تفتح المندل الالكتروني وتعرف مخبيين فلوسنا فين وتمد الشفاط الالكتروني يشفط الفلوس

ح نروح منهم فين

عصفور المدينة said...

حسبنا الله ونعم الوكيل
سيهزم الجمع ويولون الدبر
المبادرة دي لن تنجح إن شاء الله ولكن ما أفكر به الآن وزملائي وأحدهم عنده توكيل انترنت وهو أساسا مش عارف إيه اللي بيحصل مسوحينهم
والشركات الكبيرة اتصلنا بيهم ما حدش عارف حاجة أو مش عايزين يقولوا بس على مين انت طبعا شفتي النصائح اللي عندي متهيأ لي إن احنا حنتقشف إلى أن يحصل لهم ما حصل لأسعار المكالمات المحمول
وبعدين واحد زميلنا اقترح إن بدل ما نزور المواقع نديها مسد كول أو بينج
واللي مش عاجبه يشترك 2 ميجا ب السعر الاسترشادي
أنا قلتها زمان ده عقد من طرف واحد

عصفور المدينة said...

نسيت أقول بنفكر إزاي يفشل هذا الموضوع
قال 50 في المية هو ده النظام اللي ماشي رفع أسعار في ثياب تخفيض

Sha2loob said...

أنا معنديش فكرة كبيرة عن الموضوع ده. والخبر مش واضح
بس اللي أنا أعرفه إن في نظامين للانترنت المدفوعADSL
الأولاني: إن الواحد يتحددلة باندويدث محدد مثلا 256 وده اللي كلنا شغالين بيه
التاني بيتحدد بكمية الداونلود يعني مثلاً ليك ليميت 10 جيجا في الشهر
أنا رأيي نستنة أما عروض الشركات تنزل وبعدين نتكلم

Bella said...

عصفور المدينة

مرحبا بك

صراحة الحكاية كده سرقة عيني عينك
ومفروض نشوف ح نعمل ايه علشان نردعهم قبل مايفكروا يعملوه اجباري
لو عملوه اجباري ح تبقى مصيبة وساعتها لو انتظرنا وسكتنا زي كل مرة يجبرونا على حاجة نبقى فعلا نستحق ماوصلنا اليه

مايحدث الآن يذكرني بحكاية الانترنت المجاني والصفر الكبير اللى ضحكوا علينا بيه
وكنا مرتاحين وقت عمل الاشتراكات السنوية وكان ممكن نحصل على تخفيض لما كترت الشركات
لكن بعد عمل الانترنت المجاني اصبحت طريقة المحاسبة هلامية ولانعرف بكم يحسبوا الساعة وكل واحد واجتهاده والفواتير كانت بتيجي نار

وبرضه كانوا من الخبث بحيث اجبرونا كلنا نستعمل الانترنت المجاني ومش عارفة مجاني ازاي وهو كن اغلى من الاشتراك الذي كانت تحسب فيه الساعة كساعة المكالمة العادية


وبرضه شركات الانترنت عملوا نفسهم مش عارفين حاجة وبعدين اتضح انهم متواطئين مع الهيئة لانهم سيحصلون نسبة من الفواتير اذا دخلت بارقامهم

يعني الخلاصة بيبيعونا لبعض

ولو رضخنا لاسلوبهم يبقى كل وحد فينا يحترم نفسه ويبطل انترنت
يعني ح ندفع فواتير الكهربا اللى ح ترتفع كمان ولا التليفونات
ولا فواتير المية اللى ح يخصخصوها واحنا اصلا مش لاقيينا نشربها
ولا ح ندفع تمن الاكل
ولا نلبس
ولا نعمل ايه بالضبط

حسبنا الله ونعم الوكيل
دي عيشة تطهق

Bella said...

عصفور المدينة

مرحب تاني

وحياتك الله يكرمك عرفنا بالتطورات وايزين ننظم حملات مقاطعة للنظام الجديد اللى فعلا شكله ح يكون اكبر ضربة على قفانا

لامؤاخذة يعني

عاملين نفسهم بيخفضوا خمسين في المية واحنا ح نرجع نترحم على الموجود حاليا وح نرجع نقول ياريتنا فضلنا دايال اب

ربنا ينتقم منهم ويورينا فيهم يوم
قال حكومة الكترونية قال
دي حكومة حرامية
حكومة نهابية
حكومة نصابية
جاتهم مصيبة تاخدهم كلهم وتريحنا من وجوههم

Bella said...

Sha2loob

مرحبا بك

ماهو الخبر مش واضح منه اذا كان DSL ح يفضل موجود ولا بتطبيق النظام الجديد كلنا ح نتحول اتوماتيك له ونضطر صاغرين نتعامل بنظام الساعات او السعة ده وندفع الفرق لو قعدنا فترة اطول

كالعادة كل مايحبوا يستغفلونا ويطبقوا نظام سرقة جديد يقعدوا يتكلموا كلام هلامي مش محدد ولا واضح واحنا في النهاية اللى بنتدبس

ولو انتظرنا ح نلبس الليلة كلها وح نبقى البحر أمامنا والعدو وراءنا
فاين المفر

سنضطر تحت ضغط الحاجة نقبل بنظامهم

ويبدو انهم عارفين اننا شعب كلام وبس ولا نتحرك علشان كده كل شوية والتانية يلووا دراعنا بمصيبة جديدة

لازم نعرف ونشوف ح نتصرف ازاي
مش معقول نفضل نتسرق كده عيني عينك ونسكت

دي حاجة فعلا تقصر العمر

BinO said...

الغيبة أن وزير الأتصالات أكد ان التعديلات جاءت أستجابة لنبض الشارع
واضح انهم كشفوا علي مريض غلط
:)
بس عموماً النظام القديم زي ما هو لو مفيش حد عايز يغير

BinO said...
This comment has been removed by the author.
Bella said...

BinO

مرحبا بك

والله نبض الشارع ده حيرنا معاه
ولا هم بيتحججوا بنبض الشارع علشان يلبسونا اي مصيبة عايزين يمرروها والشارع اصلا نبضه ضعيف من سوء التغذية والعطش

بس تقول ايه
كل واحد بيستخبي ورا نبض الشارع علشان يجس نبضنا لو حب يعمل فينا مقلب ويلمع نفسه على حسابنا ويلم قرشين لخزينة الدولة واهو يضمن مدة اضافية في الوزارة

بس كويس ان النظام القديم لسع شغال

لو ح يلغوه خليهم بقى يبلوا الجديد ويشربوا ميته ولا يعملوا على الوصلات شوربة لسان عصفور تنفعهم بعد مااغلب الناس تبطل تشترك

mo'men mohamed said...

بصى يا سى
فى النهاية برده احنا الكسبانين
يعنى انا معنديش استعداد مثلا أروح أشترى رتر بـ 300 جنيه و بعدين أدفع تأمين مش عارف قد أيه وو جع دماغ
أنا أروح و أقدم فى الشركة وأشترى روتر بس مش لوحدى ومعايا حوالى 5 أنفار و التكلفى اللى حتقع على كل واحد حوالى 15 جنيه كل شهر
يبقى فى النهاية انا برضه الكسبان غصب عنهم
السلام عليكم

Abeer said...

المشكلة انهم لعبوها صح
قالوا هنخفض الاسعار
قلنا تمام
بس الداونلود هيبقى محدود
او الدخول مش عارف كام ساعة بس والساعة الزيادة ب 1.5 جنيه
مفيش كل اللي لزق في دماغنا انه هيقل سعره
بالعكس دول بيسرقونا بس بطريقة شيك
زي ما تكرمتي ووضحتي في الصورة

mwmo said...

أدفع 45 جنية أدفع 45 جنية و أخود أتنين جيجا يابيه هما أتنين جيجة يا بيه طب و أناهأعمل بيهم أيه.أيه و لا أيه و لا أيه و لا أيه أعمل داون لود ولا أيه و لا العب جيم أون لاين يابيه و لا أتشك الإميل و شات و خلاص ولا أسمع أغانى و أفلام يابيه طب و الأب ديت أعمل فيه ده أيه و هما أتنين جيجه بس يا بيه طب دول هأعمل بيهم أيه . أيه ولا أيه ولا أيه و لا أيه........ حد عندة جيجا سلف هاهاهاها