Sunday, July 22, 2007

مقاطعة الجهاز القومي لتجفيف الاتصالات


لم يعد اسمه الجهاز القومي لتنظيم الاتصالات
بل اصبح الجهاز القومي لتجفيف الإتصالات

فبعد الخبر المهزلة الذي طلع علينا به السيد وزير الاتصالات المقطوعة والطريقة الجديدة لمحاسبتنا على خدمة الانترنت السيئة اصلا والتي ينوون اجبارنا على التعامل بها غصب عنا دون وجود اي بدائل أخرى, صار لزاماً علينا مقاطعة الانترنت وتوصيل صوتنا بالاحتجاج لأن طريقة المحاسبة الجديدة ماهي إلا سرقة عيني عينك

ولننظر سوياً لطريقة المحاسبة الجديدة


سرعة 256 كليوبت فى الثانية = 32 كليو بايت فى الثانية يعنى لو افترضنا انك شغال يوميا طول الشهر

تبقى الحسبة =
32 كيلو * 60 ثانية * 60 دقيقة * 24 ساعة * 30 يوم = 80 جيجا تقريبا

يعنى انت دلوقتى بتاخد ال 80 جيجا ب 95 جنية

النظام الجديد هتاخد ال 80 جيجا دول ب 780 جنية

بدل ما يجبر الشركات تحسن من مستوى الخدمة وتجيب باندويدز اكبر لا هذا سيجعلهم يبعون الخط ابو 95 ب 780 جنية

Extra : 1 Giga = 10 LE
1 hour = 1.5 LE

الحسبة ومعلومات اضافية موجودة في هذا الجروب والصورة ايضا من هناك

وحسبنا الله ونعم الوكيل

لمزيد من التفاصيل

عفواً - لقد نفذ النت

عك يعك عكاً

لأ مش طظ/ الحملة القومية إنترنت بلا حدود

limited

فعلا الحداية مابتحدفش كتاكيت

AGAINST The National Telecom Regulatory Authority

تمخض وزير الاتصالات فولد عرسة

تحديث

استكمال لباقي لينكات المدونات المشاركة في حملة المقاطعة

الحداية والكتاكيت


الانترنت فائق السرعة ... يابلاش

ح نقاطع .. ولا نتقطع ؟

معاً ضد نظام الانترنت الجديد

موضوع مهم ... لازم تشارك فيه




هذا هو حال الخدمة الآن

21 comments:

عصفور المدينة said...

أهديكم هذا الموقع

http://www.hellkom.co.za/research/adsl2.htm

وعنوانه المبرر لتكون حسودا ويحوي أسعار الخدمة وسرعتها في أنحاء العالم

enjoy

غمض عينيك said...

هنقاطع النت ازاي بس سا بيلا...حتى لو قاطعنا في ناس كتير شغلها وحياتها اصلا النت لازم تكون في وقفة تانيه وخطوة محسوبة صح
انا كتبت برده عن الموضوع ده وكنت مصدوم اوي لان المفروض قطاع الاتصالات والتكنولوجيا يرخص مش يغلى

الموضوع ع اللينك ده
http://samir-fun.blogspot.com/2007/07/blog-post_21.html

تحياتي
محمد سمير

To a friend said...

دي بركات علاوة شهر يوليو علي ما اظن ... ما ينفعش نلغي الشهر ده من النتيجة؟ ده حتي شهر حر جدا
:P
بس فعلا صعب اوي اننا نقاطع النت زي ما بيقول غمض عينيك .. في الشغل بالذات.. في البيت عندي النت شخصيا مقاطعني اغلب الوقت
:)
ماعنديش اي مشكلة اني الغي النت المنزلي ان كان ده حايساعد في اي حاجة

mo'men mohamed said...

والله فعلا عيب اللى بيحصل ده
يعنى واحد زييى مثلا بينزلى كم هائل من الملفات
ده غير ان انا م الوحيد على الشبكة
يبقى كده حيتخرب بيت أبويا
حسبى الله ونعم الوكيل
السلام عليكم

micheal said...

نفسي مره واحده اسمع عن خبر عدل في البلد دي

Sha2loob said...

الجيجا ب10 جنيه والحسابة بتحسب, ولا عزاء لأصحاب النت كافيهات

حسبي الله ونعم الوكيل

simply me said...

اسمحلى اهنيك على معلوماتك والحمله التى تقوم بها ضد هذا الاستهبال السائر فى بلدنا

اسمحلى كمان اضيف لينك مدونتك فى موضوعى التابع للحمله

وياريت تنضم لنا فى حمله المليون خطاب

Ayman Elkholi said...

يا جماعة المقاطعة هي الحل الوحيد اللي نوجعهم بيه و نوريهم إنه احنا جادين... كمان الناس اللي حياتها على النت أنا من أولهم، لكن اللي لازم تعرفوه كويس قوي إنه أي مكسب صغير الوزارة هتحققه من ورا الحركة القذرة دي هيعملوه انتصار ساحق على الإرادة الشعبية، و بعدها اقسم بالله عمركم ما هاتشوفوها بعد كده في البلد دي

محجوب عبد الدايم

Bella said...

عصفور المدينة

مرحبا بك

شكرا على اللينك وعلى الفرسة اللى اتفرستها من بعد ماشفت الاسعار

فعلا استمتعت ايما استمتاع

ربنا يهد المفتري ويهد كل من سبب لنا في الغم الازلي ده

ربنا ينتقم منهم جميعا

Bella said...

غمض عينيك

مرحبا بك

لو ماقاطعناش بمزاجنا علشان يبطلوا الاستغلال ده ح نقاطع بعد كده غصب عنا لاننا مش ح نلاقي ندفع الفواتير

انت متصور بالحسبة الموجودة دي ممكن تلاقي نفسك بتدفع كام؟

اكتر من 700 جنية في الشهر كبداية لفاتورة ممكن تكون اكتر من كده

احنا ح ندفع فواتير ايه ولا ايه؟

لو سكتنا لهم على السرقة دي يبقى نستاهل انهم يسرقونا اكتر

Bella said...

fad-fadat nour

مرحبا بك

دي مش بركات علاوة يوليو

ده استهبال من الوزير واللى وراه

يعني مش كفاية السكر والرز واللحمة والخضار والكهربا والغاز وكل حاجة اسعارها اصبحت اضعاف

وماجبتش سيرة المية لان مافيش مية

لازم نقاطع ولو شهر ولو عملنا كده ح يخسروا كتير

هم معتمدين على عدم القدرة على الاستغناء اللى بيمارسه الشعب المصري من فترة

لو قدرنا نستغني وربيناهم لايمكن يعملوا الحركات دي تاني وح يفكروا كتير قوي قبل اي حركة سرقة ونهب ناويين يعملوها

والله حرام الظلم ده

بالنسبة للشركات ممكن جدا اي شركة تمنع العاملين فيها من عمل داونلود وتدفعهم الفرق لو حصل وعندهم طرق يعرفوا بيها مين دخل وقعد قد ايه

المظلوم في الموضوع ده كله اللى عنده اشتراك منزلي ومش مشارك حد بوصلات

لو عايزين يحاربوا الوصلات عندهم مليون طريقة غير الاسلوب الحقير ده

واسفة في الكلمة يعني

بس صراحة حاجة تخلي الواحد يخرج عن شعوره

الواحد نفسه مسدودة وقرفان من الهم ده كله

Bella said...

mo'men mohamed

مرحبا بك

كلنا ح يتخرب بيوتنا خصوصا اللى عامل اشتراك لوحده ومش مشارك في وصلات مع اي حد

الاسلوب اللى بيعاملونا به ده لازم يتغير والا احنا اللى نستاهل اللى ح يحصل لنا بعد كده

Bella said...

micheal

مرحبا بك

لااعتقد انك ح تسمع مرة اي خبر حلو

كل الاخبار عندهم اوحش من بعضها

زي مايكونوا مستخسرين فينا اي حاجة نرتاح فيها ولازم يعملوا لنا فيها فركشة ويعكننوا علينا

كأن كل واحد فيهم بينام وهو بيفكر ح يعكننا بكام قرار تاني يوم ويحلم بينا واحنا بنتقلب من الزعل

فيتفتق ذهنه العبقري عن عدة قرارات وهو راكب عربية الوزارة الصبح ورايح شغله ويروح يبلغهم علشان نلحق نتعكنن من اول اليوم

حاجة تقرف

Bella said...

Sha2loob

مرحبا بك

شوف انت بقى الحسابة بتاعتهم دي لما تشتغل مغالطات واي حد يفتح بقه ليس امامه الا الدفع او الدفع برضه ولو مش عاجبه الخدمة الرديئة والاسعار المولعة يرمي نفسه في اقرب بلاعة مجاري

اصل الوقوف على الكوبري بعد كده ح يبقى بفلوس والحسابة ح تحسب برضه بصيت قد ايه على النيل وفكرت كام ثانية ترمي نفسك فيه

العملية مش لعبة

كله توماتيكي

Bella said...

بندقه

مرحبا بك

واشكرك على اضافة لينك الحملة عندك

ومفروض كلنا نعمل كده صراحة

لو سكتنا مش ح نقدر نفتح بقنا بعد كده والضرب على قفانا ح يبقى بالطوابير

Bella said...

Bedouin

مرحبا بك

والله يااخ محجوب عندك حق

مفروض نوجعهم زي مابيوجعونا

حتى هم واجعينا في كل حاجة
في الاكل والشرب والعلاج والكساء وكل شيئ

حتى الماء مش لاقيينه

مش ح يحصل حاجة لو وجعنا جيوبهم بالنت

اشمعنى هم واجعينا على طول

Unknown said...

ده لينك للحلقة بتاعة القاهرة اليوم اللى بيبرر فيها وزير الاتصالات العبط اللى بيعمله

http://www.youtube.com/watch?v=DAmYfjVtTrU

عمر عاشق القرآن said...

يمكن الحكومة قالت كده هيبطلوا تدوين ؟؟
ولا الموضوع فلوس وبس ؟؟

________
على فكرة انا كمان كتبت بوست عن الموضوع ده .


ياااااارب يكون بفايدة

Anonymous said...

انا راى نجمع نفسنا ونكسر لهم الشركة وناخد النت ونمشى

Bella said...

مجهول

مرحبا بك

بدل مانكسر لهم الدنيا نكسر عليهم الدنيا وناقطعهم

يقوموا يحترموا نفسهم ويبطلوا استغلال

نورت المدونة

سكاي للتنظيف said...

كشف تسربات المياه
شركة تخزين اثاث بالرياض
شركة نقل اثاث بالرياض
شركة تنظيف فلل بالرياض
شركة تخزين عفش بالرياض
شركة نقل عفش بالرياض
شركة تنظيف واجهات حجر بالرياض
شركة نظافة بالرياض
شركة تنظيف شقق بالرياض
شركة تنظيف بيوت بالرياض
شركة جلي بلاط بالرياض
شركة تنظيف مسابح بالرياض
شركة تنظيف خزانات بالرياض
شركة عزل خزانات بالرياض
شركة تسليك مجارى بالرياض
شركة تنظيف موكيت بالرياض
شركة تنظيف منازل بالرياض
شركة تنظيف واجهات زجاج بالرياض
شركة تنظيف مجالس بالرياض